കുളിക്കാന് ബന്ധുവീട്ടിലേക്ക് പോയ ഇരുപത്തിരണ്ടുകാരിയെ നാല് പേര് ചേര്ന്ന് കെട്ടിയിട്ട് പീഡിപ്പിക്കാന് ശ്രമിച്ചു; സംഭവത്തിൽ അന്വേഷണം ആരംഭിച്ച് പോലീസ്
കല്ലമ്പലം മുത്താനയില് കുളിക്കാന് ബന്ധുവീട്ടിലേക്ക് പോയ ഇരുപത്തിരണ്ടുകാരിയെ നാല് പേര് ചേര്ന്ന് കെട്ടിയിട്ട് പീഡിപ്പിക്കാന് ശ്രമിച്ചു. കഴിഞ്ഞ ദിവസം രാവിലെയാണ് സംഭവം.
സംഭവത്തെക്കുറിച്ച് പൊലീസ് പറയുന്നത്: കുളിക്കാനും അലക്കാനുംവേണ്ടി വീടിനടുത്തുള്ള ബന്ധുവീട്ടില് യുവതി പതിവായി പോയിരുന്നു. കഴിഞ്ഞ ദിവസം യുവതിയെത്തുമ്ബോള് ബന്ധുവീട്ടില് ആരുമുണ്ടായിരുന്നില്ല. ഈ സമയത്ത് വീട് തിരക്കി അപരിചിതനായ ഒരാള് ഇവിടെയെത്തിയിരുന്നു. ഇയാള് മടങ്ങി അല്പസമയത്തിനുള്ളില് നാലുപേരുമായെത്തി യുവതിയെ ആക്രമിക്കാന് ശ്രമിക്കുകയായിരുന്നു .
യുവതിയുടെ കയ്യും കാലും കെട്ടിയിട്ട ശേഷം വായില് ഷാള് തിരുകിയ ശേഷമായിരുന്നു പീഡനശ്രമം. എന്നാല് പിടിവലിക്കിടയില് ഭിത്തിയില് തലയിടിച്ച് യുവതിയുടെ ബോധം നഷ്ടമായതോടെ യുവാക്കള് ഓടി രക്ഷപ്പെടുകയായിരുന്നു. കുളിക്കാന് പോയ മകള് മടങ്ങിയെത്താന് വൈകിയതിനാല് അമ്മ അന്വേഷിച്ചെത്തിയപ്പോഴാണ് പരിക്കേറ്റ് രക്തം വാര്ന്ന് ബോധരഹിതയായിക്കിടക്കുന്ന മകളെ കണ്ടതെന്ന് പൊലീസ് പറഞ്ഞു.
പാരിപ്പള്ളി മെഡിക്കല് കോളജില് ചികില്സ നല്കിയ ശേഷം വിദഗ്ധ പരിശോധനക്കായി യുവതിയെ തിരുവനന്തപുരം മെഡിക്കല് കോളജിലേക്ക് മാറ്റി. സംഭവത്തില് പൊലീസ് അന്വേഷണം ആരംഭിച്ചു. യുവതിയെയും കുടുംബത്തെയും പരിചയമുള്ളവരാകാം പീഡനശ്രമത്തിന് പിന്നിലെന്നാണ് പൊലീസ് സംശയിക്കുന്നത്.
https://www.facebook.com/Malayalivartha