ഒരു വർഷത്തോളം നീണ്ടുനിന്ന കർഷകരുടെ സമരം രാജ്യം മുഴുവൻ കണ്ടതാണ്. വിവാദമായ മൂന്ന് ഉത്തരവുകൾ പിൻവലിച്ചു കൊണ്ട് കഴിഞ്ഞ ദിവസം പ്രധാനമന്ത്രി ചിരിയിലൂടെ പ്രഖ്യാപനം നടത്തുകയും ചെയ്തു. എന്നാൽ ഇതിനു പിന്നാലെ കർഷകരുടെ അഭിപ്രായം എന്തായിരിക്കും ഈ വിഷയത്തിൽ എന്ന രാജ്യം മുഴുവൻ ഉറ്റു നോക്കി.ഇപ്പോൾ ഇതാ കർഷകരുടെ പ്രതികരണം വളരെയധികം പ്രാധാന്യമുള്ളതാണ്.

ഇവിടെ രാജവാഴ്ചയല്ല, ടിവിയിലൂടെ പ്രഖ്യാപിച്ചാല്‍ കര്‍ഷകര്‍ വീട്ടിലേക്ക് മടങ്ങില്ല എന്ന നിലപാടാണ് ഭാരതീയ കിസൻ യൂണിയൻ നേതാവ് രാകേഷ് ടിക്കായത്ത് സ്വീകരിച്ചിരുക്കുന്നത്. കാർഷിക നിയമങ്ങൾ പിൻവലിക്കുകയാണെന്ന് പ്രധാനമന്ത്രി പ്രഖ്യാപിച്ചത് കൊണ്ട് മാത്രം കർഷകർ സമരത്തിൽ നിന്ന് പിൻവാങ്ങില്ല.

സർക്കാരിന് കർഷകരോട് സംസാരിക്കേണ്ടി വരുമെന്നാണ് ' രാകേഷ് ടിക്കായത്ത് പറഞ്ഞിരിക്കുന്നത്. സമരം അടിയന്തരമായി പിൻവലിക്കാൻ ഉദ്ദേശിക്കുന്നില്ല. വിവാദ നിയമങ്ങൾ പാർലമെന്റ് റദ്ദാക്കുന്നത് വരെ കാത്തിരിക്കാനാണ് കർഷകർ തീരുമാനിച്ചിരിക്കുന്നതെന്നും അദ്ദേഹം നിലപാട് അറിയിച്ചിരുന്നു.. താങ്ങുവില അടക്കമുള്ള വിഷയങ്ങൾ സംബന്ധിച്ച് സർക്കാർ കർഷകരുമായി ചർച്ച നടത്തണമെന്നും ടിക്കായത്ത് പറയുകയുണ്ടായി.

കാർഷിക നിയമങ്ങൾ നിയമങ്ങൾ പിൻവലിക്കുമെന്ന പ്രധാനമന്ത്രിയുടെ പ്രഖ്യാപനം വന്നതോടെ ഈ വിഷയത്തിൽ ഒരു ചർച്ച കൂടാൻ തയ്യാറെടുക്കുകയാണ് കർഷക സംഘടനകൾ. പിന്നാലെ പഞ്ചാബിൽ നിന്നുള്ള 32 കർഷക സംഘടനകൾ നാളെ യോഗം ചേരുവാൻ ഒരുങ്ങുകയാണ് . സമരത്തിന്റെ ഭാവിയും താങ്ങുവില സംബന്ധിച്ച ആവശ്യങ്ങളും ചർച്ച ചെയ്യുമെന്നും അറിയിച്ചിട്ടുണ്ട് .

ഈ ചർച്ചയിൽ എടുക്കുന്ന തീരുമാനം വളരെയധികം നിർണായകമായി മാറും. മൂന്ന് കാർഷിക നിയമങ്ങൾ പിൻവലിക്കാനുള്ള പ്രധാനമന്ത്രി നരേന്ദ്ര മോദിയുടെ തീരുമാനത്തിൽ രാഷ്ട്രീയ നേതാക്കന്മാരുടെ സമ്മിശ്ര പ്രതികരണത്തിലാണ്. ബിജെപിയിലെ പലരും ഈ ഒരു തീരുമാനത്തെ എതിർത്തപ്പോൾ സ്വാഗതം ചെയ്ത് ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. പരമാവധി ശ്രമിച്ചിട്ടും കർഷകരെ നിയമം സംബന്ധിച്ച് ബോധ്യപ്പെടുത്താനായില്ലെന്നതിൽ ഖേദമുണ്ടെന്നും യോഗി പറഞ്ഞു.

'സർക്കാർ എല്ലാ തലത്തിലും കർഷകരുമായി സംവദിക്കാൻ ശ്രമിച്ചു . ഞങ്ങളുടെ ഭാഗത്തെ ചില പോരായ്മകൾ കാരണം, ജനങ്ങളോട് വിശദീകരിക്കുന്നതിൽ ഞങ്ങൾ പരാജയപ്പെട്ടുവെന്നും ' ട്വിറ്ററിൽ പോസ്റ്റ് ചെയ്ത വീഡിയോ സന്ദേശത്തിൽ യോഗി വ്യക്തമാക്കി. കാർഷിക നിയമങ്ങൾ പിൻവലിച്ചത് ചരിത്രപരമായ നടപടിയാണെന്ന് വിശേഷിപ്പിച്ച യോഗി ആദിത്യനാഥ് തീരുമാനത്തിൽ പ്രധാനമന്ത്രിയെ അഭിനന്ദിക്കുകയും ചെയ്തു .