കോ​വി​ഡ്​ മ​ര​ണ​ങ്ങ​ളി​ലെ ന​ഷ്​​ട​പ​രി​ഹാ​രം നൽകാതെ ബാ​ധ്യ​ത സം​സ്ഥാ​ന​ങ്ങ​ളു​ടെ ചു​മ​ലി​ല്‍​വെ​ച്ച്‌​ കേ​ന്ദ്രത്തിന്റെ മലക്കം മറിച്ചിൽ. സാ​മ്പ​ത്തി​ക സ​ഹാ​യം അ​നു​വ​ദി​ക്ക​ണ​മെ​ന്ന്​ കേ​ര​ള​മ​ട​ക്കം ആ​വ​ശ്യ​മു​ന്ന​യിക്കുകയുണ്ടായി. എന്നിട്ടും കാ​ര്യ​മാ​യി മ​റു​പ​ടി കേ​ന്ദ്ര​ത്തി​ല്‍ നി​ന്നു​ണ്ടാ​യി​ട്ടി​ല്ല എന്നത് സംസ്ഥാനത്തെ കുഴയ്ക്കുന്നു. കൊ​ടു​ങ്കാ​റ്റും പ്ര​ള​യ​വും പോ​ലു​ള്ള പ്ര​കൃ​തി ദു​ര​ന്ത​ങ്ങ​ളി​ല്‍ കേ​ന്ദ്രം പൊതുവെ ധ​ന​സ​ഹാ​യം ന​ല്‍​കാ​റു​ണ്ട്. കോ​വി​ഡി​ലും ഇ​തേ മാ​തൃ​ക​യി​ല്‍ സ​ഹാ​യം പ്ര​തീ​ക്ഷി​ച്ചെ​ങ്കി​ലും നി​രാ​ശ​യാ​ണ്​ ഫ​ലം.

അതേസമയം കോ​വി​ഡ്​ ചി​കി​ത്സ​ക്കും അ​നു​ബ​ന്ധ ചെ​ല​വു​ക​ള്‍​ക്കു​മെ​ല്ലാം വ​ലി​യ തു​ക​യാ​ണ്​ സം​സ്ഥാ​ന​ങ്ങ​ള്‍​ ഇപ്പോൾ ചെ​ല​വി​ടു​ന്ന​ത്. ഇ​തി​ന്​ പു​റ​മെ​യാ​ണ്​ ന​ഷ്​​ട​പ​രി​ഹാ​ര ബാ​ധ്യ​ത കൂ​ടി​ തലയിൽ കെട്ടിവയ്ക്കുന്നത്. സ​ഹാ​യ​ധ​ന​ത്തി​ല്‍ ഒ​രു വി​ഹി​തം കേന്ദ്രം വ​ഹി​ക്ക​ണ​മെ​ന്നാ​ണ്​ സം​സ്ഥാ​ന​ത്തിന്റെ ആ​വ​ശ്യം എന്നത്. പി.​എം കെ​യേ​ഴ്​​സി​ലൂ​ടെ കോ​ടി​ക​ള്‍ സ​മാ​ഹ​രി​ച്ച കേ​ന്ദ്ര​സ​ര്‍​ക്കാ​ര്‍ ഇ​ക്കാ​ര്യ​ത്തി​ല്‍ നി​സ്സം​ഗ​ത പു​ല​ര്‍​ത്തു​ക​യാ​ണെ​ന്ന ആ​രോ​പ​ണ​വും ഉ​യ​ര്‍​ന്നിരിക്കുകയാണ്.

പ്ര​കൃ​തി ദു​ര​ന്ത​ങ്ങ​ളെ​പോ​ലെ തന്നെ കോ​വി​ഡി​ന്​ നി​ര്‍​ണി​ത കാ​ല​പ​രി​ധി നി​ശ്ച​യി​ക്കാ​നാ​യി​ട്ടി​ല്ല. ധ​ന​സ​ഹാ​യം അ​നു​വ​ദി​ച്ച്‌​ സ​ര്‍​ക്കാ​ര്‍ പു​റ​ത്തി​റ​ക്കി​യ ഉ​ത്ത​ര​വി​ലും സം​സ്ഥാ​ന​ത്ത്​ 'കോ​വി​ഡ്​ സ്ഥി​രീ​ക​രി​ച്ച​ത്​ മു​ത​ല്‍ ഇ​നി​യൊ​രു ഉ​ത്ത​ര​വു'​ണ്ടാ​കു​ന്ന​ത്​ വ​രെ​യെ​ന്നാ​ണ് പറയപ്പെടുന്നത്. ഫ​ല​ത്തി​ല്‍ സം​സ്ഥാ​ന​ത്തെ​ത​ന്നെ ഏ​റ്റ​വും വ​ലി​യ ന​ഷ്​​ട​പ​രി​ഹാ​ര വി​ത​ര​ണ​ത്തി​നാ​ണ് സ​ര്‍​ക്കാ​ര്‍ ത​യാ​റെ​ടു​ക്കു​ന്ന​ത് തന്നെ.

കൂടാതെ വ്യാ​ഴാ​ഴ്​​ച​വ​രെ​യു​ള്ള ക​ണ​ക്ക​നു​സ​രി​ച്ച്‌​ 25087 മ​ര​ണ​ങ്ങ​ളാ​ണ്​ റിപ്പോർട്ട് ചെയ്തിട്ടുള്ളത്. വി​വി​ധ ജി​ല്ല​ക​ളി​ല്‍ പു​നഃ​പ​രി​ശോ​ധ​ന​ക്കു​ശേ​ഷം മ​ര​ണ​കാ​ര​ണം കോ​വി​ഡാ​ണെ​ന്ന്​ സ്ഥി​രീ​ക​രി​ച്ച 7000 മ​ര​ണ​ങ്ങ​ള്‍​കൂ​ടി ഉ​ള്‍​പ്പെ​ടുമ്പോ​ള്‍ ഇ​തു​വ​രെ സ​ഹാ​യം ന​ല്‍​കേ​ണ്ട​വ​രു​ടെ എ​ണ്ണം 32087 ആ​ണ്. 50,000 രൂ​പ വീ​തം ക​ണ​ക്കാ​ക്കി​യാ​ല്‍ ഈ ​ഇ​ന​ത്തി​ല്‍ മാത്രം വേ​ണ്ടി​വ​രു​ന്ന​ത്​ 160 കോ​ടി രൂ​പ​യാ​ണ്. ശ​രാ​ശ​രി 100-120 കോ​വി​ഡ്​ മ​ര​ണ​ങ്ങ​ളാ​ണ്​ ​പ്ര​തി​ദി​നം കേ​ര​ള​ത്തി​ൽ റിപ്പോർട്ട് ചെയ്യപ്പെടുന്നത്. പോ​സി​റ്റി​വാ​യ​ശേ​ഷം 30 ദി​വ​സ​ത്തി​നു​ള്ളി​ലെ മ​ര​ണ​വും കോ​വി​ഡ് മ​ര​ണ​ങ്ങ​ളാ​യി പ​രി​ഗ​ണി​ക്ക​ണ​മെ​ന്ന കേ​ന്ദ്ര നി​ര്‍​ദേ​ശം​കൂ​ടി യാ​ഥാ​ര്‍​ഥ്യ​മാ​കു​ന്ന​തോ​ടെ മ​ര​ണ​സം​ഖ്യ ഇ​നി​യും ഉ​യ​രുമെന്നാണ് വിലയിരുത്തപ്പെടുന്നത്.

അതോടൊപ്പം തന്നെ ധ​ന​സ​ഹാ​യ​ത്തി​ന്​ ആ​​ശ്രി​ത​ര്‍​ക്ക്​ അ​പേ​ക്ഷ സ​മ​ര്‍​പ്പി​ക്കു​ന്ന​തി​ന്​ ദു​ര​ന്ത​നി​വാ​ര​ണ വ​കു​പ്പിന്റെ നേ​തൃ​ത്വ​ത്തി​ല്‍ സം​വി​ധാ​ന​ങ്ങ​ളൊ​രു​ക്കും. ഓണ്‍​ലൈ​ന്‍ സ​മ​ര്‍​പ്പി​ക്കു​ന്ന​തി​നൊ​പ്പം നേ​രി​ട്ടും അ​പേ​ക്ഷ ന​ല്‍​കു​ന്ന​തി​നു​ള്ള ക്ര​മീ​ക​ര​ണ​ങ്ങ​ളു​ണ്ടാ​കുന്നതായിരിക്കും. ലാ​ന്‍​റ്​ റ​വ​ന്യൂ ക​മീ​ഷ​ണ​റേ​റ്റി​​ലെ ഐ.​ടി വി​ഭാ​ഗ​മാ​ണ്​ ഓ​ണ്‍​ലൈ​ന്‍ അ​പേ​ക്ഷ സ​മ​ര്‍​പ്പ​ണ​ത്തി​നു​ള്ള പോ​ര്‍​ട്ട​ല്‍ ഒ​രു​ക്കു​ക. എ​ന്തൊ​ക്കെ വി​വ​ര​ങ്ങ​ള്‍ ന​ല്‍​കി​യാ​ണ്​ അ​പേ​ക്ഷ സ​മ​ര്‍​പ്പി​ക്കേ​ണ്ട​തെ​ന്ന​ത്​ സം​ബ​ന്ധി​ച്ച്‌​ വി​ശ​ദ ഉ​ത്ത​ര​വി​റ​ക്കുന്നതാണ്.