ജീവനക്കാരുടെ ശുചിമുറിയില് ഒളിക്യാമറ സ്ഥാപിച്ച ഡോക്ടര്ക്ക് തടവുശിക്ഷ
ആശുപത്രിയിലെ സഹപ്രവര്ത്തകരായ ജീവനക്കാരുടെ ശുചിമുറിയില് ഒളിക്യാമറ സ്ഥാപിച്ചതിന് ഇന്ത്യന് വംശജനായ ഡോക്ടര് അദൈ്വത് ദേശ്മുഖ് കുറ്റക്കാരനാണെന്ന് കണ്ടെത്തി കോടതി. ഇയാള്ക്ക് ആറ് മാസത്തെ തടവുശിക്ഷ വിധിച്ചു. ഇതോടൊപ്പം ഇയാളുടെ പ്രോബേഷന് കാലയളവ് മൂന്ന് വര്ഷത്തേക്ക് നീട്ടിയതായും കോടതി വിധിയില് വ്യക്തമാക്കുന്നു. ഇയാള് ലൈംഗിക കുറ്റവാളിയാണെന്ന് കണ്ടെത്തിയ കോടതി മാനസികാരോഗ്യ ചികിത്സയടക്കം തേടണമെന്നും ശിക്ഷാ നിബന്ധനകളില് വ്യക്തമാക്കുന്നു. കോടതി വിചാരണയ്ക്ക് മുമ്പ് അദൈ്വത് ഇരകളോട് മാപ്പ് അപേക്ഷിച്ചിരുന്നു.
ഒഹായോയിലെ പ്രോമെഡിക്ക ടൊലെഡോ ആശുപത്രിയിലെ എല്ലാവര്ക്കും ഉപയോഗിക്കാന് കഴിയുന്ന ശുചിമുറിയില് ഒളിപ്പിച്ച നിലയില് മൊബൈല് ഫോണ് കണ്ടെത്തിയതോടെയാണ് സംഭവം പുറത്തറിയുന്നത്. ഈ മൊബൈല് ഫോണ് നീക്കം ചെയ്യാന് ശ്രമിച്ചപ്പോള് ഇത് തന്റേതാണെന്ന് അവകാശപ്പെട്ട് അദൈ്വത് അത് വാങ്ങിക്കുകയായിരുന്നു. സംശയം തോന്നിയ ജീവനക്കാര് പരാതി നല്കിയതോടെയാണ് ഞെട്ടിക്കുന്ന വിവരങ്ങള് പുറത്തുവരുന്നത്.
പരാതിയുടെ അടിസ്ഥാനത്തില് അന്വേഷണം നടത്തിയ പൊലീസ് 80ഓളം നഗ്നചിത്രങ്ങള് കണ്ടെത്തി. പിന്നീട് നടത്തിയ വിശദമായ അന്വേഷണത്തില് ഈ ചിത്രങങള് 2025 ഫെബ്രുവരി, മേസ് മാസങ്ങള് പകര്ത്തിയതാണെന്ന് കണ്ടെത്തി. ചിത്രങ്ങളില് കാണുന്ന യുവതികളുമായി സംസാരിച്ചപ്പോള്, തങ്ങളുടെ സമ്മതത്തോടെയല്ല പകര്ത്തിയതെന്ന് കണ്ടെത്തി. 2018 മുതല് സമാനമായ ദൃശ്യങ്ങള് പകര്ത്തിയിട്ടുണ്ടാകാമെന്ന സൂചനകള് ഉള്ളതിനാല്, കൂടുതല് ചിത്രങ്ങളും ഇരകളും ഉണ്ടാകാമെന്ന് പൊലീസ് കരുതുന്നു.
കുറ്റകൃത്യം കണ്ടെത്തിയ സമയത്ത്, ടൊളെഡോ സര്വകലാശാലയില് മൂന്നാം വര്ഷ മെഡിക്കല് റെസിഡന്റ് ആയിരുന്നു ദേശ്മുഖ്. എന്ഡോയൂറോളജിയിലും യൂറോളജിക് ഓങ്കോളജിയിലും വിദഗ്ധ പരിശീലനം നേടുകയായിരുന്നു. എന്നാല് ശുചിമുറിയില് ഇയാളുടെ മൊബൈല് ഫോണ് കണ്ടെത്തിയതിനെത്തുടര്ന്ന് ടൊലെഡോ സര്വകലാശാല അദ്ദേഹത്തെ നിര്ബന്ധിത അവധിയില് പ്രവേശിപ്പിക്കുകയും, ആഭ്യന്തര അന്വേഷണത്തിനൊടുവില് അദ്ദേഹത്തിന്റെ റെസിഡന്സി നിയമനം പുതുക്കേണ്ടതില്ലെന്ന് തീരുമാനിക്കുകയും ചെയ്തു.
https://www.facebook.com/Malayalivartha
