കോവിഡ് മഹാമാരി ലോകത്തിന് മേൽ പതിച്ചത് ശാരീരിക ബുദ്ധിമുട്ടുകൾ സൃഷ്ടിച്ചുകൊണ്ടു മാത്രമല്ല, മനുഷ്യന്റെ മാനസിക വ്യാപാരങ്ങളിൽ കൂടി ചില അസ്വസ്ഥതകൾ അത് വരുത്തി. പ്രത്യേകിച്ച് നമ്മൾ കടന്നു പോയ അടച്ചിടൽ കാലം .ആ അടച്ചിടൽ കാലം തീർത്ത വീർപ്പുമുട്ടിക്കലുകൾ, സാമ്പത്തിക പ്രതിസന്ധികൾ ......

അസാമാന്യ മനക്കരുത്തോടെ ഇതിനെയെല്ലാം കുറുകെ കടന്ന കുറച്ചുപേരെ അറിയാം. എന്നാൽ ഈ പ്രതിസന്ധി കാലത്തു വീണുപോയ അതിലധികം പേരുമുണ്ട്.ലോക മാനസികാരോഗ്യ ദിനത്തിൽ കുറിപ്പുമായി ഐ ബി സതീഷ് എം എൽ എ .

കുറിപ്പിന്റെ പൂർണ്ണ രൂപം ഇങ്ങനെ; ഇന്ന് ലോക മാനസികാരോഗ്യ ദിനം. കോവിഡ് മഹാമാരി ലോകത്തിന് മേൽ പതിച്ചത് ശാരീരിക ബുദ്ധിമുട്ടുകൾ സൃഷ്ടിച്ചുകൊണ്ടു മാത്രമല്ല, മനുഷ്യന്റെ മാനസിക വ്യാപാരങ്ങളിൽ കൂടി ചില അസ്വസ്ഥതകൾ അത് വരുത്തി.

പ്രത്യേകിച്ച് നമ്മൾ കടന്നു പോയ അടച്ചിടൽ കാലം .ആ അടച്ചിടൽ കാലം തീർത്ത വീർപ്പുമുട്ടിക്കലുകൾ, സാമ്പത്തിക പ്രതിസന്ധികൾ ......അസാമാന്യ മനക്കരുത്തോടെ ഇതിനെയെല്ലാം കുറുകെ കടന്ന കുറച്ചുപേരെ അറിയാം. എന്നാൽ ഈ പ്രതിസന്ധി കാലത്തു വീണുപോയ അതിലധികം പേരുമുണ്ട്.

ഇന്ന് സമൂഹത്തെ വരിഞ്ഞുമുറുക്കുന്ന ഒന്നാണ് ഡിപ്രഷൻ എന്ന അവസ്ഥ. പെട്ടെന്ന് ക്ഷുഭിതരാകുന്നവർ, പൂർവ്വ കാലത്തെ മോശം ഓർമകളിലും, പ്രവൃത്തികളിലും കുടുങ്ങിക്കിടക്കുന്നവർ ....

തൊഴിലിടങ്ങളിലെയും എന്തിനേറെ വീടിനുള്ളിലെ പോലും ചെറിയൊരു ശാസനയിൽ മനസ് കലങ്ങിമറിയുന്നവർ .....തുറന്ന് പറയട്ടെ.....ഇതൊരിക്കലും ഭ്രാന്ത് അല്ല...ഒരൽപകാലത്തേക്ക് ബാധിക്കുന്ന ചെറിയൊരു മാനസിക പിരിമുറുക്കം .....ശരീരത്തിന് പനി വരുന്ന പോലെ മനസിന് വരുന്നൊരു പനി ..... അത്രയേയുള്ളു....തെളിമയാർന്ന ചിന്തകൾ....ഇച്ഛാശക്തി....കുടുംബാംഗങ്ങളുടെ പിന്തുണ....സുഹൃത്തുക്കളുടെ സാമീപ്യം .....ഇതൊക്കെകൊണ്ട് പരിഹരിക്കുവാൻ ശ്രമിക്കാവുന്നതേയുള്ളു ....

കഴിഞ്ഞില്ലെങ്കിൽ തീർച്ചയും ഒരു വിദഗ്ദന്റെ സേവനം തേടണം....ഒരിക്കൽ ഈ ചുഴിയിൽ വീണ് തിരുച്ചുവന്നവരോടുള്ള സമൂഹത്തിന്റെ സമീപനവും പരിശോധനക്ക് വിധേയമാകേണ്ടതുണ്ട്. അവർ എന്തു പറഞ്ഞാലും, എന്തു പ്രവർത്തിച്ചാലും "പഴയ ..... കേസാണ് " എന്ന ഭാവം നോട്ടം കൊണ്ടോ, ശരീരഭാഷ കൊണ്ടോ പ്രകടിപ്പിക്കുന്നവർ സമൂഹത്തിൽ, വീട്ടകങ്ങളിൽ അവരുടെ സമാധാനപൂർണ്ണമായ ജീവിതത്തിന് തടസ്സം നിൽക്കുന്നവരാവുകയാണ്.

പലപല ആശയസരണികൾ കൊണ്ട് കലങ്ങിമറിഞ്ഞിരിക്കുന്ന ഇന്നത്തെ ഈ ലോകഘടനയിൽ നേരിന്റെ പാത തിരഞ്ഞെടുക്കുവാനും, നന്മയെ മുറുകെ പിടിക്കുവാനുമുള്ള കൃത്യതയാർന്ന തെരഞ്ഞെടുപ്പുകൾ സാധ്യമാംവണ്ണം പൂർണ്ണ സജ്ജമായ ആരോഗ്യ പൂർണ്ണമായൊരു മനസ് എല്ലാവരിലുമുണ്ടാകട്ടെ..... അതിനുള്ള ബോധപൂർവ്വമായ ചില ഇടപെടലുകളിൽ ഏർപ്പെടാം .....ശുഭദിനം
ഐ.ബി സതീഷ്