മലപ്പുറത്ത് ഒമ്പതാം ക്ലാസുകാരിയെ പ്രണയം നടിച്ച്‌ പീഡിപ്പിച്ച കേസില്‍ 27 കാരനെ മലപ്പുറം വാഴക്കാട് പൊലീസ് പിടികൂടി. ഫാറൂഖ് കോളേജ് കുറ്റൂളങ്ങാടി പാലാഴി വീട്ടില്‍ അര്‍ജുനെയാണ് ഇന്നു പുലര്‍ച്ചെ വാഴക്കാട് പൊലീസ് അറസ്റ്റ് ചെയ്തത്.

പ്രതിയുടെ ബന്ധുവിന്റെ വീടിന്റെ പരിസരത്തുള്ള പതിനാല് വയസ്സുള്ള ഒമ്ബതാം ക്ലാസുകാരിയെയാണ് പ്രേമം നടിച്ച്‌ അര്‍ജുന്‍ പല തവണ പീഡിപ്പിച്ചത്.

വാട്സാപ്പിലൂടെ കുട്ടിയുടെ നഗ്നചിത്രം വാങ്ങിച്ച്‌ പിന്നീട് ഭീഷണിപ്പെടുത്തി പണം തട്ടിയെന്നും പരാതിയില്‍ വ്യക്തമാക്കുന്നു. വീട്ടില്‍ നിന്ന് പണം നഷ്ടപ്പെടുന്നത് ശ്രദ്ധയില്‍ പെട്ട വീട്ടുകാരുടെ അന്വേഷണമാണ് പീഡന വിവരം അറിയാന്‍ കാരണമായിരിക്കുന്നത്.

ആദ്യം പ്രേമം നടിച്ചും നഗ്ന ഫോട്ടോ ലഭിച്ചതോടെ പിന്നീട് ഭീഷണിയായെന്നും ബന്ധുവീട്ടില്‍ വെച്ച്‌ പല തവണ പീഡിപ്പിച്ചെന്നും പെണ്‍കുട്ടി പൊലീസിന് മൊഴി നല്‍കി.

പരാതി ലഭിച്ചതോടെ കൃത്യമായ അന്വേഷണ ശേഷമാണ് പ്രതിയെ ഇന്ന് അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.വാഴക്കാട് എസ് ഐ നൗഫല്‍ ,അഡീഷണല്‍ എസ് ഐ തോമസ് ,കൃഷ്ണദാസ് ,സജിത് ,പ്രജിത ,മന്‍സൂര്‍ എന്നിവര്‍ ചേര്‍ന്നാണ് പ്രതിയെ അറസ്റ്റ്ചെയ്തത്.