ബിനീഷ് കോടിയേരിയ്ക്ക് വീണ്ടും കഷ്ടകാലം. പരപ്പന അഗ്രഹാര ജയിലില്‍ കഴിയുന്ന ബിനീഷിന്റെ സെല്‍ ഉള്‍പ്പെടുന്ന ജയിലില്‍ നിന്നും മാരകായുധങ്ങളും മയക്കുമരുന്നും പിടി കൂടിയതോടെയാണ് ജാമ്യത്തിന്റെ വക്കിലെത്തിയ ബിനീഷ് ആകെ പ്രതിസന്ധിയിലായത് .സംഭവവുമായി ബിനീഷിന് ബന്ധമുണ്ടെന്ന് തെളിയിക്കാന്‍ ഇതുവരെ കഴിഞ്ഞിട്ടില്ലെങ്കിലും പോലീസിന് വേണമെങ്കില്‍ ഇതിന്റെ പേരില്‍ ബിനീഷിനെ കുരുക്കാം.

ബെംഗളൂരു പരപ്പന അഗ്രഹാര സെന്‍ട്രല്‍ ജയിലില്‍ സെന്‍ട്രല്‍ െ്രെകം ബ്രാഞ്ച് (സിസിബി) പോലീസ് സംഘം നടത്തിയ പരിശോധനയിലാണ് സംഭവം. കഞ്ചാവും മാരക ആയുധങ്ങളുമാണ് കണ്ടെത്തിയത്.. െ്രെകംസ് ജോയിന്റ് പോലീസ് കമ്മീഷണര്‍ സന്ദീപ് പാട്ടീലിന്റെ നേതൃത്വത്തിലാണ് റെയ്ഡ് നടത്തിയത്. സിപിഎം നേതാവ് കോടിയേരി ബാലകൃഷ്ണന്റെ മകന്‍ ബിനീഷ് കോടിയേരി കഴിയുന്ന സെല്ലില്‍ ഉള്‍പ്പെടെ പോലീസ് റെയിഡ് നടത്തിയിരുന്നു. ഈ സെല്ലിന് സമീപത്ത് നിന്നാണ് മയക്കുമരുന്നുകള്‍ പിടികൂടിയത്.

നിരവധി മാരകായുധങ്ങളും ലഹരി വസ്തുക്കളും മൊബൈല്‍ ഫോണുകളും റെയ്ഡില്‍ കണ്ടെടുത്തു.സെന്‍ട്രല്‍ െ്രെകം ബ്രാഞ്ച് പുറത്തുവിട്ട വിവരങ്ങള്‍ അനുസരിച്ച് ജയിലില്‍ നിന്നും വാളുകള്‍, കത്തികള്‍, മൂര്‍ച്ചയുള്ള കത്രികകള്‍ എന്നിങ്ങനെ 40ലധികം മാരകായുധങ്ങളാണ് സിസിബി ഉദ്യോഗസ്ഥര്‍ കണ്ടെടുത്തത്.

കഞ്ചാവ്, പുകവലിക്കുന്ന പൈപ്പുകള്‍, മൊബൈല്‍ ഫോണുകള്‍, പെന്‍ െ്രെഡവുകള്‍ എന്നിവയും ഉദ്യോഗസ്ഥര്‍ പിടിച്ചെടുത്തു. ജയിലിലെ തടവുകാരില്‍ നിന്നുമാണ് ലഹരിവസ്തുക്കള്‍ കണ്ടെടുത്തത്. 24 മണിക്കൂര്‍ സുരക്ഷാ സംവിധാനമുള്ള ജയിലില്‍ ഇത്തരം വസ്തുക്കള്‍ ലഭിച്ചതുമായി ബന്ധപ്പെട്ട് അന്വേഷണം ഊര്‍ജിതമാക്കുമെന്ന് സന്ദീപ് പാട്ടീല്‍ പറഞ്ഞു. ശനിയാഴ്ച പുലര്‍ച്ചെയാണ് പരിശോധന ആരംഭിച്ചത്. വൈകിട്ട് വരെ നീണ്ടു.

കര്‍ണാടകത്തിലെ ഏക വലിയ ജയിലാണ് ഇത് . 2200 തടവുകാരെ പാര്‍പ്പിക്കാന്‍ ഇവിടെ സൗകര്യമുണ്ട്. ജയിലില്‍ ഇപ്പോള്‍ 2700 ഓളം തടവുകാരെയാണ് പാര്‍പ്പിച്ചിട്ടുള്ളത്. കോവിഡ് വ്യാപനത്തിന് മുന്‍പ് വരെ ഇവിടെ 4000ത്തിലധികം തടവുകാരുണ്ടായിരുന്നു. എന്നാല്‍ കൊവിഡ് പശ്ചാത്തലത്തില്‍ പലര്‍ക്കും പരോള്‍ അനുവദിക്കുകയായിരുന്നു.

ബംഗളുരുവിലെ കുപ്രസിദ്ധ ഗുണ്ടകളുടെ വീട്ടിലും സെന്‍ട്രല്‍ െ്രെകം ബ്രാഞ്ച് (സിസിബി) പോലീസ് സംഘം പരിശോധന നടത്തിയിരുന്നു. ബെംഗളൂരു നഗരത്തില്‍ കഴിഞ്ഞ രണ്ടാഴ്ചക്കിടെ തുടര്‍ച്ചയായി നാല് കൊലപാതകങ്ങള്‍ നടന്നിരുന്നു. ഈ സാഹചര്യത്തിലാണ് നഗരത്തിലെ അറിയപ്പെടുന്ന ഗുണ്ടകളുടെ വീട്ടില്‍ പരിശോധന നടത്താന്‍ സിറ്റി പോലീസ് തീരുമാനിച്ചിരുന്നത്. കൊലപാതകക്കേസില്‍ ഉള്‍പ്പെട്ട പ്രതികള്‍ക്കെല്ലാം പിന്നീട് ജയില്‍ ബന്ധമുള്ളതായി സ്ഥിരീകരിക്കപ്പെട്ടു. അതോടെ അന്വേഷണം സെന്‍ട്രല്‍ ജയിലിലേക്ക് നീണ്ടു.

തടവുകാര്‍ക്ക് നിരോധിത വസ്തുക്കള്‍ കൈമാറിയതില്‍ ജയില്‍ ഉദ്യോഗസ്ഥര്‍ക്ക് പങ്കുണ്ടെന്ന് പോലീസ് കരുതുന്നു. സെന്‍്ട്രല്‍ ജയിലിലെ മുഴുവന്‍ ഉദ്യോഗസ്ഥരേയും ചോദ്യം ചെയ്യുമെന്ന് പാട്ടീല്‍ വ്യക്തമാക്കി. തടവുകാരെ ജയിലനകത്ത് വെച്ച് തന്നെ ചോദ്യം ചെയ്യുമെന്നും, ആയുധ നിയമപ്രകാരം ഇവര്‍ക്കെതിരെ കേസെടുക്കുമെന്നും അദ്ദേഹം പറഞ്ഞു. ബിനീഷിനെയും ചോദ്യം ചെയ്യും

ഗുണ്ടാ നിയമപ്രകാരം അറസ്റ്റിലായവരുടെ കൈവശമാണ് ആയുധങ്ങളുണ്ടായിരുന്നത്. ഇവര്‍ സ്വയം രക്ഷയ്ക്കായാണ് ആയുധങ്ങള്‍ സൂക്ഷിച്ചിരുന്നുവെന്ന് സിസിബിയോട് സമ്മതിച്ചു. പിടിച്ചെടുത്ത വസ്തുക്കള്‍ ഫോറന്‍സിക് സയന്‍സ് ലബോറട്ടറികളിലേക്ക് (എഫ്എസ്എല്‍) കൂടുതല്‍ വിശകലനത്തിനായി അയച്ചിട്ടുണ്ട് .

വേണമെങ്കില്‍ കേന്ദ്ര സര്‍ക്കാരിന് ബിനീഷിനെ ഇല്ലാതാക്കാന്‍ ഇതുമതി.പരപ്പന ജയിലില്‍ നടക്കുന്നതൊന്നും പുറം ലോകം അറിയാറില്ല. ആരെ വേണമെങ്കിലും ഏതു കേസിലും ഉള്‍പ്പെടുത്താം. കേരളത്തിലെ രാഷ്ട്രീയം കര്‍ണാടകത്തില്‍ മുറുകിയാല്‍ ബിനീഷ് വീണ്ടും അകത്തുകിടക്കും