നീതി മെഡിക്കൽസിൽ നിന്നും 9.66 ലക്ഷത്തിൻ്റെ മരുന്ന് കടത്തിയെന്ന കേസ്... ജീവനക്കാരായ 4 ...

നീതി മെഡിക്കൽസിൽ നിന്നും 9.66 ലക്ഷത്തിൻ്റെ മരുന്ന് കടത്തിയെന്ന കേസ്... ജീവനക്കാരായ 4 പ്രതികൾക്ക് സോപാധിക മുൻകൂർ ജാമ്യം

09 DECEMBER 2021 08:33 AM IST

മലയാളി വാര്‍ത്ത

More Stories...

ആശുപത്രിയില്‍ മോര്‍ച്ചറിയില്‍ സൂക്ഷിച്ചിരുന്ന മൃതദേഹം ജീര്‍ണ്ണിച്ച നിലയില്‍

സംസ്ഥാനത്ത് വേനല്‍മഴയെ തുടര്‍ന്ന് വീട്ടുമുറ്റത്ത് നിന്ന വയോധിക ഇടിമിന്നലേറ്റ് മരിച്ചു

സഹകരണ ബാങ്കിൻ്റെ നീതി മെഡിക്കൽസിൽ നിന്നും 9.66 ലക്ഷത്തിൻ്റെ ഇംഗ്ലീഷ് മരുന്ന് കടത്തിയെന്ന കേസിൽ ജീവനക്കാരായ 4 പ്രതികൾക്ക് സോപാധിക മുൻകൂർ ജാമ്യം അനുവദിച്ചു. തിരുവനന്തപുരം ഒന്നാം അഡീ. ജില്ലാ സെഷൻസ് കോടതിയാണ് മുൻകൂർ ജാമ്യം നൽകിയത്. പേരൂർക്കട സർവ്വീസ് കോ-ഓപ്പപറേറ്റീവ് ബാങ്കിൻ്റെ കീഴിലുള്ള കുടപ്പനക്കുന്ന് നീതി മെഡിക്കൽസിൽ നിന്നും 9,66,254 രൂപയുടെ മരുന്നുകൾ കടത്തിക്കൊണ്ടു പോവുകയോ കണക്കിൽ കാണിക്കാതെ വിൽപ്പന നടത്തുകയോ ചെയ്ത് ബാങ്കിനെ വിശ്വാസ വഞ്ചന ചെയ്ത് ചതിച്ചുവെന്നാണ് കേസ്. പ്രതികൾ 2017 ൽ ചാർജെടുത്ത വേളയിൽ ബാങ്ക് സെക്രട്ടറി ബാധ്യത രജിസ്റ്ററിൽ മരുന്നുകളുടെ വിൽപ്പന വില രേഖപ്പെടുത്തി ഉത്തരവാദിത്വം കൈമാറിയില്ലെന്ന് കണ്ടെത്തിയാണ് ജഡ്ജി മിനി. എസ്. ദാസ് ജാമ്യം അനുവദിച്ചത്. മെഡിക്കൽ സ്റ്റോറിൻ്റെ നടത്തിപ്പുകാരും ചുമതലക്കാരും ജീവനക്കാരുമായ കരകുളം ഏണിക്കര സ്വദേശിനി ജെ. ആർ. ലക്ഷ്മി , കുടപ്പനക്കുന്ന് പുതുക്കുളം സ്വദേശിനി കെ. വി. അരുണ , അമ്പലമുക്ക് രവി നഗർ സ്വദേശി സി. അഭിഷേക് , മണ്ണന്തല കളത്തറ കൈതരത്തലപ്പ് സ്വദേശിനി വി. സുനിത എന്നീ 1 മുതൽ 4 വരെയുള്ള പ്രതികൾക്ക് ആണ് സോപാധിക ജാമ്യം ലഭിച്ചത്. പ്രതികളെ അന്വേഷണ ഉദ്യോഗസ്ഥനായ മണ്ണന്തല സർക്കിൾ ഇൻസ്പെക്ടർ ഉടൻ തന്നെ 50000 രൂപയുടെ പ്രതിയുടെ സ്വന്തം ജാമ്യ ബോണ്ടിലും തുല്യ തുകക്കുള്ള രണ്ടാൾ ജാമ്യത്തിലും വിട്ടയക്കണം. അന്വേഷണ ഉദ്യോഗസ്ഥൻ രേഖാമൂലം ആവശ്യപ്പെടുമ്പോൾ പ്രതികൾ ഹാജരാകണം. അന്വേഷണവുമായി സഹകരിക്കണം. തെളിവു നശിപ്പിക്കരുത്. സാക്ഷികളെ സ്വാധീനിക്കാനോ ഭീഷണിപ്പെടുത്താനോ പാടില്ല. എന്നീ ഉപാധികളോടെയാണ് ജാമ്യം നൽകിയത്. "

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha