മായം കലര്ന്ന പാമോയില് വിറ്റ കേസ് ... ഉല്പ്പാദക , വിതരണക്കാര്ക്ക് ലക്ഷം രൂപ പിഴയിട്ട ഉത്തരവ് ട്രിബ്യൂണല് ശരി വച്ചു
25 AUGUST 2021 07:45 AM IST
മലയാളി വാര്ത്ത
മായം കലര്ത്തിയ പാമോയില് ഭക്ഷ്യ എണ്ണ വിറ്റ കേസില് ഉല്പ്പാദക , വിതരണക്കമ്പനികള്ക്ക് ലക്ഷം രൂപ പിഴയിട്ട ഉത്തരവ് തിരുവനന്തപുരം ദക്ഷ്യ സുരക്ഷാ അപ്പലേറ്റ് ട്രിബൂണല് ശരിവച്ചു.
ഉല്പ്പാദക കമ്പനിയായ അനഘ ഓയില് റിഫൈനറീസിനും വിതരണ കമ്പനിയായ ജനറല് ട്രെയിഡിംഗ് കമ്പനിക്കുമാണ് ലക്ഷം രൂപ പിഴയിട്ടത്.
പിഴ ചുമത്തിയ മാനന്തവാടി അഡ്ജുഡിക്കേഷന് ഓഫീസറായ സുമേഷ് ഐ.എ.എസിന്റെ ഉത്തരവ് ചോദ്യം ചെയ്ത് പ്രതികള് സമര്പ്പിച്ച അപ്പീല് തള്ളിയാണ് ട്രിബ്യൂണല് ജഡ്ജി സജികുമാര് പിഴശിക്ഷ ശരിവച്ചത്.
2016 ജൂലൈ 27 നാണ് കല്പ്പറ്റ ഫുഡ് സേഫ്റ്റി ഉദ്യോഗസ്ഥര് വ്യാപാര സ്ഥാപനം റെയ്ഡു ചെയ്ത് പാമോയില് പിടിച്ചെടുത്ത് സാമ്പിള് പരിശോധിച്ചത്.
പരിശോധനയില് ഗുണ നിലവാരമില്ലാത്തതും ഭക്ഷ്യയോഗ്യമല്ലാത്തതും മായം കലര്ന്നതുമാണെന്ന് കണ്ടെത്തി കേസ് എടുക്കുകയായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
