കേരളം കോവിഡ് വ്യാപനത്തില്‍ നിന്നും കരകയറാന്‍ ശ്രമിക്കുകയാണ്. അതിനിടെ നിയന്ത്രണം വേണമെന്ന് പറയുന്ന ഐഎംഎ തന്നെ മാറ്റിപറയുകയാണ്. കടകള്‍ തുറക്കണമെന്ന ആവശ്യവുമായി വ്യാപാരി വ്യവസായികളും രംഗത്തെത്തി. ഇതിനിടെ കത്തയച്ച് വെട്ടിലായിരിക്കുകയാണ് ആരിഫ് എംപി.

കൊവിഡ് മാനദണ്ഡങ്ങള്‍ പാലിച്ച് കടകള്‍ തുറക്കാന്‍ അനുവദിക്കണമെന്ന് ആവശ്യപ്പെട്ട് മുഖ്യമന്ത്രി പിണറായി വിജയന് കത്തയച്ചിരിക്കുകയാണ് എ.എം. ആരിഫ് എം.പി. ദീര്‍ഘനാളായി കടകള്‍ അടച്ചിടുന്നതുമൂലം ബുദ്ധിമുട്ടുകള്‍ അനുഭവിക്കുന്ന വ്യാപാരികളെ സഹായിക്കുന്നതിനായി കൊവിഡ് മാനദണ്ഡങ്ങള്‍ പൂര്‍ണമായി പാലിച്ച് കടകള്‍ തുറക്കാന്‍ അനുവദിക്കണം.

രണ്ടര മാസത്തില്‍ അധികമായി കടകള്‍ വല്ലപ്പോഴുമാണ് തുറക്കാന്‍ സാധിക്കുന്നത്. നല്ലൊരു വിഭാഗം വ്യാപാരികളും കടക്കെണിയിലാണ്. ആയതിനാല്‍ സാഹചര്യം സമഗ്രമായി വിലയിരുത്തി കടകള്‍ തുറക്കാനുള്ള സാഹചര്യം സൃഷ്ടിക്കണമെന്നും ആരിഫ് കത്തില്‍ പറയുന്നു.

അതേസമയം ഇതിനെതിരെ ബി.ജെ.പി നേതാവ് ശോഭ സുരേന്ദ്രന്‍ രംഗത്തെത്തി. കൊവിഡ് നിയന്ത്രണങ്ങളില്‍ വേണ്ട ഇളവുകളില്ലെങ്കില്‍ വ്യാഴാഴ്ച മുതല്‍ എല്ലാ ദിവസവും കടകള്‍ തുറക്കുമെന്ന വ്യാപാരികളുടെ നിലപാടിനെതിരായ മുഖ്യമന്ത്രിയുടെ പ്രതികരണത്തിനെതിരെയും ശോഭാ സുരേന്ദ്രന്‍ രംഗത്തെത്തി.

ഒരു സംസ്ഥാന മുഖ്യമന്ത്രി, കടയടച്ച് ലോണ്‍ അടയ്ക്കാന്‍ നിവൃത്തിയില്ലാതെ കടം കേറി മുടിയുന്ന വ്യാപാരികളോട് പറയുന്ന വാക്കാണ്. ജോസഫൈന്‍മാരെ വീട്ടിലിരുത്തിക്കാന്‍ ഇടതു പ്രൊഫൈലുകള്‍ നന്നായി പണിയെടുക്കും. പക്ഷേ പിണറായി വിജയനെതിരെ ഒരക്ഷരം മിണ്ടില്ല. കേരളത്തില്‍ നിന്ന് ലോക്‌സഭയിലേക്ക് തിരഞ്ഞെടുക്കപ്പെട്ട ഏക സി.പി.എം എം.പി ഇപ്പോള്‍ മുഖ്യമന്ത്രിക്ക് കടകള്‍ തുറക്കണമെന്ന് ആവശ്യപ്പെട്ട് കത്തയച്ചിട്ടുണ്ടത്രെ! ഇടത് എം.പിക്ക് പോലും ഈ പാര്‍ട്ടിയെ പറ്റി ഒരു ചുക്കും അറിയില്ലല്ലോ എന്നും ശോഭാ സുരേന്ദ്രന്‍ ഫേസ്ബുക്കില്‍ കുറിച്ചു.

ശോഭാ സുരേന്ദ്രന്റെ ഫേസ്ബുക്ക് പോസ്റ്റ് ഇങ്ങനെയാണ്

'നേരിടേണ്ട രീതിയില്‍ നേരിടും, അതു മനസിലാക്കി കളിച്ചാല്‍ മതി'

ഒരു സംസ്ഥാന മുഖ്യമന്ത്രി, കടയടച്ച് ലോണ്‍ അടയ്ക്കാന്‍ നിവൃത്തിയില്ലാതെ കടം കേറി മുടിയുന്ന വ്യാപാരികളോട് പറയുന്ന വാക്കാണ്. ജോസഫൈന്‍മാരെ വീട്ടിലിരുത്തിക്കാന്‍ ഇടതു പ്രൊഫൈലുകള്‍ നന്നായി പണിയെടുക്കും പക്ഷേ പിണറായി വിജയനെതിരെ ഒരക്ഷരം മിണ്ടില്ല. സഹാനുഭൂതി, തന്മയിഭാവം എന്നീ ഗുണമില്ലാത്ത ഭരണാധികാരികള്‍ അഭിനവ നീറോമാരാണ്. കേരളത്തില്‍ നിന്ന് ലോകസഭയിലേക്ക് തിരഞ്ഞെടുക്കപ്പെട്ട ഏക സിപിഐഎം എംപി ഇപ്പോള്‍ മുഖ്യമന്ത്രിക്ക് കടകള്‍ തുറക്കണമെന്ന് ആവശ്യപ്പെട്ട് കത്തയച്ചിട്ടുണ്ടത്രെ! ഇടത് എം പിക്ക് പോലും ഈ പാര്‍ട്ടിയെ പറ്റി ഒരു ചുക്കും അറിയില്ലല്ലോ!

കൊവിഡ് മാനദണ്ഡങ്ങള്‍ പാലിച്ച് കടകള്‍ തുറക്കാന്‍ അനുവദിക്കണമെന്ന് ആവശ്യപ്പെട്ട് മുഖ്യമന്ത്രി പിണറായി വിജയന് ലോക്‌സഭാ എം.പി എ.എം. ആരിഫ് ഇന്ന് കത്തയച്ചിരുന്നു. രണ്ടര മാസത്തില്‍ അധികമായി കടകള്‍ വല്ലപ്പോഴുമാണ് തുറക്കാന്‍ സാധിക്കുന്നത്. നല്ലൊരു വിഭാഗം വ്യാപാരികളും കടക്കെണിയിലാണ്. ആയതിനാല്‍ സാഹചര്യം സമഗ്രമായി വിലയിരുത്തി കടകള്‍ തുറക്കാനുള്ള സാഹചര്യം സൃഷ്ടിക്കണമെന്നും ആരിഫ് കത്തില്‍ ആവശ്യപ്പെട്ടിരുന്നു. സിപിഎം എംപി ഇങ്ങനെ കത്തെഴുതിയിതില്‍ വിവാദം പുകയുകയാണ്.