ഇരട്ടക്കുട്ടികള്ക്ക് ജന്മം നല്കി ആ അമ്മ യാത്രയായി...... ശ്വാസതടസ്സമുണ്ടായി ആശുപത്രിയിലെത്തിച്ചപ്പോഴേക്കും യുവതിയുടെ നില വഷളായി, അപകടം തിരിച്ചറിഞ്ഞ ഡോക്ടര്മാര് കുഞ്ഞുങ്ങളെ ശസത്രക്രിയയിലൂടെ പുറത്തെടുത്തു, ഇരുവരെയും വെന്റിലേറ്ററിലേക്ക് മാറ്റി, പിന്നാലെ യുവതി ഈ ലോകത്തോട് വിട പറഞ്ഞു, കണ്ണീരടക്കാനാവാതെ ഉറ്റവരും ബന്ധുക്കളും
ഇരട്ടക്കുട്ടികള്ക്ക് ജന്മം നല്കി ആ അമ്മ യാത്രയായി...... ശ്വാസതടസ്സമുണ്ടായി ആശുപത്രിയിലെത്തിച്ചപ്പോഴേക്കും യുവതിയുടെ നില വഷളായി,
അപകടം തിരിച്ചറിഞ്ഞ ഡോക്ടര്മാര് കുഞ്ഞുങ്ങളെ ശസത്രക്രിയയിലൂടെ പുറത്തെടുത്തു, ഇരുവരെയും വെന്റിലേറ്ററിലേക്ക് മാറ്റി, പിന്നാലെ യുവതി ഈ ലോകത്തോട് വിട പറഞ്ഞു, കണ്ണീരടക്കാനാവാതെ ഉറ്റവരും ബന്ധുക്കളും.
മുള്ളരിങ്ങാട് കിഴക്കേക്കരയില് സിജുവിന്റെ ഭാര്യ കൃഷ്ണേന്ദു (24)വാണ് കോവിഡ് ബാധിച്ച് മരിക്കുംമുന്പ് ഇരട്ടക്കുട്ടികള്ക്ക് ജന്മം നല്കിയത്. വെള്ളിയാഴ്ച കളമശ്ശേരി മെഡിക്കല് കോളേജിലായിരുന്നു പ്രസവം നടന്നത്. ശനിയാഴ്ച അതേ ആശുപത്രിയില്വെച്ച് അവള് ഈ ലോകത്തോട് വിടപറഞ്ഞു.
ശ്വാസതടസ്സം അനുഭവപ്പെട്ടതിനെ തുടര്ന്നാണ് കൃഷ്ണേന്ദുവിനെ വെള്ളിയാഴ്ച മുള്ളരിങ്ങാട് സ്വകാര്യ ആശുപത്രിയില് എത്തിച്ചിരുന്നു. പിന്നീട് കളമശ്ശേരി മെഡിക്കല് കോളേജിലേക്കു കൊണ്ടു പോയി. ഇവിടെവെച്ചാണ് കോവിഡാണെന്ന് തിരിച്ചറിയുന്നത്.
ന്യൂമോണിയ ഗുരുതരമായി ബാധിച്ചെന്ന് മനസ്സിലായതോടെ എത്രയുംവേഗം കുട്ടികളെ പുറത്തെടുത്തില്ലെങ്കില് അപകടമാണെന്ന് തിരിച്ചറിഞ്ഞ ഡോക്ടര്മാര് വെള്ളിയാഴ്ച തന്നെ ശസ്ത്രക്രിയയിലൂടെ ഒന്പതുമാസം പ്രായമുള്ള ഇരട്ട പെണ്കുട്ടികളെ പുറത്തെടുത്തു. ഇരുവരെയും വെന്റിലേറ്ററിലേക്ക് മാറ്റി. ശനിയാഴ്ച രാവിലെ ഏഴുമണിയോടെ കൃഷ്ണേന്ദു മരിച്ചു.
ഒക്ടോബര് പത്തിനായിരുന്നു പ്രസവത്തീയതി നിശ്ചയിച്ചിരുന്നത്. വെള്ളിയാഴ്ച വൈകീട്ട് മുള്ളരിങ്ങാട് സംസ്കാരം നടന്നു. സിജുവിന്റെയും കൃഷ്ണേന്ദുവിന്റെയും വിവാഹം കഴിഞ്ഞിട്ട് ഒരുവര്ഷം തികയുന്നതേയുള്ളൂ.
https://www.facebook.com/Malayalivartha