കൂടുതല്‍ ഇളവുകള്‍...... ഈ മാസം 25 മുതല്‍ തീയേറ്ററുകള്‍ കൊവിഡ് മാനദണ്ഡങ്ങള്‍ പാലിച്ചുകൊണ്ട് തുറക്കാന്‍ കോവിഡ് അവലോകന യോഗത്തില്‍ തീരുമാനം....

തീയേറ്ററുകള്‍ കൊവിഡ് മാനദണ്ഡങ്ങള്‍ പാലിച്ചുകൊണ്ട് തന്നെ തുറക്കും. പൂര്‍ണമായ തുറക്കല്‍ സാദ്ധ്യമാകില്ലെന്നാണ് സൂചനകള്‍ .

സിനിമാ സംഘടനകളുമായി ഇക്കാര്യങ്ങള്‍ ചര്‍ച്ച ചെയ്ത ശേഷം സര്‍ക്കാര്‍ മാര്‍ഗരേഖ പുറത്തിറക്കും. ഏകദേശം ആറ് മാസത്തിന് ശേഷമാണ് സംസ്ഥാനത്ത് സിനിമാ തീയേറ്ററുകള്‍ തുറക്കാന്‍ പോകുന്നത്.

ഇന്‍ഡോര്‍ ഓഡിറ്റോറിയങ്ങളും ഒക്ടോബര്‍ 25 മുതല്‍ തുറക്കാന്‍ യോഗം തീരുമാനമായി. രണ്ട് ഡോസ് വാക്സിന്‍ സ്വീകരിച്ച തൊഴിലാളികളെ ഉള്‍പ്പെടുത്തി രണ്ട് ഡോസ് വാക്സിന്‍ സ്വീകരിച്ചവര്‍ക്ക് മാത്രം പ്രവേശനം .

ആകെയുളള സീറ്റിംഗ് കപ്പാസിറ്റിയുടെ 50 ശതമാനമേ അനുവദിക്കൂവെന്ന് മുഖ്യമന്ത്രി . കുട്ടികള്‍ക്കിടയില്‍ നടത്തിയ സെറോ പ്രിവലന്‍സ് സര്‍വേ പൂര്‍ത്തിയായി.

സ്‌കൂളുകള്‍ തുറക്കാനുള്ള മാര്‍ഗരേഖയും ഉടന്‍ പുറത്തിറക്കും. ഒക്ടോബര്‍ 18 മുതല്‍ കോളേജുകളില്‍ എത്തുന്ന ജീവനക്കാരും അദ്ധ്യാപകരും വിദ്യാര്‍ത്ഥികളും രണ്ട് ഡോസ് വാക്സിനെടുത്തവരായിരിക്കണം .

മരണാനന്തര ചടങ്ങുകളിലും കല്യാണങ്ങളിലും 50 പേരെ വരെ അനുവദിക്കും. 50 പേരെ ഉള്‍പ്പെടുത്തി ശാരീരിക അകലം പാലിച്ച് നവംബര്‍ ഒന്നുമുതല്‍ ഗ്രാമസഭകളും അനുവദിക്കുന്നതാണ്.