പ്രായപൂര്ത്തിയാകാത്ത പ്ലസ് ടു വിദ്യാര്ഥിനിയെ പീഡിപ്പിക്കാന് ശ്രമം; ഒളിവില് കഴിഞ്ഞിരുന്ന യുവാവിനെ പോലീസ് അറസ്റ്റ് ചെയ്തു
കൊല്ലം ചടയമംഗലത്ത് പ്രായപൂര്ത്തിയാകാത്ത പ്ലസ് ടു വിദ്യാര്ഥിനിയെ പീഡിപ്പിക്കാന് ശ്രമിച്ച യുവാവിനെ പൊലീസ് അറസ്റ്റ് ചെയ്തിരിക്കുന്നു. പീഡനശ്രമം ചെറുത്ത പെണ്കുട്ടിയെ യുവാവ് മര്ദ്ദിച്ചെന്നും പരാതി ഉയര്ന്നിരിക്കുകയാണ്. മൂന്നു മാസമായി ഒളിവില് കഴിഞ്ഞിരുന്ന യുവാവിനെ കഴിഞ്ഞ ദിവസമാണ് പൊലീസ് കണ്ടെത്തി പിടികൂടിയിരിക്കുന്നത്.
അഞ്ചല് കുരുവിക്കോണം സ്വദേശിയായ ഇരുപതുകാരന് സുധിയാണ് ചടയമംഗലം പോലീസിന്റെ പിടിയിലായത്. കഴിഞ്ഞ വര്ഷം ഡിസംബര് മാസം പതിനെട്ടാം തീയതി ആയിരുന്നു കേസിന് ആസ്പദമായ സംഭവം ഉണ്ടായിരിക്കുന്നത്. പരീക്ഷ എഴുതാനായി പോയ പെണ്കുട്ടിയെ ചടയമംഗലത്ത് സ്കൂളിന് സമീപത്ത് വച്ച് ശല്യപ്പെടുത്തുകയും എതിര്ത്തതിനെ തുടര്ന്ന് പ്രതി പെണ്കുട്ടിയെ മുഖത്ത് അടിക്കുകയുമായിരുന്നു ഉണ്ടായത്.
പെണ്കുട്ടിയുടെ രക്ഷകര്ത്താക്കള് ചടയമംഗലം പോലീസില് പരാതിനല്കിയതിന്റെ അടിസ്ഥാനത്തില് അന്നു തന്നെ പ്രതിക്കെതിരെ പോക്സോ അടക്കമുള്ള വകുപ്പുകള് ചുമത്തി കേസെടുത്തു. പക്ഷേ ഇയാള് ഒളിവില് പോവുകയുണ്ടായി. മൂന്നു മാസം നീണ്ട അന്വേഷണത്തിനൊടുവിലാണ് കൊല്ലം പുന്നലയിലെ യുവാവിന്റെ ഒളിയിടം പൊലീസ് കണ്ടെത്തിയത്. മുന്പും ഈ പെണ്കുട്ടിയെ ശല്യം ചെയ്തതിന് അഞ്ചല് പോലീസ് സ്റ്റേഷനില് പലതവണ ഇയാള്ക്കെതിരെ പരാതി നല്കിയിരുന്നു. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
https://www.facebook.com/Malayalivartha
