ലോട്ടറി വില്‍പ്പനക്കാരനായ വയോധികനെ വ്യാജ ലോട്ടറി നല്‍കി പണം തട്ടിയതായി പരാതി. സമ്മാനമടിച്ച അയ്യായിരം രൂപയാണ് തട്ടിയെടുത്തത്. കൊല്ലം അഞ്ചലിലാണ് സംഭവമുണ്ടായത്.

തമിഴ്നാട് സ്വദേശിയായ മുഹമ്മദ് സാഹിബിന്റെ വ്യാജലോട്ടറിയുമായി വന്നയാള്‍ തട്ടിയെടുത്തത്.

വിന്‍വിന്‍ ഭാഗ്യക്കുറിയുടെ 5000 രൂപ സമ്മാനമടിച്ച ടിക്കറ്റിന്‍റെ വ്യാജനുമായി വന്നാണ് അജ്ഞാതനായ തട്ടിപ്പുകാരന്‍ മുഹമ്മദ് സാഹിബിനെ കബളിപ്പിച്ചത്.

40 രൂപ വിലയുളള 88 ടിക്കറ്റും 1480 രൂപയും വ്യാജലോട്ടറി കാട്ടി തട്ടിപ്പുകാരന്‍ കൊണ്ടുപോയി.

അഞ്ചല്‍ പൊലീസില്‍ പരാതി നല്‍കിയ മുഹമ്മദ് സാഹിബ് തട്ടിപ്പുകാരനെ പൊലീസ് കണ്ടെത്തുമെന്ന പ്രതീക്ഷയില്‍ കാത്തിരിക്കുകയാണ്.