സ്വര്ണ്ണക്കടത്ത് കേസിലെ ഗൂഢാലോചന അന്വേഷിക്കാന് പിണറായി സര്ക്കാര് നിയോഗിച്ച ജസ്റ്റിസ് വി.കെ മോഹനന് കമ്മീഷന്റെ നിയമനം അസാധുവാകാന് സാധ്യത
സ്വര്ണ്ണക്കടത്ത് കേസിലെ ഗൂഢാലോചന അന്വേഷിക്കാന് പിണറായി സര്ക്കാര് നിയോഗിച്ച ജസ്റ്റിസ് വി.കെ മോഹനന് കമ്മീഷന്റെ നിയമനം അസാധുവാകാന് സാധ്യത.
സ്വര്ണ്ണക്കടത്ത് കേസില് സര്ക്കാര് നിയോഗിച്ച ജുഡീഷ്യല് കമ്മീഷനെതിരേ എന്ഫോഴ്സ്മെന്റ് ഡയറക്ടറേറ്റ് (ഇഡി) ഹൈക്കോടതിയില് കേസ് ഫയല് ചെയ്തതാണ് മോഹനന് കമ്മിഷന്റെ പ്രവര്ത്തനത്തെ പ്രതിസന്ധിയിലാക്കുന്നത്. കേസ് അട്ടിമറിക്കാനാണ് ജുഡീഷ്യല് കമ്മീഷനെന്ന് ഇ.ഡി ഹൈക്കോടതിയില് വാദിച്ചു. സംസ്ഥാന സര്ക്കാര് നിയമവിരുദ്ധമായാണ് കമ്മീഷനെ നിയോഗിച്ചതെന്നും ഇ.ഡി കോടതിയില് വ്യക്തമാക്കി.
കേന്ദ്ര സര്ക്കാരിനെതിരെ സംസ്ഥാന സര്ക്കാര് ജുഡീഷ്യല് കമ്മീഷനെ നിയോഗിച്ചത് തെരഞ്ഞടുപ്പ് ലക്ഷ്യമിട്ടായിരുന്നു. ജുഡീഷ്യല് കമ്മീഷനെ നിയോഗിക്കുമ്പോള് തങ്ങളുടെ നിരപരാധിത്വം വെളിപ്പെടുമെന്നായിരുന്നു പിണറായി സര്ക്കാരിന്റെ ചിന്ത. തീര്ച്ചയായും ഇത് പിണറായി സര്ക്കാരിനെ വലിയ അളവില് സഹായിച്ചു. എന്നാല് തുടര് ഭരണം കിട്ടിയതോടെ സര്ക്കാര് പ്രതിസന്ധിയിലായി.
കേന്ദ്ര അന്വേഷണ ഏജന്സികളുടെ അന്വേഷണത്തില് വഴിവിട്ട ഇടപെടലുകള് ഉണ്ടായിട്ടുണ്ടോ എന്ന് പരിശോധിക്കാനാണ് സംസ്ഥാന സര്ക്കാര് ജസ്റ്റിസ് വികെ മോഹനനെ ജുഡീഷ്യല് കമ്മീഷനായി നിയമിച്ചത്. ഈ നടപടി അടിയന്തരമായി റദ്ദാക്കണമെന്ന് ആവശ്യപ്പെട്ടാണ് ഇഡി ഹൈക്കോടതിയെ സമീപിച്ചത്.
യഥാര്ത്ഥത്തില് ജുഡീഷ്യല് കമ്മീഷന് നിയമനത്തില് സാങ്കേതികമായ ധാരാളം നൂലാമാലകള് ഉണ്ടായിരുന്നു. നിയമവകുപ്പിന്റെ അംഗീകാരം വാങ്ങുന്നതിന് മുമ്പാണ് ജുഡീഷ്യല് കമ്മീഷനെ നിയോഗിച്ചത്. അത്തരം നിയമനങ്ങള്ക്ക് സാങ്കേതികമായ യാതൊരു തടസവും ഉന്നയിക്കേണ്ട കാര്യമില്ല.നിയമവകുപ്പിന്റെ അംഗീകാരം വാങ്ങേണ്ട സാഹചര്യവും ഉദിക്കുന്നില്ല. കാരണം ഇത്തരം നിയമനങ്ങള് സര്ക്കാരിന്റെ പോളിസിയാണ്.
സംസ്ഥാന സര്ക്കാര് നിയമപരമായ അധികാരങ്ങള് ദുര്വിനിയോഗം ചെയ്താണ് കമ്മീഷനെ നിയോഗിച്ചതെന്ന് എന്ഫോഴ്പ്മെന്റ് ഹൈക്കോടതിയെ അറിയിച്ചു. കേന്ദ്ര ഏജന്സി അന്വേഷിക്കുന്ന കേസില് കുറ്റപത്രം സമര്പ്പിച്ച സാഹചര്യത്തില് കേസിനെ ദുര്ബലപ്പെടുത്തുന്ന നടപടിയാണ് സംസ്ഥാന സര്ക്കാരിന്റേതെന്നും എന്ഫോഴ്സ്മെന്റ് ആരോപിച്ചു. കുറ്റപത്രം സമര്പ്പിച്ച ഒരു കേസില് അന്വേഷണത്തിന്റെ പ്രസക്തിയെ കുറിച്ച് ചിന്തിക്കുന്നത് പോലും മണ്ടത്തരമാണ്.
നേരത്തെ ജുഡീഷ്യല് കമ്മീഷന് പത്രപ്പരസ്യം നല്കി കമ്മീഷനില് കക്ഷി ചേരാന് താത്പര്യമുള്ളവരെ ക്ഷണിച്ചിരുന്നു. തെളിവുകള് കൈയിലുള്ളവര്ക്ക് അവ ഹാജരാക്കാമെന്നും കമ്മീഷന് വ്യക്തമാക്കിയിരുന്നു. ഇവ ഹാജരാക്കാനുള്ള സമയപരിധി ജൂണ് 26ന് അവസാനിക്കാനിരിക്കെയാണ് ഇഡി കോടതിയെ സമീപിച്ചത്.
ജുഡീഷ്യല് കമ്മീഷന് നിയമനം സര്ക്കാരിന്റെ പോളിസിയായതിനാല് ഹൈക്കോടതി ഇടപെടുമോ എന്ന് വ്യക്തമല്ല. എന്നിരുന്നാലും എന്ഫോഴ്സ്മെന്റിന്റെ വാദങ്ങള് തള്ളാന് ഹൈക്കോടതിക്ക് കഴിയില്ല.നിയമപരമായ ധാരാളം അവകാശങ്ങളുള്ള സ്ഥാപനമാണ് ഇ.ഡി.
ഹൈക്കോടതിയില് നിന്നും വിധി പ്രതികൂലമായാല് ഇ ഡി മേല് കോടതികളെ സമീപിക്കുമെന്ന് ഉറപ്പാണ്. അക്കാര്യം ഹൈക്കോടതിക്കും അറിയാം. അതിനാല് തന്നെ ധൃതി പിടിച്ചൊരു തീരുമാനം ഹൈക്കോടതി സ്വീകരിക്കുമെന്ന് തോന്നുന്നില്ല.
ഏതായാലും ഹൈക്കോടതിയോ സുപ്രീം കോടതിയോ പിരിച്ചുവിടുന്നതു വരെ ജസ്റ്റിസ് മോഹനന് കമ്മീഷന് നിലനില്ക്കും. അതിനുള്ള ശ്രമമാണ് സംസ്ഥാന സര്ക്കാര് നടത്തുന്നത്. ഇനി കമീഷന് ഇല്ലാതായാല് തന്നെ തങ്ങള് ഉദ്ദേശിച്ചതെല്ലാം പിണറായി നേടിക്കഴിഞ്ഞു.
https://www.facebook.com/Malayalivartha
