കരുത്തറിയിച്ച് ഇന്ത്യ... പാകിസ്താന്റെ ശക്തമായ ഇടപെടലിനെ തുടര്ന്ന് മന്ത്രിസഭയിലെ 14 പേരും ഭീകരരായതോടെ ലോക രാഷ്ട്രങ്ങള് ഒന്നിക്കുന്നു; ഇന്ത്യയെ ഒപ്പം നിര്ത്താന് റഷ്യയും അമേരിക്കയും ബ്രിട്ടണും; യുഎസ്, യുകെ ചാരസംഘടനാ മേധാവിമാര് ഇന്ത്യയിലെത്തി
എത്ര കിട്ടിയാലും പഠിക്കാത്ത പാകിസ്താന് ഇപ്പോള് മറ്റൊരു കളിയിലാണ്. അഫ്ഗാനിസ്ഥാനിലെ താലിബാന് സര്ക്കാരില് പരമാവധി ഭീകരരെ തള്ളിക്കയറ്റുകയാണ് പാകിസ്താന്. 14 ഭീകരര് മന്ത്രിസഭയില് വന്നതോടെ നീക്കങ്ങള് ശക്തമാക്കി ലോക രാഷ്ട്രങ്ങള്.
ഈ പശ്ചാത്തലത്തില് അഫ്ഗാന് സ്ഥിതി വിലയിരുത്താനും ഭീകരതയ്ക്കെതിരായ നീക്കങ്ങളില് ഇന്ത്യയെ ഒപ്പം നിര്ത്താനും ലക്ഷ്യമിട്ട് യുഎസ്, യുകെ ചാരസംഘടനകളുടെ മേധാവികള് ഇന്ത്യയിലെത്തി. ദേശീയ സുരക്ഷാ ഉപദേഷ്ടാവ് അജിത് ഡോവലിന്റെ ക്ഷണം സ്വീകരിച്ച് റഷ്യയിലെ ഉന്നത രഹസ്യാന്വേഷണ ഉദ്യോഗസ്ഥനും കഴിഞ്ഞ ദിവസം ഡല്ഹി സന്ദര്ശിച്ചു.
റഷ്യയുടെ സുരക്ഷാ കൗണ്സില് സെക്രട്ടറി നിക്കൊളെയ് പത്രുഷെവിന്റെ സന്ദര്ശനം വിദേശകാര്യ മന്ത്രാലയം പരസ്യമാക്കിയപ്പോള്, യുഎസ് ചാരസംഘടനയായ സിഐഎയുടെ ഡയറക്ടര് വില്യം ബേണ്സ്, യുകെയുടെ എംഐ 6 മേധാവി റിച്ചഡ് മൂര് എന്നിവരുടെ വരവ് സംബന്ധിച്ച് ഔദ്യോഗിക അറിയിപ്പുകള് ഒഴിവാക്കി.
ഡോവല്, ദേശീയ സുരക്ഷാ കൗണ്സില് സെക്രട്ടേറിയറ്റിലെ അംഗങ്ങള് എന്നിവരുമായി ഇരുവരും കൂടിക്കാഴ്ച നടത്തി. താലിബാനുമായി അടുത്ത ബന്ധം പുലര്ത്തുന്ന ചൈനയെ ഫലപ്രദമായി നേരിടാന് ഇന്ത്യയുടെ പിന്തുണ യുഎസിനും യുകെയ്ക്കും ആവശ്യമാണ്.
അഫ്ഗാനില് നിന്നുള്ള ഭീകരവാദം മറ്റു രാജ്യങ്ങളിലേക്കു വ്യാപിക്കാനുള്ള സാധ്യതകളും പ്രതിരോധമാര്ഗങ്ങളും ചര്ച്ചയായി. ഭീകര സംഘടനകളുടെ നീക്കങ്ങള് സംബന്ധിച്ച രഹസ്യ വിവരങ്ങള് ഇന്റലിജന്സ് ശൃംഖല ഉപയോഗിച്ച് ഇന്ത്യ ശേഖരിക്കണമെന്ന ആവശ്യം ഇരുവരും ഉന്നയിച്ചതായാണു സൂചന.
അതേസമയം റഷ്യന് ഉദ്യോഗസ്ഥനും ഇന്ത്യയിലെത്തി. അഫ്ഗാന് വിഷയത്തില് നിരന്തര ഉഭയകക്ഷി ചര്ച്ചകള് നടത്താന് റഷ്യന് പ്രസിഡന്റ് വ്ലാഡിമിര് പുടിനും പ്രധാനമന്ത്രി നരേന്ദ്ര മോദിയും അടുത്തിടെ തീരുമാനിച്ചിരുന്നു. അതിന്റെ തുടര്ച്ചയായിട്ടാണു പത്രുഷെവ് ഇന്ത്യയിലെത്തിയത്.
അഫ്ഗാനിസ്ഥാനില് ചൊവ്വാഴ്ച പുതിയ താലിബാന് സര്ക്കാര് പ്രഖ്യാപിച്ചതിന് പിന്നാലെ യു.എസ് രഹസ്യാന്വേഷണ ഏജന്സിയായ സി.ഐ.എയുടെ മേധാവി വില്ല്യം ബേണ്സും, റഷ്യന് ദേശീയ സുരക്ഷാ ഉപദേഷ്ടാവ് നിക്കോളായ് പട്രുഷേവും ഇന്ത്യന് അധികൃതരുമായി ഡല്ഹിയില് വെവ്വേറെ നടത്തിയ ചര്ച്ചകള് നിര്ണായകമായി.
യു.എസുമായുള്ള തന്ത്രപരമായ സഹകരണത്തിന്റെ ഭാഗമായി വില്ല്യം ബേണ്സുമായി ദേശീയ സുരക്ഷാ ഉപദേഷ്ടാവ് അജിത് ഡോവല് നടത്തിയ കൂടിക്കാഴ്ചയില് താലിബാന് സര്ക്കാര് രൂപീകരണവുമായി ബന്ധപ്പെട്ടാണ് പ്രധാന ചര്ച്ച നടന്നതെന്ന് സൂചനയുണ്ട്.
റഷ്യന് ദേശീയ ഉപദേഷ്ടാവിന് തുല്യമായ പദവിയിലുള്ള സെക്യൂരിറ്റി കൗണ്സില് സെക്രട്ടറിയാണ് നിക്കോളായ് പട്രുഷേവ്. റഷ്യന് പ്രതിനിധിസംഘവുമായി നടത്തിയ ചര്ച്ചയില് ഡോവലിന് പുറമേ പ്രതിരോധ, വിദേശകാര്യ മന്ത്രാലയങ്ങളിലെയും സുരക്ഷാ ഏജന്സികളിലെയും ഉന്നതര് പങ്കെടുത്തു.
സി.ഐ.എ തലവനുമായുള്ള ചര്ച്ചയില് ഉന്നയിച്ചവ പ്രധാനമായും ഇവയാണ്. ഇന്ത്യന് വംശജരുടെ മടക്കയാത്ര, അവിടെ താമസിക്കുന്നവരുടെ സുരക്ഷ, അഫ്ഗാന് മണ്ണില് ഐ.എസ്.ഐ സഹായത്തോടെ പാക് ഭീകര സംഘടനകള് പ്രവര്ത്തിക്കുന്നത് തടയല്, യു.എസിന്റെ ഭീകരപ്പട്ടികയിലുള്ള, സിറാജുദ്ദീന് ഹഖാനി, മുല്ലാ യാക്കൂബ് തുടങ്ങിയവര് താലിബാന് സര്ക്കാരിന്റെ ഭാഗമാകുന്നതിലെ അപകടം എന്നിവയാണ് ചര്ച്ചയായത്.
"
https://www.facebook.com/Malayalivartha
