ഞായറാഴ്ച സമ്പൂര്‍ണ്ണ ലോക്ക് ഡൗണ്‍ തുടരും.... കൊവിഡ് വ്യാപനത്തിന്റെ പശ്ചാത്തലത്തില്‍ സംസ്ഥാനത്ത് കൂടുതല്‍ നിയന്ത്രണങ്ങള്‍ ഏര്‍പ്പെടുത്തില്ല.... കടകള്‍ക്ക് രാവിലെ ഏഴുമുതല്‍ രാത്രി 9വരെ പ്രവര്‍ത്തിക്കാം... നിലവിലുള്ള നിയന്ത്രണങ്ങള്‍ കര്‍ശനമായി നടപ്പാക്കണമെന്നും മുഖ്യമന്ത്രി പിണറായി വിജയന്റെ അദ്ധ്യക്ഷതയില്‍ ചേര്‍ന്ന കൊവിഡ് പ്രതിവാര അവലോകനയോഗം തീരുമാനിച്ചു.


കൊവിഡ് വ്യാപന നിരക്ക് (ടി.പി.ആര്‍) 18 ശതമാനത്തിലെത്തിയ സാഹചര്യത്തിലാണ് യോഗം ചേര്‍ന്നത്. 10 ലക്ഷം വാക്‌സിന്‍ ഡോസുകള്‍ കെ.എം.എസ്.സി.എല്‍ നേരിട്ട് വാങ്ങിയിട്ടുണ്ട്.

സ്വകാര്യ ആശുപത്രികളും സ്വകാര്യ സ്ഥാപനങ്ങളും വഴി ഇത് നല്‍കുന്നുണ്ടെന്ന് ഉറപ്പു വരുത്തണം.പരിശോധനകള്‍ കൂട്ടും. രോഗം കൂടുതലുള്ള സ്ഥലങ്ങളില്‍ മാത്രമാകും നിയന്ത്രണം.


ഇടുക്കി, പാലക്കാട്,കാസര്‍കോട് ജില്ലകളില്‍ ബ്രേക്ക് ത്രൂ ഇന്‍ഫെക്ഷനുകള്‍ അഞ്ച് ശതമാനത്തില്‍ കൂടുതലായതിനാല്‍ ജനിതകപഠനം നടത്താന്‍ ആരോഗ്യവകുപ്പിനോട് മുഖ്യമന്ത്രി നിര്‍ദ്ദേശിച്ചു.




ഓരോ തദ്ദേശസ്ഥാപന അതിര്‍ത്തിയിലും എത്ര വാക്‌സിനേഷനുകള്‍ നടത്തിയിട്ടുണ്ടെന്ന റിപ്പോര്‍ട്ട് തദ്ദേശസ്വയംഭരണ വകുപ്പിനോട് മുഖ്യമന്ത്രി ആവശ്യപ്പെട്ടു. മൈക്രോ കണ്ടെയ്ന്‍മെന്റ് മേഖല തെരുവുകള്‍, മാര്‍ക്കറ്റ്, ഹാര്‍ബര്‍, ഫിഷിങ് വില്ലേജ്, മാള്‍, റസിഡന്‍ഷ്യല്‍ ഏരിയ, ഫാക്ടറി, എം.എസ്.എം.ഇ. യൂണിറ്റ്, ഓഫീസ്, ഐ.ടി കമ്പനി, ഫ്‌ളാറ്റ്, വെയര്‍ഹൗസ്, വര്‍ക്ഷോപ്, 10 പേരിലധികമുള്ള കുടുംബം 100 മീറ്റര്‍ പരിധിയില്‍ അഞ്ചിലധികം കേസുകള്‍ ഒരു ദിവസം റിപ്പോര്‍ട്ടു ചെയ്താല്‍ അതിലുള്‍പ്പെടുന്ന സ്ഥാപനങ്ങളും വീടുകളും. നിയന്ത്രണ മേഖലരോഗവ്യാപനം കൂടുതലുള്ള സ്ഥലത്തു 100 മീറ്റര്‍ പരിധിയില്‍ റോഡിന് ഇരുവശവുമുള്ള കച്ചവട സ്ഥാപനങ്ങളും വീടുകളും ഉള്‍പ്പെടുത്തും. 7 ദിവസത്തേക്ക് ട്രിപ്പിള്‍ ലോക്ക്ഡൗണ്‍ ഏര്‍പ്പെടുത്തും.


കൊവിഡ് വ്യാപനം കൂടിയ ജില്ലകളില്‍ പരിശോധനകളുടെ എണ്ണം കൂട്ടും.വയനാട്, പത്തനംതിട്ട, തിരുവനന്തപുരം, എറണാകുളം ജില്ലകളില്‍ വാക്‌സിനേഷന്‍ നല്ലരീതിയില്‍ നടത്തിയതിനാല്‍ രോഗലക്ഷണമുള്ളവരെ മാത്രം ടെസ്റ്റ് ചെയ്യും.