എല്ലാ സ്കൂളുകളിലും കോവിഡ് പ്രോട്ടോക്കോള് പാലിച്ചുകൊണ്ട് ഉച്ചഭക്ഷണ വിതരണത്തിനുള്ള സംവിധാനം ... ശനിയാഴ്ച ദിവസങ്ങളിലും ക്ലാസ്... സ്കൂളുകള് തുറക്കുന്നത് സംബന്ധിച്ച് കൂടുതല് വിശദാശംങ്ങള് വ്യക്തമാക്കി വിദ്യാഭ്യാസ മന്ത്രി
സ്കൂളുകളില് കുട്ടികള്ക്ക് ഉച്ചഭക്ഷണം നല്കും... ശനിയാഴ്ച ദിവസങ്ങളിലും ക്ലാസ്... സ്കൂളുകള് തുറക്കുന്നത് സംബന്ധിച്ച് കൂടുതല് വിശദാശംങ്ങള് വ്യക്തമാക്കി വിദ്യാഭ്യാസ മന്ത്രി . നിയമസഭയില് ചോദ്യത്തിന് മറുപടിയായാണ് അദ്ദേഹം ഇക്കാര്യങ്ങള് വ്യക്തമാക്കിയത്.
സ്കൂള് തുറക്കുന്നതുമായി ബന്ധപ്പെട്ട മാര്ഗരേഖ തയ്യാറാക്കിക്കഴിഞ്ഞതായും അത് മുഖ്യമന്ത്രിക്ക് കൈമാറിയതായും അദ്ദേഹം പറഞ്ഞു. ഇന്ന് മുഖ്യമന്ത്രി അത് പുറത്തിറക്കും.
സ്കൂള് തുറക്കുമ്പോള് വിദ്യാര്ഥികള്ക്ക് ഉച്ചഭക്ഷണം നല്കണമെന്നതാണ് സര്ക്കാരിന്റെ നയം. അതിനായി എല്ലാ സ്കൂളുകളിലും കോവിഡ് പ്രോട്ടോക്കോള് പാലിച്ചുകൊണ്ട് ഉച്ചഭക്ഷണ വിതരണത്തിനുള്ള സംവിധാനം ഉണ്ടാക്കും.
അതത് സ്കൂളുകളിലെ പിടിഎയുടെയും സന്നദ്ധ സംഘടനകളുടെയും നാട്ടുകാരുടെയും സഹകരണത്തോടെയായിരിക്കും ഉച്ചഭക്ഷണ വിതരണം നടപ്പാക്കുക. ശനിയാഴ്ച അടക്കമുള്ള ദിവസങ്ങള് സ്കൂളുകള്ക്ക് പ്രവൃത്തിദിവസമായിരിക്കും. ഉച്ചവരെയാണ് ക്ലാസ് ഉണ്ടായിരിക്കുക.
എല്പി സ്കൂളില് ഒരു ബെഞ്ചില് രണ്ട് കുട്ടികള് എന്ന തോതിലായിരിക്കും വിദ്യാര്ഥികളെ ഇരിക്കാന് അനുവദിക്കുക. സ്കൂളുകള് കേന്ദ്രീകരിച്ച് ഹെല്പ് ഡെസ്കുകള് തുറക്കും.
സ്കൂളുകള് തുറക്കാതെ കിടക്കുന്ന സാഹചര്യത്തില് സ്കൂളുകള്ക്ക് ഫിറ്റ്നസ് സര്ട്ടിഫിക്കറ്റുകള് നല്കാനുള്ള നടപടിക്രമങ്ങള് പുരോഗമിക്കുകയാണ്.
"
https://www.facebook.com/Malayalivartha
