ഗാര്ഹികപീഡനത്തിന് കേസ് നല്കിയ യുവതിയെ വഴിയില് തടഞ്ഞു നിര്ത്തി കുത്തിക്കൊലപ്പെടുത്താന് ശ്രമിച്ച ഭര്ത്താവ് അറസ്റ്റില്
ഗാര്ഹികപീഡനത്തിന് കേസ് നല്കിയ യുവതിയെ വഴിയില് തടഞ്ഞു നിര്ത്തി കുത്തിക്കൊലപ്പെടുത്താന് ശ്രമിച്ച ഭര്ത്താവ് പോലീസ് പിടിയിലായി. മാലാക്കായലിനുസമീപമാണ് യുവതിയെ കുത്തിക്കൊലപ്പെടുത്താന് ശ്രമിച്ചത്.
കുറുമണ്ടല് ബി.എം.എസ്.ഭവനില് വിജയകുമാറിനെ(42)യാണ് ഇന്സ്പെക്ടര് എ.നിസാറിന്റെ നേതൃത്വത്തില് പിടികൂടിയത്. മാലാക്കായല് എം.എസ്.ഭവനില് ഷീബയെയാണ് കൊലപ്പെടുത്താന് ശ്രമിച്ചത്. ബുധനാഴ്ച രാവിലെയായിരുന്നു സംഭവം നടന്നത്.
ഗാര്ഹികപീഡനത്തിന് കേസ് നല്കിയതിന്റെ വൈരാഗ്യത്തിലാണ് ആക്രമണം നടത്തിയത്. ഷീബ ചാത്തന്നൂരില് ജോലിക്കായി സ്കൂട്ടറില് പോകുമ്പോള് തടഞ്ഞുനിര്ത്തിയാണ് നെഞ്ചില് കുത്തിയത്.
തടഞ്ഞതിനാല് ഇടതുകൈക്ക് ഗുരുതര പരിക്കേറ്റു. ഷീബയുടെ ബന്ധു അവിടെ എത്തിയതിനാലാണ് രക്ഷപ്പെടാനായത്. ഇയാള്ക്കും പരിക്കേറ്റു. സംഭവത്തിനുശേഷം വിജയകുമാര് ഒളിവില് പോയെങ്കിലും പോലീസ് കണ്ടെത്തി.
"
https://www.facebook.com/Malayalivartha
