നിയന്ത്രണം വിട്ട കെ.എസ്.ആര്.ടി.സി ബസ് ഫര്ണിച്ചര് കടയിലേക്ക് ഇടിച്ചുകയറി അപകടം; യാത്രക്കാരായ രണ്ട് പേര് മരിച്ചു; പതിനെട്ട് പേര്ക്ക് പരിക്ക്; പരിക്കേറ്റവരെ ആശുപത്രിയിൽ പ്രവേശിപ്പിച്ചു
തിരുവല്ല ( പത്തനംതിട്ട) പെരുന്തുരുത്തിയില് കെ.എസ്.ആര്.ടി.സി ബസ് കടയിലേക്ക് ഇടിച്ചുകയറി രണ്ട് പേര് മരിച്ചു. 18 പേര്ക്ക് പരിക്കേറ്റു. യാത്രക്കാരായ ഒരു സ്ത്രീയും പുരുഷനുമാണ് മരിച്ചത്. കോട്ടയം ഡിപ്പോയില് നിന്ന് തിരുവനന്തപുരത്തേക്ക് പോയ RPM 512 ബസാണ് അപകടത്തില്പ്പെട്ടത്. ഇന്ന് വൈകുന്നേരം നാലുമണിയോടെയാണ് സംഭവം. നിയന്ത്രണം വിട്ട ബസ് തൊട്ടുമുന്നിലുള്ള ഇരുചക്ര വാഹനത്തില് സഞ്ചരിച്ച ദമ്ബതികളെ ഇടിച്ചു തെറിപ്പിച്ച് ഫര്ണിച്ചര് കടയിലേക്ക് ഇടിച്ചു കയറുകയായിരുന്നു.
പരിക്കേറ്റ 14 പേരെ തിരുവല്ലയിലെ സ്വകാര്യ ആശുപത്രിയിലും നാല് പേരെ താലൂക്ക് ആശുപത്രിയിലും പ്രവേശിപ്പിച്ചു. നാട്ടുകാരും അഗ്നിരക്ഷാ സേനയും ചേര്ന്നാണ് പരിക്കേറ്റവരെ ആശുപത്രിയിലെത്തിച്ചത്. അപകടത്തെ തുടര്ന്ന് കോട്ടയം-തിരുവല്ല പാതയില് അരമണിക്കൂറോളം ഗതാഗതം തടസപ്പെട്ടു.
https://www.facebook.com/Malayalivartha