വൈരാഗ്യം കൂടിയത് ഭാര്യയുടെ കാമുകൻ ഭീഷണിപ്പെടുത്തിയതോടെ; കൊല നടത്തിയത് ആസൂത്രണം ചെയ്തിട്ട്: മലപ്പുറം വാഴക്കാട് കൊലപാതകത്തില് കുറ്റസമ്മതം നടത്തി പ്രതി
വാഴക്കാട് അനന്തായൂരിലെ അരുംകൊലക്ക് കാരണം ഭാര്യ ഷാക്കിറയുടെ അപഥ സഞ്ചാരമെന്ന് പ്രതിയുടെ മൊഴി. കത്തിയും കയറും വാങ്ങിയത് ചെറൂപ്പയിലെ കടയില് നിന്നാണെന്നും പ്രതി ഷമീര് പൊലീസിനോട് വ്യക്തമാക്കി .
ഷാക്കിറയുടെ കാമുകന് ഭീക്ഷണിപ്പെടുത്തിയതോടെയാണ് വൈരാഗ്യം കൂടിയതെന്നും, ഇതേത്തുടര്ന്ന് കൊല നടത്താന് തീരുമാനിക്കുകയായിരുന്നുവെന്നും ഷമീര് പൊലീസിനോട് പറഞ്ഞു. കൊലനടന്ന വീട്ടിലെത്തിച്ച് തെളിവെടുപ്പ് നടത്തി.
ഷാക്കിറയെ കൊന്ന് രക്ഷപ്പെട്ട മുഹമ്മദ് ഷമീറിനെ സാഹസികമായാണ് വാഴക്കാട് പൊലീസ് പിടികൂടിയത്. മാവൂര് പി എച്ച് ഡി ഭാഗത്തുള്ള ഗോളിയ റയോണ്സിന്റെ കാട് മുടി കിടക്കുന്ന സ്ഥലത്ത് നിന് ആത്മഹത്യ ചെയ്യാന് തയ്യാറായി നില്ക്കുന്നതിനിടെയാണ് പ്രതിയെ പൊലീസ് പിടികൂടിയത്.
മക്കളുടെ മുന്നിലിട്ടാണ് ഷമീര് ഭാര്യയെ കഴുത്തുമുറുക്കിക്കൊന്നത്. ഇതിനു ശേഷം ഒളിവില്പ്പോയ ഷമീറിനെ പിടികൂടിയത് ഇന്ന് വൈകുന്നേരമായിരുന്നു.
അനന്തായൂര് ഇളംപിലാറ്റാശ്ശേരി കുഞ്ഞിമുഹമ്മദിന്റെയും നഫീസയുടെയും മകള് ഷാക്കിറ(27)യെയാണ് ഭര്ത്താവ് ഷമീര് (34) കഴുത്തില് പ്ലാസ്റ്റിക് കയര് മുറുക്കി കൊലപ്പെടുത്തിയത്. വെള്ളിയാഴ്ച രാത്രി രണ്ടുമണിക്ക് വീട്ടിനകത്തുവെച്ചാണ് സംഭവം. കൊലയ്ക്കുശേഷം വീട്ടുടമസ്ഥനെ ഫോണില് വിളിച്ചുപറഞ്ഞശേഷമാണ് ഷമീര് നാടുവിട്ടത്.
വാഴക്കാട് പഞ്ചായത്തിലെ അനന്തായൂരില് വെള്ളിയാഴ്ച പുലര്ച്ചെയാണ് സംഭവം. പോലീസെത്തി വീട്ടില്കയറി നോക്കിയപ്പോള് ഡൈനിങ് ഹാളില് കഴുത്തില് കയര്മുറുകി മരിച്ചു കിടക്കുന്ന ഷാക്കിറയെയാണ് കണ്ടത്.
കോഴിക്കോട് ജില്ലയിലെ മുക്കം മണാശ്ശേരി സ്വദേശിയാണ് ഷമീര്. പത്തുവര്ഷം മുമ്ബ് മുണ്ടുമുഴി അനന്തായൂര് ഭാഗത്ത് കല്ലുവെട്ട് ജോലിക്കെത്തിയ ഇയാള്, ഷാക്കിറയെ വിവാഹം കഴിക്കുകയായിരുന്നു. പ്രതിക്കായി കൊണ്ടോട്ടി ഡി. വൈ. എസ്. പി കെ. അഷ്റഫിന്റെ നേതൃത്വത്തിലാണ് പോലീസ് അന്വേഷണം നടത്തിയത്.
https://www.facebook.com/Malayalivartha