ടെസ്റ്റ് പോസിറ്റിവിറ്റി നിരക്കില് കുറവില്ല.... ലോക്ക് ഡൗണ് ഒരാഴ്ച കൂടി തുടരും... കടകളുടെ പ്രവര്ത്തനം രാത്രി എട്ടുമണിവരെ
ടെസ്റ്റ് പോസിറ്റിവിറ്റി നിരക്കില് കുറവില്ല.... ലോക്ക് ഡൗണ് ഒരാഴ്ച കൂടി തുടരും... കടകളുടെ പ്രവര്ത്തനം രാത്രി എട്ടുമണിവരെ.
ടെസ്റ്റ് പോസിറ്റിവിറ്റി നിരക്കില് കുറവ് വരാത്ത സാഹചര്യത്തില് ഇളവുകളില് വലിയ മാറ്റമില്ലാതെ ലോക്ക് ഡൗണ് ഒരാഴ്ച കൂടി തുടരാന് മുഖ്യമന്ത്രിയുടെ അദ്ധ്യക്ഷതയില് ചേര്ന്ന പ്രതിവാര കൊവിഡ് അവലോകനയോഗം തീരുമാനിച്ചു.
അനുമതിയുള്ള ദിവസങ്ങളില് കടകളുടെ പ്രവര്ത്തനം രാത്രി എട്ടുമണിവരെ നീട്ടിയതാണ് പ്രധാന ഇളവ്. നിയന്ത്രണങ്ങള് അശാസ്ത്രീയമായതുകൊണ്ടാണോ രോഗവ്യാപനം കുറയാത്തതെന്ന് പരിശോധിക്കും.
കടുത്ത നിയന്ത്രണത്തിന് മൈക്രോ കണ്ടെയ്ന്മെന്റ് സോണ് പ്രഖ്യാപിക്കും. നാളെയും മറ്റെന്നാളുമായി രണ്ടരലക്ഷം പരിശോധന കൂടുതലായി നടത്തും.
കോഴിക്കോട് കടകള് തുറക്കാന് കഴിയാത്ത സാഹചര്യം ജില്ലാ കളക്ടറും ജില്ലാ പൊലീസ് മേധാവിയും വ്യാപാരി, വ്യവസായി പ്രതിനിധികളുടെ യോഗം വിളിച്ച് ബോധ്യപ്പെടുത്തുമെന്ന് മുഖ്യമന്ത്രി പത്രസമ്മേളനത്തില് പറഞ്ഞു.
ഇളവുകള് എ, ബി, സി :ബാങ്കുകള്:തിങ്കള് മുതല് വെള്ളി വരെ കടകള്, സ്ഥാപനങ്ങള്: നിശ്ചിത ദിവസം രാത്രി 8 മണി വരെ ഇലക്ട്രോണിക്സ് കട: കൂടുതല് ദിവസം പ്രവര്ത്തിക്കാം
ഡി:ട്രിപ്പിള് ലോക്ക് ഡൗണ്മൈക്രോ കണ്ടെയ്ന്മെന്റ് സോണ് തിരിക്കും മൈക്രോ കണ്ടെയ്മെന്റ്കടകളും സ്ഥാപനങ്ങളും തുറക്കരുത്. വാഹന ഗതാഗതം പാടില്ല. എല്ലാ വീടുകളിലും പരിശോധന. നിയന്ത്രണം പൊലീസിനും ആര്.ആര്.ടിക്കും. സബ് കളക്ടര്, തദ്ദേശ സെക്രട്ടറി, ആര്.ആര്.ടി. മേധാവി, ആശാവര്ക്കര്, ഹെല്ത്ത് ഇന്സ്പെക്ടര്, പൊലീസ് ഇന്സ്പെക്ടര് എന്നിവരടങ്ങിയ സമിതി വിലയിരുത്തും.ക്വാറന്റൈന് നേതൃത്വം സമിതി ഏറ്റെടുക്കും.
അതേസമയം കൊവിഡ് മാനദണ്ഡങ്ങള് പാലിച്ച് കടകള് തുറക്കാന് അനുവദിക്കണമെന്ന് ആവശ്യപ്പെട്ട് മുഖ്യമന്ത്രി പിണറായി വിജയന് കത്തയച്ച് എ.എം. ആരിഫ് എം.പി. ദീര്ഘനാളായി കടകള് അടച്ചിടുന്നതുമൂലം ബുദ്ധിമുട്ടുകള് അനുഭവിക്കുന്ന വ്യാപാരികളെ സഹായിക്കുന്നതിനായി കൊവിഡ് മാനദണ്ഡങ്ങള് പൂര്ണമായി പാലിച്ച് കടകള് തുറക്കാന് അനുവദിക്കണം
. രണ്ടര മാസത്തില് അധികമായി കടകള് വല്ലപ്പോഴുമാണ് തുറക്കാന് സാധിക്കുന്നത്. നല്ലൊരു വിഭാഗം വ്യാപാരികളും കടക്കെണിയിലാണ്. ആയതിനാല് സാഹചര്യം സമഗ്രമായി വിലയിരുത്തി കടകള് തുറക്കാനുള്ള സാഹചര്യം സൃഷ്ടിക്കണമെന്നും ആരിഫ് കത്തില് പറയുന്നു.
https://www.facebook.com/Malayalivartha
