ആ പോരാട്ടം നിലച്ചു.... അര്‍ബുദവുമായുള്ള പോരാട്ടത്തിനിടയിലും ആയിരക്കണക്കിന് ആളുകള്‍ക്ക് പ്രചോദനമേകിയ ധീര പോരാളി നന്ദു മഹാദേവ മരണത്തിന് കീഴടങ്ങി
അര്‍ബുദവുമായുള്ള പോരാട്ടത്തിനിടയിലും ആയിരക്കണക്കിന് ആളുകള്‍ക്ക് പ്രചോദനമേകിയ ധീര പോരാളി നന്ദു മഹാദേവ (27)മരണത്തിന് കീഴടങ്ങി. കോഴിക്കോട് എം.വി.ആര്‍ ക്യാന്‍സര്‍ സെന്ററില്‍ ശനിയാഴ്ച പുലര്‍ച്ചെ 3.30നായിരുന്നു അന്ത്യം.
രോഗത്തെ ചിരിയോടെ നേരിട്ട് അര്‍ബുദ പോരാട്ടത്തില്‍ നിരവധി പേര്‍ക്ക് പ്രചോദനമായാണ് നന്ദുവിന്റെ മടക്കം. ജീവിതത്തിന്റെ ഓരോ ഘട്ടവും നന്ദു സമൂഹ മാധ്യമങ്ങളിലൂടെ അറിയിച്ചിരുന്നു. നിരവധി പേരാണ് നന്ദുവിനെ സമൂഹ മാധ്യമങ്ങളില്‍ പിന്തുടരുന്നത്.
അതേസമയം ശരീരത്തിലെ ഓരോ അവയവങ്ങളെയും കാന്‍സര്‍ കാര്‍ന്നു തിന്നുമ്പോഴും ആത്മവിശ്വാസത്തോടെ അതിനോടു പൊരുതുന്ന നന്ദു മഹാദേവ. മാത്രമല്ല ആയിരങ്ങള്‍ക്ക് പുതുജീവന്‍ പകര്‍ന്നു നല്‍കാന്‍ നന്ദുവിന്റെ ഓരോ വാക്കുകള്‍ക്കും കഴിയും.
ശരീരത്തിന്റെ പല അവയവങ്ങളിലേക്ക് കാന്‍സര്‍ പടരുമ്പോഴും ഇനി മരുന്നുകള്‍ ഒന്നും തന്നെയില്ല എന്ന ഡോക്ടര്‍മാര്‍ വിധിയെഴുതുമ്പോഴും ചിരി മരുന്നാക്കി മുന്നോട്ടുപോവുകയായിരുന്നു ഈ യുവാവ്.
"
https://www.facebook.com/Malayalivartha
