ശബരിമല തീര്ഥാടകര്ക്കും ജീവനക്കാര്ക്കും സുരക്ഷ ഉറപ്പ് വരുത്തുന്നതോടൊപ്പം കോവിഡും മറ്റ് പകര്ച്ചവ്യാധികളുടെ നിയന്ത്രണത്തിനും പ്രതിരോധത്തിനും പ്രാധാന്യം ..... ശബരിമലയില് തീര്ഥാടനത്തോടനുബന്ധിച്ച് മികച്ച ആരോഗ്യ സേവനങ്ങള് ലഭ്യമാക്കുന്നതിന് ആരോഗ്യ വകുപ്പ് ആക്ഷന് പ്ലാന് തയ്യാറാക്കി , സുരക്ഷിതമായ ശബരിമല മകരവിളക്ക് മഹോത്സവം നടത്തുന്നതിനുള്ള ആക്ഷന് പ്ലാനാണ് തയ്യാറാക്കിയിരിക്കുന്നതെന്നും ആരോഗ്യമന്ത്രി
ശബരിമല തീര്ഥാടകര്ക്കും ജീവനക്കാര്ക്കും സുരക്ഷ ഉറപ്പ് വരുത്തുന്നതോടൊപ്പം കോവിഡും മറ്റ് പകര്ച്ചവ്യാധികളുടെ നിയന്ത്രണത്തിനും പ്രതിരോധത്തിനും പ്രാധാന്യം ..... ശബരിമലയില് തീര്ഥാടനത്തോടനുബന്ധിച്ച് മികച്ച ആരോഗ്യ സേവനങ്ങള് ലഭ്യമാക്കുന്നതിന് ആരോഗ്യ വകുപ്പ് ആക്ഷന് പ്ലാന് തയ്യാറാക്കി , സുരക്ഷിതമായ ശബരിമല മകരവിളക്ക് മഹോത്സവം നടത്തുന്നതിനുള്ള ആക്ഷന് പ്ലാനാണ് തയ്യാറാക്കിയിരിക്കുന്നതെന്നും ആരോഗ്യമന്ത്രി.
എല്ലാ തീര്ത്ഥാടകരും ജീവനക്കാരും രണ്ട് ഡോസ് വാക്സിന് എടുത്ത സര്ട്ടിഫിക്കറ്റും 72 മണിക്കൂറിനകം എടുത്ത ആര്ടിപിസിആര് സര്ട്ടിഫിക്കറ്റും കരുതേണ്ടതാണ്. മറ്റ് അനുബന്ധ രോഗമുള്ളവര്ക്കും കോവിഡ് വന്ന് 3 മാസത്തിനുള്ളില് ആയിട്ടുള്ളവര്ക്കും ഹൃദയസംബന്ധമായ പ്രശ്നങ്ങള് ഉണ്ടാകാന് സാധ്യതയുള്ളതുകൊണ്ട് കഴിവതും ശബരിമല ദര്ശനം ഒഴിവാക്കണമെന്ന് ആരോഗ്യവകുപ്പ്.
പമ്പ മുതല് സന്നിധാനം വരെയുളള കാല്നട യാത്രയില് തീര്ഥാടകര്ക്ക് അമിതമായ നെഞ്ചിടിപ്പ്, ശ്വാസംമുട്ടല്, നെഞ്ചുവേദന തുടങ്ങിയ ആരോഗ്യ പ്രശ്നങ്ങളോ ചിലപ്പോള് ഹൃദയാഘാതം വരെയോ ഉണ്ടാകാന് സാധ്യതയേറെയാണ്. ഇത്തരം പ്രശ്നങ്ങള് ഫലപ്രദമായി നേരിടാന് ആരോഗ്യവകുപ്പ് ഈ വഴികളില് അടിയന്തര ചികിത്സാ കേന്ദ്രങ്ങള് ഏര്പ്പെടുത്തും.
എമര്ജന്സി മെഡിക്കല് സെന്ററുകള്, ഓക്സിജന് പാര്ലറുകള് എന്നിവ പമ്പ മുതല് സന്നിധാനം വരെയുള്ള യാത്രക്കിടയില് 5 സ്ഥലങ്ങളിലായി സ്ഥാപിക്കുന്നതാണ്.
തളര്ച്ച അനുഭവപ്പെടുന്ന തീര്ഥാടകര്ക്ക് വിശ്രമിക്കുവാനും ഓക്സിജന് ശ്വസിക്കുവാനും പ്രഥമശുശ്രൂഷയ്ക്കും രക്തസമ്മര്ദം നോക്കുവാനുമുള്ള സംവിധാനം സജ്ജമായിരിക്കും. ഹൃദയാഘാതം വരുന്ന തീര്ഥാടകര്ക്കായി ഓട്ടോമേറ്റഡ് എക്സറ്റേണല് ഡിബ്രിഫ്രിലേറ്റര് ഉള്പ്പെടെ പരിശീലനം ലഭിച്ച സ്റ്റാഫ് നഴ്സുമാര് 24 മണിക്കൂറും ഈ കേന്ദ്രങ്ങളില് ലഭ്യമാകുന്നതാണ്.
സന്നിധാനം, പമ്പ, നിലയ്ക്കല്, ചരല്മേട് (അയ്യപ്പന് റോഡ്), എരുമേലി, എന്നീ സ്ഥലങ്ങളില് വിദഗ്ധ സംവിധാനങ്ങളോടു കൂടിയ ഡിസ്പെന്സറികള് പ്രവര്ത്തിക്കുന്നതാണ്. സന്നിധാനത്ത് ഒരു അടിയന്തര ഓപ്പറേഷന് തീയേറ്ററും ഉണ്ടാകും. മാത്രവുമല്ല പത്തനംതിട്ട ജനറല് ആശുപത്രിയിലും എരുമേലി സി.എച്ച്.സി.യിലും കാഞ്ഞിരപ്പള്ളി താലൂക്ക് ഹെഡ്ക്വാര്ട്ടേഴ്സിലും സൗകര്യങ്ങളൊരുക്കുന്നതാണ്.
തീര്ഥാടകര്ക്ക് പ്രത്യേക ചികിത്സ ഉറപ്പാക്കാന് സ്റ്റേറ്റ് ഹെല്ത്ത് ഏജന്സി കോട്ടയം, പത്തനംതിട്ട ജില്ലകളിലായി സര്ക്കാര്, സ്വകാര്യ ആശുപത്രികളെ എംപാനല് ചെയ്തിട്ടുണ്ട്. കാസ്പ് കാര്ഡുള്ള തീര്ഥാടകര്ക്ക് എംപാനല് ചെയ്ത സര്ക്കാര്, സ്വകാര്യ ആശുപത്രികളില് നിന്നും സൗജന്യ ചികിത്സ ലഭ്യമാണ്. കാര്ഡില്ലാത്തവര്ക്ക് സര്ക്കാര് ആശുപത്രികളില് ചികിത്സ തേടാവുന്നതാണ്.
ആരോഗ്യവകുപ്പ് ഡയറക്ടര്ക്കാണ് ശബരിമലയിലെ എല്ലാ പ്രവര്ത്തനങ്ങളുടേയും സംസ്ഥാനതല മേല്നോട്ടം. കൂടാതെ ആരോഗ്യവകുപ്പ് അഡീഷണല് ഡയറക്ടര്, നോഡല് ഓഫീസര്, ഒരു അസി. നോഡല് ഓഫീസര് തുടങ്ങിയവര് അവിടെ നടത്തുന്ന പ്രവര്ത്തനങ്ങള്ക്ക് നേതൃത്വം നല്കും. പത്തനംതിട്ട ജില്ലയിലെ മെഡിക്കല് ഓഫീസര് ജില്ലയുടെ ചുമതലയുള്ള നോഡല് ഓഫീസര്മാരായി പ്രവര്ത്തിക്കുന്നതാണ്.
https://www.facebook.com/Malayalivartha
