പ്ലസ് വണ് പ്രവേശനത്തിനുള്ള ആദ്യ അലോട്ട്മെന്റ് പട്ടിക പ്രസിദ്ധീകരിച്ചു; നാളെ മുതൽ പ്രവേശനം ആരംഭിക്കും
പ്ലസ് വണ് പ്രവേശനത്തിനുള്ള ആദ്യ അലോട്ട്മെന്റ് പട്ടിക പ്രസിദ്ധീകരിച്ചു. കൊവിഡ് മാനദണ്ഡം പാലിച്ച് സ്കൂളുകളില് പ്രവേശനം നാളെ ആരംഭിക്കും.
ആദ്യ അലോട്ട്മെന്റ് പട്ടിക വിദ്യാര്ത്ഥികള്ക്ക് വെബ്സൈറ്റില് പരിശോധിക്കാം.
പട്ടികയിലുള്ള വിദ്യാര്ത്ഥികള്ക്ക് നാളെ മുതല് ഒക്ടോബര് ഒന്ന് വരെയായി സര്ട്ടിഫിക്കറ്റുകളുമായി നേരിട്ടെത്തി പ്രവേശനം നേടാം.
പ്രവേശന നടപടികളില് കൊവിഡ് മാനദണ്ഡം കര്ശനമായി പാലിക്കാന് വിദ്യാഭ്യാസമന്ത്രി നിര്ദേശം നല്കിയിട്ടുണ്ട്.
ഒന്നാം സപ്ലിമെന്ററി അലോട്ട്മെന്റിനായി ആകെ ഉണ്ടായിരുന്ന 44,281 ഒഴിവുകളില് ലഭിച്ച 1,09,320 അപേക്ഷകളില് 1,07,915 അപേക്ഷകളാണ് അലോട്ട്മെന്റിനായി പരിഗണിച്ചത്.
നാളെ രാവിലെ ഒന്പത് മുതലാണ് പ്രവേശനം ആരംഭിക്കുക.
ആദ്യം അനുവദിക്കപ്പെട്ട പ്രവേശന സമയത്ത് ഹാജരാകാന് സാധിക്കാത്തവര്ക്ക് സ്കൂള് പ്രിന്സിപ്പല് നിര്ദേശിക്കുന്ന മറ്റൊരു സമയത്ത് പ്രവേശനം നേടാമെന്നും വിദ്യാഭ്യാസ വകുപ്പ് അറിയിച്ചു.
https://www.facebook.com/Malayalivartha
