ഇരകളോടൊപ്പം നില്ക്കാതെ കുറ്റവാളികളെ സംരക്ഷിക്കുന്ന നിലപാടാണ് കമ്മ്യൂണിസ്റ്റ് പാര്ട്ടിയുടെ പോഷകാസംഘടനാ മേധാവിയായി പ്രവര്ത്തിക്കുന്ന ജോസഫൈന് സ്വീകരിച്ചത് :കേന്ദ്ര വനിത കമ്മീഷന് പരാതി നല്കി ശോഭ സുരേന്ദ്രന്
അറം പറ്റിയ ഒറ്റവാക്ക്... കടന്നല്കൂട് പോലെ ഇളകി കേരളം... ജോസഫൈന് ഒന്നിന് പിറകെ ഒന്നായി പണികള്.... പരാതി പറയാന് വിളിച്ച സ്ത്രീയോട് അപമര്യാദയായി സംസാരിച്ച വനിതാ കമ്മീഷന് അധ്യക്ഷ എംസി ജോസഫൈന് ഇന്നലെ മുതല് പണിയോട് പണിയാണ്... എന്നാല് ഇപ്പോള് ഇതാ അവര്ക്ക് എട്ടിന്റെ പണി നല്കാനൊരുങ്ങുകയാണ് ശോഭാസുരേന്ദ്രന്......
കുറ്റവാളികളെ സംരക്ഷിക്കുന്ന നിലപാട് എന്ന വിമര്ശനത്തോടെ യാണ് എം സി ജോസഫൈനെതിരെ കേന്ദ്ര വനിതാ കമ്മീഷന് പരാതി നല്കാന് ശോഭാ സുരേന്ദ്രന് തയ്യാറെടുക്കുന്നത്.
പരാതിപറയാന് വിളിച്ച യുവതിയോട് മോശമായി സംസാരിച്ച വനിത കമ്മിഷന് അധ്യക്ഷ എം.സി.ജോസഫൈനെതിരെ കേന്ദ്ര വനിതാ കമ്മീഷന് പരാതി നല്കുവാനാണ് ബിജെപി നേതാവ് ശോഭാ സുരേന്ദ്രന്റെ തീരുമാനം .
കേരളത്തിലെ വനിതാ കമ്മീഷന് അധ്യക്ഷയുടെ പരാതിക്കാരോടുള്ള അസഹിഷ്ണുതയും നിരുത്തരവാദിത്തപരവുമായ നടപടികളെയും കുറിച്ച് പരാതിയില് ഉള്പ്പെടുത്തിയിട്ടുണ്ടെന്നും ശോഭാ സുരേന്ദ്രന് ഫേസ്ബുക്ക് പോസ്റ്റില് വ്യക്തമാക്കി.
കേന്ദ്ര വനിതാ കമ്മീഷന് ഉചിതമായ നടപടി സ്വീകരിക്കുമെന്ന് അറിയിച്ചിട്ടുണ്ട് . ഗാര്ഹീക പീഡനത്തെ ശ്ലാഘിക്കുന്ന നടപടിയാണ് ജോസഫൈന്റെ ഭാഗത്തുനിന്നുണ്ടായത്.ഇതിനു മുന്പും ഇരകളോടൊപ്പം നില്ക്കാതെ കുറ്റവാളികളെ സംരക്ഷിക്കുന്ന നിലപാടാണ് കമ്മ്യൂണിസ്റ്റ് പാര്ട്ടിയുടെ പോഷകാസംഘടനാ മേധാവിയായി പ്രവര്ത്തിക്കുന്ന ജോസഫൈന് സ്വീകരിച്ചതെന്നും ശോഭാ സുരേന്ദ്രന് വ്യക്തമാക്കി.
നമ്മുടെ നാട്ടിലെ നിയമസംവിധാനങ്ങള് സ്ത്രീ-സൗഹൃദമാകണം എന്ന ചിന്തയിലാണ് ലിംഗ നിര്ദ്ധിഷ്ട സംവിധാനമായ വനിതാ കമ്മീഷന് പോലുള്ളവ ആരംഭിച്ചത് എന്ന കാര്യവും അവര് ചൂണ്ടിക്കാട്ടുകയുണ്ടായി. പോലീസ് സ്ത്രീകളോട് നീതിപൂര്വമായി പെരുമാറാത്ത സാഹചര്യത്തില് സ്ത്രീകള്ക്ക് അവരുടെ പരാതികള് അറിയാനും അവരെ കേള്ക്കനുമാണ് വനിതാ കമ്മീഷന് ഉള്ളത് .
കേരളത്തിലെ വനിതാ കമ്മീഷന് പക്ഷെ സ്ത്രീകളോട് 'എന്നാ പിന്നെ അനുഭവിച്ചോ' എന്ന് നിര്ദാക്ഷണ്യം ഒരു ചാനലില് വന്നിരുന്ന് പറയുന്ന മനസാക്ഷിയില്ലാത്ത കൂട്ടരുടെ കയ്യിലായി പോയി. ഒരു സ്ത്രീയെ കേള്ക്കാന് ഇവരെന്ത് മാത്രം അസഹിഷ്ണുതയാണ് കാണിക്കുന്നത്? അതും ഒരു മാധ്യമത്തിന് മുന്നിലിരുന്ന് കൊണ്ട്...? ഇവരുടെയടുത്ത് പരാതി പറയാന് നേരിട്ടെത്തുന്ന ഒരു സ്ത്രീയുടെ അവസ്ഥ എന്താകും? ഒരു നിമിഷം പോലും വനിതാ കമ്മീഷന് ചെയര്പേഴ്സണ് സ്ഥാനത്ത് തുടരാനുള്ള അര്ഹതയില്ലാത്ത വ്യക്തിയാണ് എം സി ജോസഫൈന്. ലജ്ജകരമാണ് ഇവരെ പോലുള്ളവര് ആ സ്ഥാനത്ത് തുടരുന്നതെന്നും അവര് ആഞ്ഞടിച്ചു.
തനിക്ക് ഭര്ത്താവില് നിന്നും ഭര്തൃവീട്ടുകാരില് നിന്നും നേരിടേണ്ടി വന്ന ക്രൂരതകളെകുറിച്ച് തുറന്നുപറഞ്ഞ യുവതിയോട് എന്തുകൊണ്ട് പോലീസില് അറിയിച്ചില്ലായെന്ന ചോദ്യത്തിന് താന് ആരോടും പറഞ്ഞില്ലായെന്നായിരുന്നു മറുപടി. പെട്ടെന്ന് ക്ഷുഭിതയായി എങ്കില് അനുഭവിച്ചോളൂ എന്നായിരുന്നു എം.സി ജോസഫൈന്റെ പ്രതികരണം.
https://www.facebook.com/Malayalivartha
