കാറും ബൈക്കും കൂട്ടിയിടിച്ച് മെഡിക്കല് വിദ്യാര്ഥി മരിച്ചു; കാറില്നിന്ന് മദ്യക്കുപ്പികളും ഗ്ലാസും കണ്ടെത്തിയതായി പൊലീസ്
കഴക്കൂട്ടം വെഞ്ഞാറമൂട് ബൈപ്പാസില് ചന്തവിള കിന്ഫ്ര വിഡിയോ പാര്ക്കിന് സമീപം ഇന്നോവയും ബൈക്കും കൂട്ടിയിടിച്ച് മെഡിക്കല് വിദ്യാര്ഥി മരിച്ചു. കോതമംഗലം ചെറുവാറ്റൂര് ചിറയ്ക്കല് ഹൗസില് നെടുമ്ബാശ്ശേരി എയര്പോര്ട്ടില് എയര് ഇന്ത്യ എന്ജിനീയറിങ്ങില് മാനേജറായ എന്. ഹരിയുടെയും അധ്യാപികയായ ലുലു കെ. മേനോന്റെയും മകന് നിതിന് സി ഹരി (21) ആണ് മരിച്ചത്.
ബൈക്കോടിച്ച സുഹൃത്തും സഹപാഠിയുമായ കൊല്ലം കൊട്ടാരക്കര സ്വദേശി പി എസ് വിഷ്ണുവിനെ (22) ഗുരുതര പരിക്കുകളോടെ തിരുവനന്തപുരത്തെ സ്വകാര്യ ആശുപത്രിയില് പ്രവേശിപ്പിച്ചു. ഞായറാഴ്ച പുലര്ച്ച നാലിനായിരുന്നു അപകടം.
കഴക്കൂട്ടം ഭാഗത്തുനിന്ന് അമിത വേഗതയിലെത്തിയ ഇന്നോവ കാര് വെഞ്ഞാറമൂട് ഭാഗത്തുനിന്ന് തിരുവനന്തപുരത്തേക്ക് വന്ന ബൈക്കിനെ ഇടിച്ചു തെറിപ്പിക്കുകയായിരുന്നു. അപകടത്തില് ഗുരുതര പരിക്കേറ്റ നിതിന് ഹരിയെ മെഡിക്കല് കോളജ് ആശുപത്രിയിലെത്തിച്ചെങ്കിലും രക്ഷിക്കാനായില്ല. വെഞ്ഞാറമൂട് ശ്രീഗോകുലം മെഡിക്കല് കോളജിലെ മൂന്നാം വര്ഷ എം ബി ബി എസ് വിദ്യാര്ഥികളാണ് ഇരുവരും. നാട്ടിലേക്ക് പോകുന്ന നിതിനെ ബൈക്കില് തമ്ബാനൂര് റെയില്വേ സ്റ്റേഷനില് കൊണ്ടുവിടാന് പോകുമ്ബോഴാണ് അപകടം. ആറ്റിങ്ങല് രജിസ്ട്രേഷനിലുള്ള ഇന്നോവ കാറിലുണ്ടായിരുന്ന നാലുപേര്ക്ക് നിസ്സാര പരിക്കേറ്റു. ഇവര് മദ്യപിച്ചിരുന്നതായും കാറില്നിന്ന് മദ്യക്കുപ്പികളും ഗ്ലാസും കണ്ടെത്തിയതായും പൊലീസ് അറിയിച്ചു. കാര് കസ്റ്റഡിയിലെടുത്തു. മെഡിക്കല് കോളജ് ആശുപതിയില് പോസ്റ്റുമോര്ട്ടത്തിനുശേഷം മൃതദേഹം കോതമംഗലത്തെ വീട്ടിലേക്ക് കൊണ്ടുപോയി. കാലടി എന്ജിനീയറിങ് കോളജിലെ രണ്ടാം വര്ഷ ബി.ടെക് വിദ്യാര്ത്ഥി നവീന്. സി ഹരി സഹോദരനാണ്.
https://www.facebook.com/Malayalivartha