കര്ദിനാള് ജോര്ജ് ആലഞ്ചേരി പ്രതിരോധത്തില്; വത്തിക്കാന് നിയോഗിച്ച അന്വേഷണ കമ്മിഷന്റെ റിപ്പോര്ട്ടില് ഗുരുതര ആരോപണങ്ങള്; കര്ദിനാളിന് വീഴ്ച്ചപറ്റി; ദീപിക പത്രത്തില് പത്ത്കോടി രൂപ വിലമതിക്കുന്ന ഓഹരികള്ക്ക് പിന്നില്
എറണാകുളം-അങ്കമാലി അതിരൂപതാ അധ്യക്ഷന് കര്ദിനാള് ജോര്ജ് ആലഞ്ചേരിക്കെതിരെ ഗുരുതര ആരോപണവുമായി വത്തിക്കാന് നിയോഗിച്ച അന്വേഷണ കമ്മിഷന്. സീറോ മലബാര് സഭ ഭൂമി ഇടപാടിനെ കുറിച്ച് അന്വേഷിക്കനാണ് വത്തിക്കാന് അന്വേഷണ കമ്മിഷനെ നിയോഗിച്ചത്. ഈ അന്വേഷണ കമ്മീഷന് സമര്പ്പിച്ച റിപ്പോര്ട്ടിലാണ് കര്ദിനാളിനെതിരെ ആരോപണങ്ങളുള്ളത്. ഭൂമി ഇടപാടില് സഭാ താല്പര്യങ്ങള് സംരക്ഷിക്കപ്പെട്ടില്ലെന്നാണ് കെ.പി.എം.ജി കമ്മിഷന്റെ റിപ്പോര്ട്ട് വ്യക്തമാക്കുന്നു.
അതിരൂപതയുടെ വസ്തുക്കളുടെ കസ്റ്റോഡിയന് എന്ന നിലയില് ഭൂമി വില്പന നടത്തിയതിലും കോട്ടപ്പടി മേഖലയില് ഭൂമി വാങ്ങിയതിലും കര്ദിനാളിന് വീഴ്ച പറ്റിയെന്ന് റിപ്പോര്ട്ടില് പറയുന്നുണ്ട്. തന്റെപേരില് ദീപിക പത്രത്തില് പത്ത്കോടി രൂപ വിലമതിക്കുന്ന ഓഹരി എടുക്കാന് കര്ദിനാള് മാര് ജോര്ജ് ആലഞ്ചേരി ഭൂമി ദല്ലാള് സാജു വര്ഗീസിനോട് ആവശ്യപ്പെട്ടത് കേട്ടതായി അന്ന് സഭയുടെ സാമ്പത്തിക കാര്യങ്ങളുടെ ചുമതലയുള്ള ഫാദര് ജോഷി പുതുവ കമ്മീഷന് മുമ്പാകെ മൊഴി നല്കി.
പകരമായി സഭക്ക് നല്കാനുളള തുക സാവകാശത്തില് തിരിച്ചടച്ചാല് മതിയെന്ന ആനുകൂല്യം സാജു വര്ഗീസിന് നല്കി. ഇത് മോണ്സിഞ്ഞോര് ആയ ഫാദര് സെബാസ്റ്റ്യന് വടക്കുംമ്പാടന് സ്ഥിരീകരിച്ച് നല്കിയ മൊഴിയും റിപ്പോര്ട്ടിലുണ്ട്. അതേസമയം, കൂടുതല് തര്ക്കങ്ങളില്ലാതെ വിവാദം അവസാനിപ്പിക്കാന് വത്തിക്കാന് നിര്ദേശം നല്കിയതായാണ് സൂചന.
സഭയുടെ കോട്ടപ്പടിയിലെ ഭൂമി വിറ്റ് നഷ്ടം നികത്തണമെന്നും, വില്പന തടയുന്നവര്ക്കെതിരെ കര്ശന നടപടിയെടുക്കാനുമാണ് സിനഡിന് നിര്ദേശം നല്കിയിരക്കുന്നത്.
https://www.facebook.com/Malayalivartha
