ഇടിമിന്നലേറ്റ് തൊഴിലുറപ്പ് തൊഴിലാളികളായ അഞ്ച് സ്ത്രീകള്ക്ക് പരിക്ക്; പരിക്കേറ്റവരെ ആശുപത്രിയിൽ പ്രവേശിപ്പിച്ചു
അടൂരിൽ ഇടിമിന്നലേറ്റ് തൊഴിലുറപ്പ് തൊഴിലാളികളായ അഞ്ച് സ്ത്രീകള്ക്ക് പരിക്ക്. ഇളമണ്ണൂര് കുറുമ്ബകര ചെമ്മണ്ണേറ്റത്ത് പൊടിച്ചി (72), കമുകുംകോട്ട് വീട്ടില് തങ്കമണി (64), തുളസീവിലാസം വീട്ടില് ലീലാദേവി (57) ചരുവിള വീട്ടില് അംബിക (46), പൂവണ്ണുംമൂട്ടില് രാധാമണി (66) എന്നിവര്ക്കാണ് പരിക്കേറ്റത്.
വെള്ളിയാഴ്ച വൈകീട്ട് നാലേകാലോടെയാണ് സംഭവം. ഇവരെ അടൂര് ജനറല് ആശുപത്രിയില് പ്രവേശിപ്പിച്ചു. ഏനാദിമംഗലം മാരൂര് കാട്ടുകാലാ ഒമ്ബതാം വാര്ഡില്പ്പെട്ട തൊഴിലുറപ്പ് തൊഴിലാളികള്ക്കാണ് പരിക്കേറ്റത്. പണി ചെയ്യുന്നതിനിടെ മഴ പെയ്തപ്പോള് തൊട്ടടുത്തുള്ള വീടിന്റെ സിറ്റൗട്ടില് കയറി ഇരിക്കവെയാണ് ഇവര്ക്ക് മിന്നലേറ്റത്. കാലിനും പുറത്തുമാണ് പരിക്ക്.
https://www.facebook.com/Malayalivartha