പത്തനംതിട്ടയിൽ തദ്ദേശതിരഞ്ഞെടുപ്പിലെ പരാജയത്തിന് പിന്നാലെ ഡി സി സി ജനറല്‍ സെക്രട്ടറി സുധാ കുറുപ്പ് രാജിവച്ചു. തന്നെ കാലുവാരി തോല്‍പ്പിച്ചുവെന്നും സി പി എമ്മില്‍ ചേരുമെന്നും സുധ മാദ്ധ്യമങ്ങളോട് പറഞ്ഞു. പത്തനംതിട്ട ജില്ല പഞ്ചായത്ത് പളളിക്കല്‍ ഡിവിഷനില്‍ നിന്നാണ് സുധ ജനവിധി തേടിയത്.

തിരഞ്ഞെടുപ്പില്‍ വേണ്ടത്ര ഏകോപനമില്ലായിരുന്നു. ഡി സി സി-ബ്ലോക്ക്- മണ്ഡലം തലങ്ങളില്‍ പാര്‍ട്ടിക്ക് പാളിച്ച പറ്റി. പാര്‍ട്ടിയുടെ ഒരു സ്ഥാനാര്‍ഥി മത്സരിക്കുമ്ബോള്‍ ഈ മൂന്നു ഘടകങ്ങളും ഒരുമിച്ചുനിന്ന് സ്ഥാനാര്‍ത്ഥിക്ക് വേണ്ടുന്ന സഹായം ചെയ്‌താല്‍ മാത്രമേ സ്ഥാനാര്‍ത്ഥിക്ക് വിജയിക്കാന്‍ സാധിക്കുകയുളളൂ. എന്നാല്‍ അതുണ്ടായില്ലെന്നും സുധ വ്യക്തമാക്കി.

തിരഞ്ഞെടുപ്പില്‍ വേണ്ടുന്ന രീതിയില്‍ ക്രമീകരിച്ചു കൊണ്ടുപോകാന്‍ പാര്‍ട്ടിക്ക് കഴിഞ്ഞില്ല. സ്ഥാനാര്‍ത്ഥികള്‍ക്ക വേണ്ടതൊന്നും പാര്‍ട്ടി ചെയ്‌തില്ലെന്നും അതുകൊണ്ട് മാത്രമാണ് പാര്‍ട്ടി വിടുന്നതെന്നും സുധ കൂട്ടിച്ചേര്‍ത്തു.