കേരളത്തില്‍ നിന്നുള്ളവര്‍ക്ക് കര്‍ശന നിയന്ത്രണം ഏര്‍പ്പെടുത്തിയ കര്‍ണാടക സര്‍ക്കാര്‍ നടപടി പുനപരിശോധിക്കണം; മഞ്ചേശ്വരം എംഎല്‍എ എ.കെ.എം അഷ്‌റഫ് ഹൈക്കോടതിയിൽ
16 AUGUST 2021 11:09 PM IST
മലയാളി വാര്‍ത്ത
കേരളത്തില്‍ നിന്നും വരുന്നവര്‍ക്ക് നിയന്ത്രണങ്ങളേര്‍പ്പെടുത്തിയ കര്‍ണാടക സര്‍ക്കാരിന്റെ നടപടിയില്‍ ഇളവ് തേടി മഞ്ചേശ്വരം എംഎല്‍എ എ.കെ.എം അഷ്‌റഫ് കേരള ഹൈക്കോടതിയെ സമീപിച്ചു.
കേരളത്തില്‍ നിന്നുള്ളവര്‍ക്ക് കര്‍ശന നിയന്ത്രണം ഏര്‍പ്പെടുത്തിയ കര്‍ണാടക സര്‍ക്കാര്‍ നടപടി പുനപരിശോധിക്കണമെന്നാണ് ഹൈക്കോടതിയില്‍ സമര്‍പ്പിച്ച പൊതുതാത്പര്യഹര്‍ജിയില്‍ ആവശ്യപ്പെടുന്നത്.
കര്‍ണാടക സര്‍ക്കാരിന്റെ നിലപാട് ഭരണഘടന ഉറപ്പുനല്‍കുന്ന സ്വഭാവിക നീതിയുടെ ലംഘനമാണെന്നും ഹര്‍ജിയില്‍ പറയുന്നു.വാക്‌സീന്‍ സ്വീകരിച്ച ശേഷവും കര്‍ണാടകത്തിലേക്ക് വരുന്നവര്‍ 72 മണിക്കൂറിനുള്ളില്‍ എടുത്ത ആര്‍ടിപിസിആര്‍ ഫലം വേണമെന്ന കര്‍ണാടക സര്‍ക്കാരിന്റെ നിബന്ധനയെ ഹര്‍ജിയില്‍ ചോദ്യം ചെയ്യുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
