കൊടുവള്ളി നിയമസഭാ മണ്ഡലത്തിൽ സിറ്റിംഗ് എംഎൽഎയായ കാരാട്ട് റസാഖ് വീണ്ടും എൽഡിഎഫ് സ്ഥാനാർത്ഥിയായി മത്സരിക്കാൻ സാധ്യത.

നിയമസഭാ തെരഞ്ഞെടുപ്പിൽ മത്സരിക്കുന്നതുമായി ബന്ധപ്പെട്ട് സിപിഐഎം നേതൃത്വം കാരാട്ട് റസാഖിന് നിർദേശം നൽകി. സ്ഥാനാർത്ഥി പ്രഖ്യാപനത്തിന് ശേഷം പ്രചാരണം ശക്തമാക്കുമെന്നും കാരാട്ട് റസാഖ് വ്യക്തമാക്കി

"കൊടുവള്ളി നിലനിർത്താൻ കഴിയുമോ എന്ന് ജനങ്ങളാണ് തീരുമാനിക്കേണ്ടതെന്നും വികസനത്തോടൊപ്പം നിൽക്കുന്നവരാണ് കൊടുവള്ളിയിലെ ജനങ്ങൾ. കൊടുവള്ളിയെ സംബന്ധിച്ചിടത്തോളം സ്വർണക്കടത്തുമായി ബന്ധപ്പെട്ടുള്ളത് വെറും വിവാദങ്ങൾ മാത്രമാണ്.

കൊടുവള്ളിയെ വിവാദങ്ങളിലേക്ക് തള്ളിവിടുക എന്നതാണ് ലക്ഷ്യം. കേസിൽ കൊടുവള്ളിക്കാർ ആരും തന്നെ പ്രതികളാകുന്നില്ല. ജനങ്ങൾക്ക് തന്നെ അറിയാമെന്നും" റസാഖ് മാധ്യമങ്ങളോട് പറഞ്ഞു.

എംഎൽഎയുടെ പ്രവർത്തനം വിലയിരുത്തുമ്പോൾ നൂറ് ശതമാനം ആത്മവിശ്വാസത്തിലാണ് ഇപ്പോഴുള്ളത്. അഞ്ച് വർഷം കൊണ്ട് 1240 കോടിയുടെ വികസനം മണ്ഡലത്തിൽ‌ നടപ്പിലാക്കാൻ കഴിഞ്ഞുവെന്നും കാരാട്ട് റസാഖ് പറഞ്ഞു.