മോഫിയയുടെ ആത്മഹത്യ; സര്ക്കാര് പ്രഖ്യാപിച്ച ക്രൈംബ്രാഞ്ച് അന്വേഷണം പ്രഹസനം; ആരോപണവിധേയനായ സിഐയെ പൊലീസ് ആസ്ഥാനത്ത് കുടിയിരുത്തിയപ്പോള് തന്നെ സര്ക്കാരിന്റെ ഉദ്ദേശ്യശുദ്ധി വ്യക്തമായെന്ന് കെപിസിസി പ്രസിഡന്റ് കെ സുധാകരന്
സ്ത്രീ സുരക്ഷ പറഞ്ഞ് അധികാരത്തിലേറിയ പിണറായി സര്ക്കാരിന് കീഴില് സ്ത്രീകളുടെ നിലവിളിയാണ് ഉയരുന്നതെന്ന് കെപിസിസി പ്രസിഡന്റ് കെ സുധാകരന് എംപി. മോഫിയ പര്വീന് ആത്മഹത്യ ചെയ്ത സംഭവത്തില് സര്ക്കാര് പ്രഖ്യാപിച്ച ക്രൈംബ്രാഞ്ച് അന്വേഷണം പ്രഹസനമാണെന്നും ആരോപണവിധേയനായ സിഐയെ പൊലീസ് ആസ്ഥാനത്ത് കുടിയിരുത്തിയപ്പോള് തന്നെ സര്ക്കാരിന്റെ ഉദ്ദേശ്യശുദ്ധി വ്യക്തമായെന്നും അദ്ദേഹം കുറ്റപ്പെടുത്തി.
സര്ക്കാര് തെറ്റുതിരുത്തിയില്ലെങ്കില് കേരളം സമരഭൂമികയായി മാറുമെന്നു സുധാകരന് പറഞ്ഞു. സ്ത്രീകള്ക്കെതിരേ വാളയാര് മുതല് ആലുവ വരെ നീളുന്ന അതിക്രമങ്ങളുടെ പരമ്ബരയാണ് കേരളം കണ്ടുകൊണ്ടിരിക്കുന്നത്, അദ്ദേഹം ആരോപിച്ചു.
സ്ത്രീകള്ക്കെതിരായ അതിക്രമങ്ങളില് പ്രതിഷേധിച്ച് കെപിസിസി ആഹ്വാനം ചെയ്ത വനിതകളുടെ രാത്രി നടത്തം പരിപാടി സംസ്ഥാനതല ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. കെപിസിസി ഓഫീസിനു മുന്നില് നിന്നാരംഭിച്ച് മ്യൂസിയത്തിനടുത്ത് കെ. കരുണാകരന്റെ പ്രതിമയ്ക്കു മുന്നില് രാത്രി നടത്തം സമാപിച്ചു.
https://www.facebook.com/Malayalivartha
