സന്നിധാനത്ത് രാത്രി വിരിവെക്കാന് ഭക്തര്ക്ക് അനുമതി നല്കും... പമ്പാസ്നാനം നടത്തുന്നതിനും ബലിതര്പ്പണത്തിനും അനുവദിക്കും, ശബരിമല തീര്ഥാടന നിയന്ത്രണങ്ങളില് കൂടുതല് ഇളവുകള് അനുവദിച്ച് സര്ക്കാര്
സന്നിധാനത്ത് രാത്രി വിരിവെക്കാന് ഭക്തര്ക്ക് അനുമതി നല്കും... പമ്പാസ്നാനം നടത്തുന്നതിനും ബലിതര്പ്പണത്തിനും അനുവദിക്കും, ശബരിമല തീര്ഥാടന നിയന്ത്രണങ്ങളില് കൂടുതല് ഇളവുകള് അനുവദിച്ച് സര്ക്കാര്.
പമ്പയില്നിന്ന് നീലിമല അപ്പാച്ചിമേട് വഴിയുള്ള പരമ്പരാഗത പാത തുറക്കും. 500 മുറികള് ഇതിനായി കോവിഡ് മാനദണ്ഡ പ്രകാരം സജ്ജീകരിച്ചു. പമ്പാസ്നാനം നടത്തുന്നതിനും ബലിതര്പ്പണത്തിനും അനുവദിക്കും. എന്നാല് പമ്പയിലെ ജലനിരപ്പ് അനുസരിച്ച് ഇക്കാര്യത്തില് ജില്ലാ ഭരണകൂടത്തിന് ഇക്കാര്യത്തില് തീരുമാനം എടുക്കാം. മുഖ്യമന്ത്രി പിണറായി വിജയനുമായി ദേവസ്വംമന്ത്രി കെ. രാധാകൃഷ്ണന് നടത്തിയ ചര്ച്ചയിലാണ് ഇളവുകള് തീരുമാനിച്ചത്.
അതേസമയം കോവിഡ് വ്യാപനം കുറഞ്ഞ സാഹചര്യത്തില് ശബരിമലയിലെ കോവിഡ് നിയന്ത്രണങ്ങളില് കൂടുതല് ഇളവുകള് വേണമെന്ന ആവശ്യമാണ് തിരുവിതാംകൂര് ദേവസ്വം ബോര്ഡ് സര്ക്കാരിന് മുന്നില് വച്ചിരുന്നത്.
ഇളവുകള് നിലവില് വന്നാല് വലിയ വരുമാന വര്ധനവ് ഉണ്ടാകുമെന്നും ദേവസ്വം ബോര്ഡ് സര്ക്കാരിനോട് വ്യക്തമാക്കിയിരുന്നു. ഇതിന്റെ അടിസ്ഥാനത്തില് ആണ് ദേവസ്വം മന്ത്രി കെ രാധാകൃഷ്ണന് മുഖ്യമന്ത്രി പിണറായി വിജയനുമായി ചര്ച്ച നടത്തിയത്.
ആ ചര്ച്ചയിലാണ് ശബരിമലയില് കൂടുതല് ഇളവുകള് അനുവദിക്കാന് തീരുമാനമായത്. നീലിമലയിലും അപ്പാച്ചിമേട്ടിലും പ്രാഥമിക ചികിത്സാ സൗകര്യങ്ങള് ഏര്പ്പെടുത്തിയിട്ടുണ്ട്. കുടിവെള്ളം അടക്കമുള്ള സൗകര്യങ്ങളും ഇവിടെ ഒരുക്കിയിട്ടുണ്ട്. ഭക്തര്ക്ക് സന്നിധാനത്ത് രാത്രിയില് തങ്ങാനുള്ള അനുമതിയും ഉണ്ട്. ഇതിന്റെ ഭാഗമായി 500 മുറികള് കോവിഡ് പ്രോട്ടോക്കോള് പാലിച്ച് സജ്ജീകരിച്ചിട്ടുണ്ട്.
ദേവസ്വം ബോര്ഡ് മുന്നോട്ടു വച്ചിരുന്ന മറ്റൊരു പ്രധാനപ്പെട്ട ആവശ്യമായ നെയ്യഭിഷേകത്തിന് ഇത്തവണ അനുമതി നല്കിയിട്ടില്ല.കൂടാതെ നിലവില് പ്രതിദിനം പരമാവധി 45,000 പേര്ക്ക് മാത്രമേ ദര്ശനത്തിനു അനുമതിയുള്ളൂ. സന്നിധാനത്ത് ഭക്തരുടെ തിരക്ക് വര്ദ്ധിക്കുന്നതിനാല് ഈ പരിധി നീക്കണമെന്ന ആവശ്യമാണ് തിരുവിതാംകൂര് ദേവസ്വം ബോര്ഡ് സര്ക്കാരിന് മുന്നില് വച്ചിരിക്കുന്നത്. എന്നാല് ഇക്കാര്യത്തില് തീരുമാനമായില്ല.
https://www.facebook.com/Malayalivartha