'കൊവിഡ് മൂന്നാം തരംഗമുണ്ടായാല് നേരിടാന് കേരളം സജ്ജം'; കുട്ടികള്ക്ക് രോഗബാധയുണ്ടായാല് നേരിടാന് സജ്ജമെന്ന് മുഖ്യമന്ത്രി പിണറായി വിജയന്
കൊവിഡ് മൂന്നാം തരംഗമുണ്ടായാല് നേരിടാന് കേരളം സജ്ജമാണെന്ന് മുഖ്യമന്ത്രി പിണറായി വിജയന്. കുട്ടികള്ക്ക് രോഗബാധയുണ്ടായാല് അതും നേരിടാന് സജ്ജമാണ്. കുറച്ചു കാലം കൂടി കൊവിഡ് നമുക്കൊപ്പമുണ്ടാക്കുമെന്നാണ് കാണേണ്ടത്. അത് മുന്നില് കണ്ട് ആരോഗ്യ സംവിധാനങ്ങള് വിപുലീകരിക്കാനാണ് ശ്രമിക്കുന്നത് എന്നും മുഖ്യമന്ത്രി പറഞ്ഞു. ജനസംഖ്യാ അനുപാതം നോക്കിയാല് ഏറ്റവും കുറവ് രോഗം ബാധിച്ചത് കേരളത്തിലാണ്. അതിനര്ത്ഥം കൂടുതല് പേര്ക്ക് ഇനിയും രോഗം വരാനുള്ള സാധ്യതയുണ്ടെന്നാണ്. വേഗത്തില് വാക്സിനേഷന് പൂര്ത്തിയാക്കാനാണ് ശ്രമിക്കുന്നതെന്നും മുഖ്യമന്ത്രി പറഞ്ഞു.
വാക്സിനേഷന് കുറഞ്ഞ ജില്ലകളില് ടെസ്റ്റിംഗ് വ്യാപകമാക്കാന് മുഖ്യമന്ത്രി പിണറായി വിജയന് കോവിഡ് അവലോകനയോഗത്തില് നിര്ദ്ദേശിച്ചു. വയനാട്, പത്തനംതിട്ട, തിരുവനന്തപുരം, എറണാകുളം ജില്ലകളില് വാക്സിനേഷന് നല്ലരീതിയില് നടത്തിയതിനാല് ഇവിടെ രോഗലക്ഷണമുള്ളവരെ മാത്രം ടെസ്റ്റ് ചെയ്യും.
മറ്റു ജില്ലകളില് വ്യാപകമായ ടെസ്റ്റിംഗ് നടത്തും. ആദ്യ ഡോസ് വാക്സിനേഷന് എഴുപത് ശതമാനത്തില് കൂടുതല് പൂര്ത്തീകരിച്ച ജില്ലകള് അടുത്ത രണ്ടാഴ്ച കൊണ്ട് വാക്സിനേഷന് പൂര്ണമാക്കാന് മുഖ്യമന്ത്രി നിര്ദ്ദേശിച്ചു. ഇടുക്കി, പാലക്കാട്, കാസര്ഗോഡ് ജില്ലകളില് വാക്സിനേഷന് പൂര്ത്തിയാക്കിയ അഞ്ച് ശതമാനത്തില് കൂടുതല് പേര്ക്ക് കൊവിഡ് വന്നു.ഇവിടങ്ങളില് ജനിതക പഠനം നടത്താന് ആരോഗ്യവകുപ്പിനോട് മുഖ്യമന്ത്രി നിര്ദ്ദേശിച്ചു. പരിശോധനയില് പുതിയ രീതി സ്വീകരിക്കാനും നിര്ദേശം നല്കി. 70% ആദ്യഡോസ് നല്കിയ ജില്ലകള് 2 ആഴ്ചക്കകം സമൂര്ണ ആദ്യഡോസ് പൂര്ത്തിയാക്കണം.
https://www.facebook.com/Malayalivartha
