ആരോഗ്യമന്ത്രിയുടെ അട്ടപ്പാടി സന്ദര്ശനത്തിന് പിന്നാലെ സര്ക്കാരിനെ വിമര്ശിച്ചു; കോട്ടത്തറ ട്രൈബല് ആശുപത്രി സൂപ്രണ്ട് ഡോ. പ്രഭുദാസിനെ സ്ഥലം മാറ്റി
ആരോഗ്യമന്ത്രി വീണാ ജോര്ജിന്റെ അട്ടപ്പാടി സന്ദര്ശനത്തിന് പിന്നാലെ സര്ക്കാരിനെ വിമര്ശിച്ച കോട്ടത്തറ ട്രൈബല് ആശുപത്രി സൂപ്രണ്ട് ഡോ. പ്രഭുദാസിനെ സ്ഥലം മാറ്റി. തിരൂരങ്ങാടി താലൂക്ക് ആശുപത്രിയിലേക്കാണ് സ്ഥലംമാറ്റിയത്. പട്ടാമ്ബി താലൂക്ക് ആശൂപത്രി സൂപ്രണ്ട് മുഹമ്മദ് അബ്ദുള് റഹ്മാന് പകരം ചുമതല നല്കി. ആരോഗ്യ മന്ത്രിക്കെതിരായ വിമര്ശനത്തിന് പിന്നാലെയാണ് സ്ഥലംമാറ്റം. അതേസമയം ഭരണ സൗകര്യാര്ത്ഥമാണ് നടപടിയെന്ന് ആരോഗ്യ സെക്രട്ടറി വിശദീകരിച്ചു.
ശിശുമരണങ്ങള് ഉണ്ടാകുമ്ബോള് മാത്രമാണ് അട്ടപ്പാടിയെ സര്ക്കാര് പരിഗണിക്കുന്നതെന്ന് പ്രഭുദാസ് ആരോപിച്ചിരുന്നു. ആശുപത്രി മാനേജ്മെന്റ് കമ്മിറ്റിയിലെ പല മെമ്ബര്മാരും ബില്ലുകള് മാറാന് കൈക്കൂലി ആവശ്യപ്പെടുകയാണെന്നും ഇത് തടയാന് ശ്രമിച്ചതാണ് തനിക്കെതിരായ നീക്കങ്ങള്ക്ക് കാരണമെന്നും പ്രഭുദാസ് ആരോപിച്ചിരുന്നു. .മന്ത്രി വീണാ ജോര്ജിന്റെ അട്ടപ്പാടി സന്ദര്ശനസമയത്ത് അട്ടപ്പാടി നോഡല് ഓഫീസറായ തന്നെ ബോധപൂര്വം മാറ്റിനിര്ത്തിയെന്നും അദ്ദേഹം പറഞ്ഞിരുന്നു.
https://www.facebook.com/Malayalivartha