വാക്സിനേഷന്‍ കാര്യത്തില്‍ വേര്‍തിരിവ് കാട്ടി ജനങ്ങളെ വലയ്ക്കുന്ന പ്രവണത അന്യായമാണെന്ന് മുന്‍ മുഖ്യമന്ത്രി ഉമ്മന്‍ചാണ്ടി
വാക്സിനേഷന്‍ കാര്യത്തില്‍ വേര്‍തിരിവ് കാട്ടി ജനങ്ങളെ വലയ്ക്കുന്ന പ്രവണത അന്യായമാണെന്ന് മുന്‍ മുഖ്യമന്ത്രി ഉമ്മന്‍ചാണ്ടി പ്രസ്താവിച്ചു. പൊതുജനങ്ങള്‍ക്ക് വാക്സിനേഷന്‍ ലഭിക്കാത്തതിനെതിരെ മലയിന്‍കീഴില്‍ ഗവ. താലൂക്ക് ആശുപത്രിക്കു മുമ്ബില്‍ കോണ്‍ഗ്രസ് നേതാക്കള്‍ അനുഷ്ഠിക്കുന്ന 24 മണിക്കൂര്‍ നിരാഹാര സത്യഗ്രഹം ഉദ്ഘാടനം ഓണ്‍ലൈനില്‍ നിര്‍വ്വഹിച്ചു സംസാരിക്കുകയായിരുന്നു അദ്ദേഹം. കെ.പി.സി.സി നിര്‍വ്വാഹക സമിതിയംഗം മലയിന്‍കീഴ് വേണുഗോപാലിെന്‍റ നേതൃത്വത്തിലാണ് സത്യഗ്രഹം.
വിളപ്പില്‍ ബ്ലോക്ക് കോണ്‍ഗ്രസ് കമ്മിറ്റി പ്രസിഡന്റ് എ.ബാബു കുമാറിെന്‍റ അധ്യക്ഷതയില്‍ അടൂര്‍ പ്രകാശ് എം.പി ഗാന്ധിജിയുടെ ചിത്രത്തില്‍ ദീപം തെളിയിച്ചു. മലയിന്‍കീഴ് വേണുഗോപാല്‍, ഡി.സി.സി ജനറല്‍ സെക്രട്ടറി ശോഭനകുമാരി, വിളവൂര്‍ക്കല്‍ ഗ്രാമപഞ്ചായത്ത് പ്രസിഡന്റ് ലാലി, ഗ്രാമപ്പഞ്ചായത്തംഗങ്ങളായ എല്‍. അനിത, കുമാരി ശാന്ത, കോവിലുവിള അനില്‍, എം.ജി സുരേന്ദ്രകുമാര്‍, സഞ്ജയ് ജഗന്‍, മണ്ഡലം കോണ്‍ഗ്രസ് കമ്മിറ്റി പ്രസിസന്റുമാരായ എസ്. ഗോപകുമാര്‍, മലവിള ബൈജു, മൂലത്തോപ്പ് ജയന്‍, മലയം രാകേഷ്, മിണ്ണംകോട് ബിജു, ഡി.സി.സി അംഗം രമകുമാരി, മുന്‍ ഗ്രാമപഞ്ചായത്ത് പ്രസിഡന്റ് എസ്. രാധാകൃഷ്ണന്‍ നായര്‍, മുരുകന്‍, വി.കെ.സുധാകരന്‍ നായര്‍, യൂത്ത് കോണ്‍ഗ്രസ് ജില്ലാ വൈസ് പ്രസിഡന്റ് എന്‍. ഷാജി, നിയാദുള്‍ അക്സര്‍, യൂത്ത് കോണ്‍ഗ്രസ് മണ്ഡലം പ്രസിഡന്റ് ദിലീപ് എന്നിവരാണ് സത്യഗ്രഹമനുഷ്ഠിക്കുന്നത്. ഉപവാസം ചൊവ്വാഴ്ച രാവിലെ സമാപിക്കും.
https://www.facebook.com/Malayalivartha
