ഒന്നര വര്ഷത്തെ ഇടവേളയ്ക്കുശേഷം സ്കൂളുകള് നാളെ തുറക്കും...... പ്രവേശനോത്സവത്തോടെ ഒന്നു മുതല് ഏഴുവരെയും പത്തും പന്ത്രണ്ടും ക്ളാസുകളുമാണ് തുടങ്ങുന്നത്, എട്ട്, ഒന്പത് ക്ളാസുകള് നവംബര് 15ന് തുടങ്ങും, സംസ്ഥാനതല പ്രവേശനോത്സവം കോട്ടണ്ഹില് സ്കൂളില്
ഒന്നര വര്ഷത്തെ ഇടവേളയ്ക്കുശേഷം സ്കൂളുകള് നാളെ തുറക്കും...... പ്രവേശനോത്സവത്തോടെ ഒന്നു മുതല് ഏഴുവരെയും പത്തും പന്ത്രണ്ടും ക്ളാസുകളുമാണ് തുടങ്ങുന്നത്, എട്ട്, ഒന്പത് ക്ളാസുകള് നവംബര് 15ന് തുടങ്ങും, സംസ്ഥാനതല പ്രവേശനോത്സവം കോട്ടണ്ഹില് സ്കൂളില് നടക്കും.
പ്ളസ് വണ്ണിന്റെ പ്രവേശന നടപടികള് പൂര്ത്തിയാകുന്ന മുറയ്ക്ക് ക്ളാസ് ആരംഭിക്കും. കുട്ടികളെ എതിരേല്ക്കാന് സ്കൂളുകള് ശുചീകരിച്ച്, വര്ണങ്ങള് ചാര്ത്തി ഒരുക്കിയിട്ടുണ്ട്. ആദ്യത്തെ ഒരാഴ്ച രാവിലെ 10 മുതല് 12 വരെയാണ് ക്ളാസ്.
ഓരോ ഡിവിഷനും രണ്ടായി തിരിച്ച് മൂന്ന് ദിവസം വീതം പഠനം നടക്കുക. യൂണിഫോം വേണ്ട. അസംബ്ളിയുമില്ല, ഹാജരും നിര്ബന്ധമല്ല. കുട്ടികളുടെ ഊഷ്മാവ് തെര്മല് സ്കാനര് വച്ച് പരിശോധിച്ചാണ് സ്കൂളിലേക്ക് കടത്തിവിടുന്നത്.
രക്ഷിതാക്കള്ക്ക് സ്കൂള് ഗേറ്റ് വരെ മാത്രമേ പ്രവേശനമുള്ളൂ. രണ്ട് ഡോസ് വാക്സിനെടുത്ത അദ്ധ്യാപകരാണ് പഠിപ്പിക്കാനെത്തുക. എന്നാല് , രണ്ടു ഡോസ് വാക്സിനെടുക്കാത്ത 2282 അദ്ധ്യാപകരും 327 അനദ്ധ്യാപകരുമുണ്ട്. അവര് സ്കൂളില് വരേണ്ട. അസുഖമോ ലക്ഷണമോ ഉള്ള കുട്ടികളും സ്കൂളില് വരേണ്ടതില്ല. വീട്ടിലിരുന്ന് ഓണ്ലൈന് വഴി പഠനം നടത്തിയാല് മതി.
അദ്ധ്യാപകര് കുട്ടികളോട് സ്നേഹത്തോടെ പെരുമാറി പുതിയൊരു അന്തരീക്ഷം ഉണ്ടാക്കണമെന്നാണ് നിര്ദ്ദേശം. ആദ്യത്തെ ഒരാഴ്ച തമാശകളും ചിരിയുമായി കുട്ടികളുടെ മാനസികാവസ്ഥ മാറ്റിയെടുക്കുന്ന രീതിയിലാണ് ക്ളാസുകള് നടത്തുക. എന്തെങ്കിലും ബുദ്ധിമുട്ടുണ്ടായാല് കുട്ടികള് അദ്ധ്യാപകരെ ഉടനെ അറിയിക്കണം. അപ്പോള് തന്നെ ഡോക്ടറെ വരുത്തി പരിശോധിപ്പിക്കും.
"
https://www.facebook.com/Malayalivartha
