ഇത്തവണ ഇങ്ങെടുക്കുവാ... നിയമസഭാ തെരഞ്ഞെടുപ്പില് സുരേഷ് ഗോപി, ജി. വേണുഗോപാല്, കൃഷ്ണകുമാര് എന്നിവരെ രംഗത്തിറക്കാന് പാര്ട്ടികള്; വമ്പന്മാരെ മുട്ടുകുത്തിക്കാന് കളം നിറഞ്ഞ് താരങ്ങളെത്തുമ്പോള് പ്രവര്ത്തകര്ക്കും ആവേശം; ശക്തമായ ത്രികോണ പോരാട്ടത്തിനൊരുങ്ങി കേരളം
കേരളം നിയമസഭാ തെരഞ്ഞെടുപ്പിനോട് അടുക്കുമ്പോള് സ്ഥാനാര്ത്ഥികളെ ചൊല്ലി ചര്ച്ച സജീവമാകുകയാണ്. ബിജെപിയില് ഏതെല്ലാം താര സ്ഥാനാര്ത്ഥികള് ഉണ്ടാകുമെന്നാണ് കേരളം ഉറ്റുനോക്കുന്നത്. ചലച്ചിത്ര താരങ്ങളായ സുരേഷ് ഗോപി, കൃഷ്ണകുമാര് എന്നിവരാണ് ബിജെപിയുടെ പ്രഥമ പട്ടികയിലുള്ളത്.
കെ.ബി. ഗണേഷ് കുമാറിനും മുകേഷിനും പിന്ഗാമികളായി വെള്ളിത്തിരയിലെ പ്രമുഖര് എംഎല്എമാരായെത്തുമോ എന്ന എന്ന ചോദ്യം സിനിമ, രാഷ്ട്രീയ വൃത്തങ്ങളില് സജീവമാകുകയാണ്.
കോണ്ഗ്രസിന്റെ ഉറച്ച മണ്ഡലമായിരുന്ന വട്ടിയൂര്ക്കാവ് തിരിച്ചു പിടിക്കാനായി പൊതുസമ്മതരെ കൂടി പരിഗണിക്കുന്നതിനാലാണ് ഗായകനായ ജി. വേണുഗോപാലിന്റെ പേര് ഉയര്ന്നത്. രാഷ്ട്രീയം എന്ന മായാമഞ്ചലില് കയറുമോയെന്നതില് വേണുഗോപാല് പിടി കൊടുത്തിട്ടില്ല. കോളജ് കാലത്തെ കെഎസ്യു ബന്ധം മുന്നിര്ത്തി വേണുഗോപാലിന്റെ ആകര്ഷക വ്യക്തിത്വം കോണ്ഗ്രസിന് ഉപയോഗിക്കണമെന്നു ചില നേതാക്കള് നേതൃത്വത്തോട് ആവശ്യപ്പെട്ടു കഴിഞ്ഞു.
രാജ്യസഭാംഗത്വ കാലാവധി വൈകാതെ പൂര്ത്തിയാക്കുന്ന സുരേഷ് ഗോപി ഇപ്പോള് ബിജെപിയുടെ കേരളത്തിലെ താര പ്രചാരകനാണ്. ലോക്സഭാ തിരഞ്ഞെടുപ്പില് തൃശൂരിനെ ഇളക്കിമറിച്ച സുരേഷ് ഗോപി തിരുവനന്തപുരത്തോ വട്ടിയൂര്ക്കാവിലോ സ്ഥാനാര്ഥിയാകാനുള്ള സാധ്യത ശക്തം. ആറന്മുള, തൃശൂര് മണ്ഡലങ്ങളിലും ആ പേര് ഉയര്ന്നു. നടന് ഇതുവരെ പാര്ട്ടി സംസ്ഥാന നേതൃത്വത്തിനു മുന്നില് മനസ്സു തുറന്നിട്ടില്ല. സംസ്ഥാന നേതൃത്വത്തെക്കാള് ബിജെപിയുടെ കേന്ദ്രനേതൃത്വവുമായി ബന്ധപ്പെട്ടാണു സുരേഷ് ഗോപി പ്രവര്ത്തിക്കുന്നത്. അതിനാല് തന്നെ അവരുടെ അഭിപ്രായങ്ങള് കൂടി മാനിക്കും.
സംവിധായകന് അലി അക്ബര് 2016 ല് അദ്ദേഹം മത്സരിച്ച കൊടുവള്ളി മണ്ഡലത്തിലെ ബിജെപി സാധ്യതാ പട്ടികയിലുണ്ട്.
അതേസമയം, തൃപ്പൂണിത്തുറയിലോ പാലക്കാട് ജില്ലയിലെ ഏതെങ്കിലും മണ്ഡലത്തിലോ ബിജെപിക്കായി പടയ്ക്കിറങ്ങുമെന്ന പ്രചാരണം വെറുതേയാണെന്നാണ് സംവിധായകന് മേജര് രവി പറയുന്നത്.
നടന് സിദ്ദിഖും യുഡിഎഫുമായി ബന്ധപ്പെട്ട അഭ്യൂഹങ്ങള് നിഷേധിച്ചു. വൈപ്പിനില് യുഡിഎഫ് സ്ഥാനാര്ഥിയാകുമെന്ന പോസ്റ്ററുകള് പ്രത്യക്ഷപ്പെട്ടത് ആരാധകരുടെ ആഗ്രഹം മാത്രമാണെന്നു ധര്മജന് ബോള്ഗാട്ടി ചിരിച്ചു തള്ളി.
അതേസമയം കൊല്ലം സീറ്റില് നോട്ടമിട്ടു സിപിഎമ്മിലെ ഒരു പിടി നേതാക്കള് രംഗത്തുള്ളതിനാല്, തര്ക്കം ഒഴിവാക്കാന് മുകേഷിനെ തന്നെ വീണ്ടും പരിഗണിച്ചേക്കും. വികസന കലണ്ടര് ഉള്പ്പെടെ പുറത്തിറക്കി മുകേഷ് മണ്ഡലത്തില് സജീവമാകുകയും ചെയ്തിട്ടുണ്ട്. പാര്ട്ടി തീരുമാനിക്കും എന്നായിരുന്നു മുകേഷിന്റെ പ്രതികരണം. പത്തനാപുരത്ത് കെ.ബി. ഗണേഷ് കുമാര് എല്ഡിഎഫിനായി വീണ്ടും ഇറങ്ങാനാണ് സാധ്യത.
അതേസമയം പിണറായി വിജയനെതിരെ ഇനിയും മത്സരിക്കാന് താനില്ലെന്ന് കെപിസിസി നിര്വാഹക സമിതി അംഗം മമ്പറം ദിവാകരന് പറഞ്ഞു. പിണറായി വിജയനുമായി വ്യക്തപരമായി നല്ല അടുപ്പമുണ്ട്. എന്നാല് രാഷ്ട്രീയമായ വിയോജിപ്പുകള് ഉണ്ട്. അന്ധമായ കമ്മ്യൂണിസ്റ്റ് വിരോധം ഇപ്പോഴും ഉണ്ടെങ്കിലും ചിലരുടെ സമീപനമാണ് മടുപ്പുണ്ടാക്കുന്നത്. അതിനാല് പിണറായി വിജയനെതിരെ മത്സരിക്കാന് താനില്ല. പിണറായി വിജയനെതിരെ ആര് മത്സരിച്ചാലും തനിക്കെതിന് ഒരു കുഴപ്പവുമില്ലെന്നാണ്മമ്പറം ദിവാകരന് പറയുന്നത്.
"
https://www.facebook.com/Malayalivartha
