കേരളത്തിന് വേണ്ടാത്ത കിറ്റെക്സിനെ ഇന്ത്യയിലെ മറ്റ് ഒൻപതു സംസ്ഥാനങ്ങൾക്ക് പുറമെ ബംഗ്ലദേശും ക്ഷണിച്ചിരിയ്ക്കുന്നു.. കേരളം വിട്ടതോടെ കിറ്റെക്സ് ഓഹരി നിക്ഷേപകർക്ക് ആത്‌മവിശ്വാസം ഇരട്ടിയിലേറെ ആവുകയാണ് ചെയ്തത് , ഇന്നലെ ഒരൊറ്റ ദിവസം കൊണ്ട് ഓഹരി വില കുതിച്ചുയരുന്നത് 20 ശതമാനത്തോളം . ഇന്നലെ മറ്റ് മിക്ക വൻ കമ്പനികളും ഡെൽറ്റ വൈറസ് ഭീഷണിയിൽ മൂക്ക് കുത്തി വീണപ്പോഴാണ് കിറ്റെക്സിന്റെ ഈ കുതിച്ചു ചാട്ടം എന്നതും ശ്രദ്ധേയമായി

കിറ്റെക്സ് എം ഡി സാബു ജേക്കബുമായി തെലുങ്കാന വ്യവസായ മന്ത്രി കെ ടി രാമറാവു നടത്തിയ പ്രാരംഭ ചർച്ചകളിൽ 1000 കോടി രൂപയുടെ നിക്ഷേപ പദ്ധതിയ്ക്ക് ധാരണയായി .മൂലധന സബ്സിഡിയുൾപ്പെടെ വൻ ആനുകൂല്യങ്ങളാണ് തെലങ്കാന സർക്കാർ കിറ്റക്സിന് വാഗ്ദാനം നൽകിയിരിക്കുന്നത്. തെലങ്കാനയിൽ നിലനിൽക്കുന്ന വ്യവസായ സൗഹൃദ അന്തരീക്ഷത്തെ കുറിച്ച് മന്ത്രി സംഘത്തോട് വിശദീകരിച്ചു

കേരളത്തിൽ നിന്ന് കിഡ്സ് പറിച്ചു നടുമെന്നതിന്റെ സൂചനകൾ വ്യക്തമാണ് . കിഴക്കമ്പലത്തെ കിറ്റെക്സ് ഗ്രൂപ്പിന്റെ ചില യൂണിറ്റുകളെങ്കിലും മുഴുവനായി തെലുങ്കാനയിലേയ്ക്ക് മാറിയാലും അത്ഭുതമില്ല ..

തെലുങ്കാനയിൽ ആരംഭിക്കാനിരിയ്ക്കുന്ന അപ്പാരൽ പാർക്കിൽ ഇപ്പോൾ കിഴക്കമ്പലത്ത് നടക്കുന്ന യൂണിറ്റുകളുടെ പ്രവർത്തനങ്ങൾ തന്നെയാണ് ഉദ്ദേശിക്കുന്നത്
കിറ്റെക്സ് തെലങ്കാനയിൽ വ്യാപാരം ആരംഭിക്കുമെന്ന് തെലങ്കാന വ്യവസായ മന്ത്രി രാമറാവു തന്നെയാണ് ട്വിറ്ററിൽ കുറിച്ചത് . വാറങ്കലിലെ മെഗാ ടെക്‌സ്‌റ്റൈൽസ് പാർക്കിൽ ഫാക്ടറികൾ സ്ഥാപിക്കുമെന്നും ട്വീറ്ററിൽ ഉണ്ട്

24 മണിക്കൂറിനുള്ളിൽ ആവശ്യമായ പേപ്പറുകളൊക്കെ ശരിയാക്കി തെലങ്കാന സർക്കാർ കിറ്റെക്സ് ഗ്രൂപ്പിനെ അതിശയിപ്പിച്ചുകളഞ്ഞു .ടെക്‌സ്‌റ്റൈൽ പ്രോജക്ടിനായി വാറങ്കലിൽ 1,000 കോടി രൂപ നിക്ഷേപിക്കാനുള്ള കരാർ സ്ഥിരീകരിക്കുന്നതായി കിറ്റെക്‌സ് എം ഡി സാബു ജേക്കബ് വ്യക്തമാക്കി.ഈ നിക്ഷേപം തെലങ്കാനയിൽ 4000 തൊഴിലവസരങ്ങൾ സൃഷ്ടിക്കുമെന്നും അദ്ദേഹം പറഞ്ഞു. ഭാവിയില്‍ തെലങ്കാനയില്‍ കൂടുതല്‍ നിക്ഷേപങ്ങള്‍ നടത്തുമെന്നും സാബു ജേക്കബ് അറിയിച്ചു.

കേരളത്തില്‍ ആരംഭിക്കാനിരുന്ന 3500 കോടി രൂപയുടെ നിക്ഷേപത്തില്‍നിന്നു പിന്മാറുന്നതായി സാബു ജേക്കബ് പ്രഖ്യാപിച്ചതിനു പിന്നാലെയാണ് തെലങ്കാന സര്‍കാര്‍ കിറ്റെക്‌സിനെ അവിടേക്ക് ക്ഷണിച്ചത്.

തെലങ്കാന സര്‍കാര്‍ അയച്ച ആഡംബര സ്വകാര്യ ചാര്‍ടേഡ് ജെറ്റ് വിമാനത്തിലാണ് കിറ്റെക്സ് സംഘം ഹൈദരാബാദിലെത്തിയത്. വ്യവസായ മന്ത്രി രാമ റാവുവിനൊപ്പം ഉച്ചഭക്ഷണം കഴിച്ച ശേഷം ഔദ്യോഗിക ചര്‍ച്ചകള്‍ നടത്തിയ സംഘം ഉച്ചയ്ക്കു ശേഷം കക്കാതിയ മെഗാ ടെക്സ്‌റ്റൈയില്‍ പാര്‍ക് സന്ദര്‍ശിച്ച് നിലവിലുള്ള വ്യവസായ സാഹചര്യങ്ങളും വിലയിരുത്തിയിരുന്നു.