കോവിഡ് രൂക്ഷമാകുന്ന സാഹചര്യത്തിൽ വരും ദിവസങ്ങളിൽ രോഗികളുടെ എണ്ണം ഇപ്പോൾ ഉള്ളതിനെകാൾ ഇരട്ടി ആകുമെന്ന് ആരോഗ്യ വിദഗ്ധര്‍ പറയുന്നു. വളരെ വേഗം തന്നെ ഒരാളിൽ നിന്ന് മറ്റൊരാളിലേക്ക് രോഗം പകരുന്നു.

നിലവിലുള്ള കോവിഡ് ആക്റ്റീവ് കേസുകൾ രണ്ട് ലക്ഷത്തില്‍ നിന്ന് മൂന്ന് ലക്ഷത്തിലേക്ക് മാറാൻ എടുത്തത് വെറും 5 ദിവസമാണ്. ഇങ്ങനെ ആണെങ്കിൽ വരുന്ന 10 ദിവസത്തിനുള്ളിൽ കോവിഡ് രോഗികളുടെ എണ്ണം ഇപ്പോൾ ഉള്ളതിനേക്കാളും ഇരട്ടിയാകും എന്നും ആരോഗ്യ വിദഗ്ധര്‍ ചൂണ്ടിക്കാട്ടുന്നു.

5 ദിവസന്തത്തിനിടയിൽ രോഗികളുടെ എണ്ണത്തിൽ ഇത്രയും മാറ്റം വന്നെങ്കിൽ കോവിഡ് വൈറസിന്റെ ശക്തി വലുതാണ്. മാര്‍ച്ച്‌ 25ന് 2,18,893 രോഗികള്‍ ഉണ്ടായിരുന്നിടത്ത് മുപ്പതാം തീയതി ആയപ്പോള്‍ 3,03,733 ആയി. രോഗികളുടെ എണ്ണം കൂടുന്ന സമയം വളരെ കുറവാണെന്നു ഇതില്‍ നിന്ന് വ്യക്തമാക്കൻ കഴിയുമെന്നും ആരോഗ്യ വിദഗ്ധര്‍ പറയുന്നു.

ഇതോടൊപ്പം മരണനിരക്കും ടെസ്റ്റ് പോസിറ്റിവിറ്റി നിരക്കും ഉയരാനാണ് സാധ്യത. സംസ്ഥാനത്തെ നിലവിലെ സാഹചര്യം കണക്കിൽ എടുത്ത് ഇന്നുമുതൽ വരുന്ന 9 വരെ കർശന നിയന്ത്രണങ്ങൾ ഏർപെടുത്തിയിരിക്കുകയാണ്.