ശസ്ത്രക്രിയയെ തുടര്ന്ന് ഗുരുതരാവസ്ഥയിലായ വില്ലേജ് ഓഫീസര് മരിച്ചു; മരണ കാരണം ആശുപത്രിയുടെയും ഡോക്ടര്മാരുടെയും അനാസ്ഥയാണെന്ന ബന്ധുക്കളുടെ പരാതി; അസ്വാഭാവിക മരണത്തിന് കേസ് രജിസ്റ്റര് ചെയ്തു
അടൂരില് ശസ്ത്രക്രിയയെ തുടര്ന്ന് ഗുരുതരാവസ്ഥയിലായ അടൂര് വില്ലേജ് ഓഫീസര് മരിച്ചു. കൊട്ടാരക്കര കലയപുരം വാഴോട്ടു വീട്ടില് ജയകുമാറിന്റെ ഭാര്യ കല (49) ആണ് മരിച്ചത്. അടൂര് ഹോളി ക്രോസ് മള്ട്ടി സ്പെഷാലിറ്റി ആശുപത്രിയില് വെള്ളിയാഴ്ച രാവിലെ ഒമ്ബതിന് ഡോ. സുരേഷിന്റെ നേതൃത്വത്തില് കലയ്ക്ക് തൈറോയ്ഡിനുള്ള ശസ്ക്രിയ നടത്തിയിരുന്നു.
ഗുരുതരാവസ്ഥയിലായ കലയെ ശനിയാഴ്ച രാവിലെ 9.30 ന് കൊല്ലം മെഡിസിറ്റി ആശുപത്രിയിലേക്ക് കൊണ്ടു പോകും വഴിയായിരുന്നു മരണം സംഭവിച്ചത്. ശനിയാഴ്ച പുലര്ച്ചെ കലയ്ക്ക് ഹൃദയാഘാതമുണ്ടാവുകയും വെന്റിലേറ്ററില് പ്രവേശിപ്പിക്കുകയും ചെയ്തു. സ്ഥിതി വഷളായതിനെ തുടര്ന്ന് രാവിലെ 7.45 ന് കലയെ കൊല്ലം മെഡിസിറ്റി ആശുപത്രിയിലേക്ക് മാറ്റാനൊരുങ്ങിയത്. ഇവരുടെ നിര്ബന്ധം മൂലം ശസ്ത്രക്രിയ നടത്തിയ ഡോ. സുരേഷ്, ഡോ.പി.ജി. ജോര്ജ് എന്നിവരും രണ്ടു നഴ്സുമാരും ഉള്പ്പടെ സ്പാന് ഐസിയു ആംബുലന്സിലാണ് കൊല്ലം മെഡിസിറ്റി ആശുപത്രിയിലേക്ക് പുറപ്പെട്ടത്. എന്നാല് 9.30 ഓടെ മരണം സംഭവിച്ചു. മരണ കാരണം ആശുപത്രിയുടെയും ഡോക്ടര്മാരുടെയും അനാസ്ഥയാണെന്ന ബന്ധുക്കളുടെ പരാതിയില് അടൂര് പൊലീസ് അസ്വാഭാവിക മരണത്തിന് കേസ് രജിസ്റ്റര് ചെയ്തു.
https://www.facebook.com/Malayalivartha