സൈബര് കുറ്റകൃത്യം തടയാനെന്ന പേരില് പൊലീസ് ആക്ടില് കൊണ്ടുവന്ന ഭേദഗതി എല്ലാ മാധ്യമങ്ങള്ക്കും ബാധകം... ഭേദഗതിയില് സൈബര് മാധ്യമം എന്ന് പ്രത്യേക പരാമര്ശമില്ല, വ്യാജ വാര്ത്തകള് തടയാന് നടപടിയുണ്ടാകുമെന്ന മുഖ്യമന്ത്രിയുടെ ആവര്ത്തിച്ചുള്ള പ്രഖ്യാപനത്തിന് പിന്നാലെ പൊലീസ് ആക്ടില് 118 (എ) എന്ന ഉപവകുപ്പ് ചേര്ത്ത് ഭേദഗതി....
സൈബര് കുറ്റകൃത്യം തടയാനെന്ന പേരില് പൊലീസ് ആക്ടില് കൊണ്ടുവന്ന ഭേദഗതി എല്ലാ മാധ്യമങ്ങള്ക്കും ബാധകം. ഭേദഗതിയില് സൈബര് മാധ്യമം എന്ന് പ്രത്യേക പരാമര്ശമില്ല. വ്യാജ വാര്ത്തകള് തടയാന് നടപടിയുണ്ടാകുമെന്ന മുഖ്യമന്ത്രിയുടെ ആവര്ത്തിച്ചുള്ള പ്രഖ്യാപനത്തിന് പിന്നാലെയായിരുന്നു ഭേദഗതി.
പൊലീസ് ആക്ടില് 118 (എ) എന്ന ഉപവകുപ്പ് ചേര്ത്താണ് ഭേദഗതി. സൈബര് ക്രൈം എന്ന പേരില് ആവിഷ്കാര സ്വാതന്ത്ര്യത്തിനും ക്രിയാത്മക വിമര്ശനങ്ങള്ക്കും കൂച്ചുവിലങ്ങിടുകയാണെന്ന വിമര്ശനങ്ങള്ക്കിടെയാണ് മാധ്യമ സ്വാതന്ത്ര്യത്തെ അട്ടിമറിക്കാനുള്ള ശ്രമം നടക്കുകയാണെന്ന് ആരോപണമുയരുന്നത്.
സ്ത്രീകള്ക്കെതിരായി തുടരുന്ന സൈബര് അതിക്രമങ്ങളെ ചെറുക്കാന് പര്യാപത്മായ നിയമം കേരളത്തിലില്ലാത്ത സാഹചര്യത്തിലാണ് ഭേദഗതിയെന്നാണ് വ്യാഖ്യാനം. പക്ഷെ പുതിയ ഭേദഗതി പ്രകാരം ആരെങ്കിലും മറ്റൊരു വ്യക്തിയുടെ യശസ്സിനു ഭീഷണിപ്പെടുത്തുകയോ, അപകീര്ത്തിപ്പെടുത്തുകയോ, തകര്ക്കുകയോ ചെയ്യുന്ന ഉദ്ദേശത്തോടെയുള്ള ഉള്ളടക്കം സൃഷ്ടിക്കുകയോ, പ്രസിദ്ധീകരിക്കുകയോ, വിതരണത്തിനിടയാക്കുകയോ ചെയ്താല് പ്രസ്തുത വ്യക്തി അഞ്ചുവര്ഷം തടവിനോ, 10,000 രൂപ പിഴയ്ക്കോ, തടവും പിഴയും ഒന്നിച്ചോ ശിക്ഷിക്കപ്പെടുന്നതാണെന്ന് കേരള പൊലീസ് ആക്ട് 118 (എ) പറയുന്നു.ജാമ്യം ലഭിക്കാത്ത കുറ്റമായതിനാല് പരാതി ലഭിച്ചാല് പൊലീസിന് കേസെടുക്കേണ്ടിവരും.
https://www.facebook.com/Malayalivartha
