പാലാരിവട്ടം പാലം അഴിമതിക്കേസില് അറസ്റ്റിലായ മുന് മന്ത്രി വി കെ ഇബ്രാഹിംകുഞ്ഞിന്റെ ആരോഗ്യ പരിശോധനാ റിപ്പോര്ട്ട് വിദഗ്ധ സംഘം ഇന്ന് തയ്യാറാക്കും
പാലാരിവട്ടം പാലം അഴിമതിക്കേസില് അറസ്റ്റിലായ മുന് മന്ത്രി വി കെ ഇബ്രാഹിംകുഞ്ഞിന്റെ ആരോഗ്യ പരിശോധനാ റിപ്പോര്ട്ട് വിദഗ്ധ സംഘം ഇന്ന് തയ്യാറാക്കും. നാളെ ഡി എം ഒയ്ക്ക് കൈമാറുന്ന റിപ്പോര്ട്ട് മൂവാറ്റുപുഴ വിജിലന്സ് കോടതി ചൊവ്വാഴ്ച പരിഗണിക്കും. ഈ റിപ്പോര്ട്ട്് കിട്ടിയ ശേഷമാകും ഇബ്രാംഹിംകുഞ്ഞിന്റെ ജാമ്യാപേക്ഷയും വിജിലന്സിന്റെ കസ്റ്റഡി അപേക്ഷയും മൂവാറ്റുപുഴ കോടതി പരിഗണിക്കുക.
ജനറല് ആശുപത്രിയിലെ അഞ്ച് സ്പെഷ്യലിസ്റ്റ് ഡോക്ടര്മാര് ബോര്ഡ് അംഗങ്ങളാണ്. വിജിലന്സ് അറസ്റ്റ് ചെയ്യുന്നതിന് മുമ്ബ് ആശുപത്രിയിലായ ഇബ്രാംഹിംകുഞ്ഞിന്റെ ആരോഗ്യനില വ്യക്തമായി അറിയുന്നതിനാണ് വിജിലന്സ് കോടതി മെഡിക്കല് ബോര്ഡ് രൂപീകരിക്കാന് നിര്ദ്ദേശിച്ചത്. ഇവരുടെ റിപ്പോര്ട്ടിന്റെ അടിസ്ഥാനത്തിലാണ് ഇബ്രാഹിംകുഞ്ഞിന്റെ ജാമ്യേപക്ഷയും വിജിന്സിന്റെ കസ്റ്റഡി അപേക്ഷയും കോടതി പരിഗണിക്കുക.
അതേസമയം, കോടതിയില് സമര്പ്പിക്കും മുമ്ബ് മെഡിക്കല് റിപ്പോര്ട്ടിന്റെ പകര്പ്പ് നല്കണമെന്ന ഇബ്രാഹിംകുഞ്ഞിന്റെ ആവശ്യം കോടതി തള്ളിയിരുന്നു. നിലവില് ജുഡീഷ്യല് കസ്റ്റഡിയില് കൊച്ചി ലേക് ഷോര് ആശുപത്രിയില് ചികിത്സയിലാണ് ഇബ്രാഹിംകുഞ്ഞ്.
"
https://www.facebook.com/Malayalivartha