അഞ്ച് വയസുകാരിയെ പതിനാറുകാരന്‍ ബലാത്സംഗം ചെയ്തു
അഞ്ച് വയസുകാരിയെ പതിനാറുകാരന്‍ ബലാത്സംഗം ചെയ്ത കേസില്‍ പ്രതിയെ പോലീസ് കസ്റ്റഡിയിലെടുത്തു. ഉത്തര്‍പ്രദേശിലെ ഹാമിര്‍പൂര്‍ ജില്ലയിലെ കോട്‌വാലിയിലാണ് സംഭവം. ശനിയാഴ്ച ഉച്ചതിരിഞ്ഞ് അഞ്ച് വയസുകാരി വീടിന്റെ വാതില്‍ക്കല്‍ ഇരുന്ന് കളിക്കുകയായിരുന്നു. 16 വയസുള്ള അമ്മാവന്‍ ബിസ്‌ക്കറ്റ് നല്‍കാമെന്ന വ്യാജേന അവളെ വീട്ടിലേക്ക് കൊണ്ടുപോയി ബലാത്സംഗം ചെയ്തു.
സംഭവത്തിന് ശേഷം പെണ്‍കുട്ടി പ്രതിയുടെ വീട്ടില്‍ നിന്ന് കരഞ്ഞുകൊണ്ട് പുറത്തുവന്ന് സംഭവം മുഴുവന്‍ അമ്മയോട് പറഞ്ഞതായി പോലീസ് സൂപ്രണ്ട് നരേന്ദ്ര കുമാര്‍ സിംഗ് പറഞ്ഞു. പെണ്‍കുട്ടിയുടെ കുടുംബം നല്‍കിയ പരാതിയുടെ അടിസ്ഥാനത്തില്‍ പ്രതിക്കെതിരെ ഐപിസി, ലൈംഗിക കുറ്റകൃത്യങ്ങളില്‍ നിന്നുള്ള കുട്ടികളെ സംരക്ഷിക്കല്‍ (പോക്‌സോ) നിയമപ്രകാരം കേസെടുത്തിട്ടുണ്ടെന്ന് എസ്പി പറഞ്ഞു. പെണ്‍കുട്ടിയെ വൈദ്യപരിശോധനയ്ക്ക് അയച്ചതായും സിംഗ് പറഞ്ഞു.
https://www.facebook.com/Malayalivartha
