മലയാളികൾക്ക് ഏറെ അഭിമാനം നിറഞ്ഞതും സന്തോഷം പകരുന്നതുമായ വാർത്ത പങ്കുവച്ച് നടനും ബിജെപി നേതാവുമായ സുരേഷ് ഗോപി. പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തിയതിന് പിന്നാലെ, പത്തനാപുരത്ത് നിന്ന് ഒരു കുഞ്ഞ് മോള് കൊടുത്തയച്ച ചെടി പ്രധാനമന്ത്രിയുടെ കൈകളില്‍ എത്തിയ വിവരം സുരേഷ് ഗോപി തന്റെ ഫേസ്‌ബുക്ക് പേജിലൂടെയാണ് പുറത്തുവിട്ടത്. അദ്ദേഹത്തിന്റെ ഔദ്യോഗിക ബംഗ്ലാവിന്റെ മുറ്റത്ത് ഈ ചെടി നട്ടിട്ട് പത്തനാപുരത്തുള്ള ഒരു കുഞ്ഞിന്റെ തൈ എന്റെ മുറ്റത്ത് വളരുന്നു എന്നൊരു ഇന്ത്യന്‍ പ്രധാനമന്ത്രി പറയുന്നതും നാളെ നമുക്ക് പ്രതീക്ഷിക്കാമെന്ന് അദ്ദേഹം പ്രത്യാശയോടെ തനറെ ഫേസ്‌ബുക്കില്‍ കുറിച്ചു.

ഫേസ്ബുക്ക് കുറിപ്പ് ഇങ്ങനെ;

പത്തനാപുരത്ത് നിന്ന് ഒരു കുഞ്ഞ് മോള് കൊടുത്തയച്ച ചെടി അദ്ദേഹത്തിന്റെ കയ്യില്‍ എത്തിയിട്ടുണ്ടെങ്കില്‍, അദ്ദേഹത്തിന്റെ ഔദ്യോഗിക ബംഗ്ലാവിന്റെ മുറ്റത്ത് ഇത് നട്ടിട്ട് പത്തനാപുരത്തുള്ള ഒരു കുഞ്ഞിന്റെ തൈ എന്റെ മുറ്റത്ത് വളരുന്നു എന്നൊരു ഇന്ത്യന്‍ പ്രധാനമന്ത്രി പറയുന്നതും നാളെ നമുക്ക് പ്രതീക്ഷിക്കാം. എന്തായാലും ഇതൊരു വലിയ സന്ദേശമാണ്, ശുദ്ധ ജനാധിപത്യത്തിന്റെ സന്ദേശം,

അതേസമയം അഭിനയത്തിന് പുറമെ സാമൂഹ്യ പ്രവര്‍ത്തനങ്ങളിലും സജീവമാണ് സുരേഷ് ഗോപി. ഇതിനോടകം തന്നെ നിരവധി നന്മപ്രവർത്തികൾ ചെയ്ത ഏവരുടെയും ഹൃദയം കീഴടക്കിയ വ്യക്തി കൂടിയാണ് സുരേഷ് ഗോപി. കക്ഷി രാഷ്ട്രീയഭേദമന്യേയായാണ് അദ്ദേഹം ഇടപെടാറുള്ളത്. സിനിമയിലും രാഷ്ട്രീയത്തിലും സജീവമായ സുരേഷ് ഗോപി അവശത അനുഭവിക്കുന്നവരുടെ സങ്കടം കേള്‍ക്കാനും സഹായം ചെയ്യാനും നേരിട്ടെത്താറുണ്ട്. അത്തരത്തിലുള്ള സംഭവങ്ങളെക്കുറിച്ച്‌ പറഞ്ഞ് നിരവധി പേരാണ് എത്തിയത്.