മലയാളികള്ക്ക് നിരവധി പാട്ടുകള് സമ്മാനിച്ച ഗാനരചയിതാവ് ബിച്ചു തിരുമല അന്തരിച്ചു.... തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം, ഹൃദയാഘാതത്തെ തുടര്ന്ന് ചികിത്സയിലായിരുന്നു, അഞ്ച് പതിറ്റാണ്ടോളം മലയാള ചലച്ചിത്ര രംഗത്ത് സജീവ സാന്നിധ്യമായിരുന്ന ബിച്ചു തിരുമല എന്ന ബി. ശിവശങ്കരന് നായരാണ് സംഗീത ലോകത്തോട് വിടപറഞ്ഞത്
മലയാളികള്ക്ക് നിരവധി പാട്ടുകള് സമ്മാനിച്ച ഗാനരചയിതാവ് ബിച്ചു തിരുമല (80) അന്തരിച്ചു. തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം.
ഹൃദയാഘാതത്തെ തുടര്ന്ന് ചികിത്സയിലായിരുന്നു. അഞ്ച് പതിറ്റാണ്ടോളം മലയാള ചലച്ചിത്ര രംഗത്ത് സജീവ സാന്നിധ്യമായിരുന്ന ബിച്ചു തിരുമല എന്ന ബി. ശിവശങ്കരന് നായരാണ് സംഗീത ലോകത്തോട് വിടപറഞ്ഞത്.
സിനിമാ ഗാനങ്ങളും ലളിത-ഭക്തി ഗാനങ്ങളുമായി അയ്യായിരത്തിലേറെ ഗാനങ്ങള് രചിച്ചു. 1972ല് പുറത്തിറങ്ങിയ ഭജഗോവിന്ദം സിനിമയിലൂടെയാണ് ചലച്ചിത്രഗാനരംഗത്തേയ്ക്ക് എത്തിയത്.
1981ലും 1991ലും മികച്ച ഗാനരചയിതാവിനുള്ള സംസ്ഥാന ചലചിത്ര പുരസ്കാരം നേടി. സുകുമാര് അഴീക്കോട് തത്വമസി പുരസ്കാരം, കേരള ഫിലിം ക്രിട്ടിക്സ് അസോസിയേഷന്റെ ചലച്ചിത്രരത്നം പുരസ്കാരം, സ്വാതിപി ഭാസ്കരന് ഗാനസാഹിത്യപുരസ്കാരം തുടങ്ങിയവയ്ക്കും അര്ഹനായി 1941 ഫെബ്രുവരി 13ന് സി.ജെ. ഭാസ്കരന് നായരുടെയും ശാസ്തമംഗലം പട്ടാണിക്കുന്ന് വീട്ടില് പാറുക്കുട്ടിയമ്മയുടെയും മൂത്ത മകനായാണ് ബിച്ചു തിരുമല ജനിച്ചത്.
സിനിമാഗാനങ്ങളും ഭക്തിഗാനങ്ങളുമടക്കം ഏകദേശം അയ്യായിരത്തോളം ഗാനങ്ങള് ബിച്ചു തിരുമലയുടെ തൂലികയില് പിറന്നിട്ടുണ്ട്. എഴുപതുകളിലും എണ്പതുകളിലും ശ്യാം, എ.ടി. ഉമ്മര്, രവീന്ദ്രന്, ജി. ദേവരാജന്, ഇളയരാജ എന്നീ സംഗീതസംവിധായകരുമായി ചേര്ന്ന് നിരവധി ഹിറ്റ് ഗാനങ്ങളാണ് അദ്ദേഹം മലയാളികള്ക്ക് സമ്മാനിച്ചത്.
രാകേന്ദുകിരണങ്ങള് (അവളുടെ രാവുകള്), വാകപ്പൂമരം ചൂടും (അനുഭവം), ഒരു മയില്പ്പീലിയായ് ഞാന് ജനിച്ചുവെങ്കില് (അണിയാത്ത വളകള്), വെള്ളിച്ചില്ലും വിതറി (ഇണ), മൈനാകം (തൃഷ്ണ), ശ്രുതിയില് നിന്നുയരും (തൃഷ്ണ), തേനും വയമ്പും (തേനും വയമ്പും), ഓലത്തുമ്പത്തിരുന്നൂയലാടും (പപ്പയുടെ സ്വന്തം അപ്പൂസ്), പാല്നിലാവിനും (കാബൂളിവാല) തുടങ്ങി നിരവധി ഹിറ്റ് ഗാനങ്ങളാണ് ബിച്ചു തിരുമലയുടെ തൂലികയില്നിന്നു പിറന്നത്.
പ്രമുഖ സംഗീതസംവിധായകനായ എ.ആര്. റഹ്മാന് മലയാളത്തില് ഈണം നല്കിയ യോദ്ധയിലെ ഗാനങ്ങള് എഴുതിയതും ബിച്ചു തിരുമലയാണ്.
പ്രശസ്ത ഗായികയായ സുശീലാ ദേവി, സംഗീതസംവിധായകന് ദര്ശന് രാമന് എന്നിവരാണ് സഹോദരങ്ങള്. പ്രസന്നകുമാരിയാണ് ഭാര്യ. മകന് സുമന് ശങ്കര് ബിച്ചു(സംഗീത സംവിധായകന്).
ശക്തി' എന്ന ചിത്രത്തിനായി കഥയും സംഭാഷണവും, 'ഇഷ്ടപ്രാണേശ്വരി' എന്ന ചിത്രത്തിന് തിരക്കഥയും രചിച്ചിട്ടുണ്ട്. കൂടാതെ നിരവധി ഗാനങ്ങളും ആലപിച്ചിട്ടുണ്ട്. എ.ആര്. റഹ്മാന് മലയാളത്തില് ഈണം നല്കിയ ഏക ചിത്രമായ യോദ്ധയിലെ ഗാനങ്ങള് എഴുതിയതും അദ്ദേഹമാണ്.
"
https://www.facebook.com/Malayalivartha
