പൊലീസ് ഉദ്യോഗസ്ഥരുടെ അഴിമതിയും നിയമവിരുദ്ധ പ്രവര്ത്തനവും ഗൗരവത്തോടെ കാണുന്നുവെന്ന് മുഖ്യമന്ത്രി
പോലീസ് ഉദ്യോഗസ്ഥന്മാരുടെ അഴിമതിയും നിയമവിരുദ്ധ പ്രവര്ത്തനവും അതീവ ഗൗരവത്തോടെയാണ് സര്ക്കാര് കാണുന്നതെന്ന് മുഖ്യമന്ത്രി പിണറായി വിജയന്. മണ്ണുമാഫിയ, റിയല് എസ്റ്റേറ്റ് എന്നിവരുമായുള്ള അവിശുദ്ധ കൂട്ടുകെട്ട് പോലീസിന് കളങ്കം ഏല്പ്പിക്കുന്നുവെന്നും അദ്ദേഹം പറഞ്ഞു. സ്റ്റേഷന് ഹൗസ് ഓഫീസര്മാര് മുതല് ഡിജിപി വരെയുള്ള പൊലീസുദ്യോഗസ്ഥരുടെ ഓണ്ലൈന് യോഗത്തില് സംസാരിക്കുകയായിരുന്നു മുഖ്യമന്ത്രി .
തങ്ങളുടെ അധികാരപരിധി അഴിമതിരഹിതമാണെന്ന് ഉയര്ന്ന ഉദ്യോഗസ്ഥര് ഉറപ്പുവരുത്തണമെന്നു പറഞ്ഞ മുഖ്യമന്ത്രി ഹണി ട്രാപ്പ് മുതലായ ചതികളില് പോലീസ് പെടുന്നത് കളങ്കം ഏല്പ്പിക്കുന്നതായും പറഞ്ഞു. സൈബര് കുറ്റകൃത്യം തടയുന്നതിന്റെ ഭാഗമായി സൈബര് െ്രെകം ഇന്വെസ്റ്റിഗേഷന് ഡിവിഷന് രൂപീകരിക്കാന് സര്ക്കാര് പ്രതിജ്ഞാബദ്ധമാണെമന്നും അദ്ദേഹം പറഞ്ഞു.
പ്രശംസനീയമായ നിലയില് സേവനമനുഷ്ഠിക്കുന്ന സേനയുടെ യശസ്സിനെ ബാധിക്കുന്ന സംഭവങ്ങള് ഉണ്ടാകാതിരിക്കാന് ശ്രദ്ധിക്കണമെന്നും മുഖ്യമന്ത്രി പൊലീസുകാക്ക് നിര്ദേശം നല്കി. വ്യക്തിപരമായി മാനസികസമ്മര്ദ്ദം ഉണ്ടായാല് അത് പൊതുജനങ്ങളോടുള്ള ഇടപെടലില് പ്രതിഫലിക്കരുത്. സമചിത്തതയോടെയും പ്രകോപനപരമല്ലാതെയും പൊതുജനങ്ങളോട് പെരുമാറാന് കഴിയണം. കൃത്യനിര്വഹണം നിയമപരവും നടപടിക്രമങ്ങള്ക്ക് അനുസൃതവുമാണെന്ന് ഉറപ്പുവരുത്തണമെന്നും മുഖ്യമന്ത്രി പറഞ്ഞു.
പോലീസിനെ അനാവശ്യമായി കുറ്റപ്പെടുത്തുന്ന പ്രവണത പൊതുവേ കണ്ടുവരുന്നുവെന്നും പോലീസിനെ ദുര്ബലപ്പെടുത്താന് ആഗ്രഹിക്കുന്ന ഒരു വിഭാഗമാണ് ഇതിനു പിന്നിലെന്നും മുഖ്യമന്ത്രി ആരോപിച്ചു. പോലീസിനെതിരെ പരാതികള് ഉയരുമ്ബോള് ബന്ധപ്പെട്ട ജില്ലാ പോലീസ് മേധാവിമാരും സബ്ഡിവിഷന് ഓഫീസര്മാരും അക്കാര്യം പരിശോധിച്ച് ആവശ്യമെങ്കില് തിരുത്തല് നടപടികള് സ്വീകരിക്കണമെന്നും അദ്ദേഹം നിര്ദേശിച്ചു.
https://www.facebook.com/Malayalivartha