നിയമസഭാ കയ്യാങ്കളി കേസില് ഇന്ന് സുപ്രധാനവിധി ...മന്ത്രി വി ശിവന്കുട്ടിയടക്കം കേസിലെ പ്രതികള് നല്കിയ വിടുതല് ഹര്ജിയില് തിരുവനന്തപുരം ചീഫ് ജുഡീഷ്യല് മജിസ്ട്രേറ്റ് കോടതിയാണ് കോടതിയാണ് വിധി പറയുക
നിയമസഭാ കയ്യാങ്കളി കേസില് സുപ്രധാനവിധി ഇന്ന്. മന്ത്രി വി ശിവന്കുട്ടിയടക്കം കേസിലെ പ്രതികള് നല്കിയ വിടുതല് ഹര്ജിയില് തിരുവനന്തപുരം ചീഫ് ജുഡീഷ്യല് മജിസ്ട്രേറ്റ് കോടതിയാണ് കോടതിയാണ് വിധി പറയുക.
മന്ത്രി വി ശിവന്കുട്ടിക്കുപുറമേ മുന് മന്ത്രിമാരായ ഇ.പി ജയരാജന്, സികെ സദാശിവന്, കെ.ടി ജലീല്, മുന് എംഎല്എമാരായ എ.കെ അജിത്, കെ കുഞ്ഞമ്മദ് മാസ്റ്റര് എന്നിവരാണ് വിടുതല് ഹര്ജി നല്കിയത്.
പ്രതികള് പ്രഥമദൃഷ്ട്യാ കുറ്റം ചെയ്തെന്ന് സര്ക്കാര് അഭിഭാഷകന് കോടതിയെ അറിയിച്ചു. 20 പേര് സ്പീക്കറുടെ ഡയസില് കയറിയപ്പോള് ആറുപേര് മാത്രം എങ്ങനെ പ്രതികളായെന്നായിരുന്നു മറുവാദം.
സ്പീക്കറുടെ ഇരിപ്പിടത്തില് കയറിയ തോമസ് ഐസക്കിനെയും സുനില്കുമാറിനെയും ബി സത്യനെയും എന്തുകൊണ്ട് പ്രതികളാക്കിയില്ലെന്നായിരുന്നു ചോദ്യം ഉയര്ന്നത്. പ്രചരിപ്പിക്കുന്നത് കെട്ടിച്ചമച്ച ദൃശ്യങ്ങളാണെന്നും 21 മന്ത്രിമാര് ഉള്പ്പടെ 140 ജനപ്രതിനിധികള് ഉണ്ടായിട്ടും പൊലീസുകാരെയാണ് സാക്ഷികളാക്കിയത്.
വാച്ച് ആന്റ് വാര്ഡിനെ പ്രതിരോധിക്കുക മാത്രമാണ് ചെയ്തെന്നും പ്രതിഭാഗം വാദിച്ചു. ബാറുകള് തുറക്കാന് ധനമന്ത്രിയായിരുന്ന കെ.എം മാണി ബാര് ഉടമകളില് നിന്നും ഒരു കോടി രൂപ കോഴ വാങ്ങിയെന്ന ആരോപണത്തെ തുടര്ന്നാണ് ബജറ്റ് അവതരണം തടസപ്പെടുത്താന് പ്രതിപക്ഷം ശ്രമിച്ചത്.
"
https://www.facebook.com/Malayalivartha
