വനിതാ ഹോസ്റ്റലിന് മുന്നില് നഗ്നതാപ്രദര്ശനം പതിവാക്കിയ 47കാരന് അറസ്റ്റില്; മുമ്പ് നവ ദമ്പതിമാരുടെ ആദ്യരാത്രി കാണാന് ഒളിഞ്ഞിരുന്ന സംഭവത്തില് ഇയാള്ക്കെതിരെ പയ്യന്നൂർ പൊലീസ് കേസെടുത്തിരുന്നു
പരിയാരത്തെ സര്ക്കാര് മെഡിക്കല് കോളേജ് വിദ്യാര്ത്ഥിനികള്ക്ക് മുന്നില് നഗ്നതാ പ്രദര്ശനം നടത്തുന്നയാള് അറസ്റ്റിലായി. തളിപ്പറമ്പ് ചിറവക്ക് സ്വദേശി പി. എം. സുനിലാണ് (47) പിടിയിലായത്. മുമ്പ് നവ ദമ്പതിമാരുടെ ആദ്യരാത്രി കാണാന് ഒളിഞ്ഞിരുന്ന സംഭവത്തില് ഇയാള് പയ്യന്നൂരില് പിടിയിലായിരുന്നു.
പരിയാരത്തെ മെഡിക്കല് കോളേജിന്റെ വനിതാ ഹോസ്റ്റലിന് സമീപത്ത് എത്തി പ്രതി നിരന്തരം നഗ്നതാ പ്രദര്ശനം നടത്തിയതോടെ വ്യാപക പരാതി ഉയര്ന്നു. നഗ്നതാ പ്രദര്ശനത്തിന്റെ ദൃശ്യങ്ങള് ചിലര് ചിത്രീകരിച്ച് പോലീസിന് കൈമാറിയിരുന്നു. തുടര്ന്ന് പ്രതിക്കായി പോലീസ് തെരച്ചില് നടത്തി വരുകയായിരുന്നു. കഴിഞ്ഞ ജനുവരിയിലാണ് പയ്യന്നൂരില് നവദമ്പതിമാരുടെ ആദ്യ രാത്രി കാണാന് ഒളിഞ്ഞിരുന്ന് ഉറങ്ങിപ്പോയ സുനിലിനെ നാട്ടുകാര് പിടികൂടിയത്.
പാലക്കാട് നിന്ന് വിവാഹം കഴിഞ്ഞ് നവദമ്പതിമാര് വീട്ടില് എത്തുന്നതിനു മുന്പ് ഇയാള് ഏണി ഉപയോഗിച്ച് വീടിന് മുകളില് സ്ഥാനം പിടിച്ചിരുന്നു. എന്നാല് നവദമ്പതിമാര് എത്താന് വൈകിയതോടെ ഇയാള് ഉറങ്ങിപ്പോയി. വീട്ടിലെത്തിയ നവവധു പ്രതിയുടെ കൂര്ക്കം വലി കേട്ട് ഭയന്ന് ആള്ക്കാരെ വിളിച്ചു കൂട്ടുകയായിരുന്നു. അന്ന് പോലീസ് എത്തി ഇയ്യാളെ കസ്റ്റഡിയില് എടുത്തു.
സര്ക്കാര് മെഡിക്കല് കോളേജിലെ ഹോസ്റ്റലിന് സമീപത്ത് നിന്നുള്ള നഗ്നതാപ്രദര്ശനം വിദ്യാര്ത്ഥിനികള്ക്കിടയില് ഭീതി പരത്തിയിരുന്നു. പരിയാരം സി ഐ കെ.വി. ബാബുവിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. പ്രിന്സിപ്പല് എസ് ഐ രൂപ മധുസൂധനന് എഎസ്ഐ മാരായ നൗഫല്, റൗഫ് തുടങ്ങിയ വരും സംഘത്തിലുണ്ടായിരുന്നു.
https://www.facebook.com/Malayalivartha
